!...Payanam...!

காமெடியில் வடிவேலுவுக்கு அடுத்து அவரது இடத்திற்கு வந்தவர் தான் சந்தானம். ஆனால் இதற்குபிறகு ஹீரோவாக மட்டுமே நடிப்பேன் என கூறி நடித்து சில படங்களில் வெற்றியும் கண்டுள்ளார்.

ஏ1 (ஆக்கியூஸ்டு நம்பர் 1) அவருக்கு மேலும் ஒரு வெற்றியை பெற்றுத்தருமா? வாருங்கள் பார்ப்போம்.

கதை:

சில லோக்கல் ரௌடிகளிடம் சிக்கிக்கொண்ட ஹீரோயினை சண்டைபோட்டு காப்பாற்றுகிறார் சந்தானம். தமிழ் சினிமா வழக்கப்படி உடனே ஹீரோயினுக்கு ஹீரோ மீது காதல். அடுத்த நிமிடமே கட்டிப்பிடித்து லிப் டு லிப் கிஸ் செய்துவிடுகிறார்.

லோக்கல் பையனான சந்தானம் அன்று நெற்றியில் நாமம் போட்டிருப்பார். அதனால் அவர் அய்யங்காராக தான் இருப்பார் என நினைத்து காதலில் விழுந்துவிடுகிறார் அவர். ஆனால் அடுத்த நாளே சந்தானம் யார் என அறிந்து பிரேக் அப் செய்கிறார்.

பின்னர் ஹீரோயினின் அப்பா ரோட்டில் உயிருக்கு போராடும் சமயத்தில் அவருக்கு உதவுகிறார் சந்தானம். அதை பார்த்து ஹீரோயினுக்கு மீண்டும் காதல் மலர்கிறது. அதை நம்பி அவர் வீட்டிற்கு குடும்பத்துடன் பெண் கேட்டு செல்கிறார் சந்தானம். ஆனால் அங்கும் அவமானம் தான் மிஞ்சுகிறது.

ஒரு சமயத்தில் இந்த பிரச்சனை பற்றி குடித்துவிட்டு உளறுகிறார் சந்தானம். அதை நம்பி அவரது நண்பர்கள் ஒரு விபரீத செயலை செய்துவிடுகின்றனர். அதனால் வரும் பிரச்சனைகள், அதை சந்தானம் எப்படி சமாளித்தார் என்பது தான் மீதிக்படம்.

படத்தை பற்றிய அலசல்:

இதுவரை தமிழ் சினிமாவில் நாம் பார்த்து அலுத்துப்போன கதை தான் இது என்றாலும் படம் முழுவதும் நிரம்பியிருப்பது சந்தானத்தின் ட்ரேட்மார்க் ஒன் லைன் காமெடிகள் தான். தனக்கு என்ன வருமோ அதை தெளிவாக செய்துள்ளார் சந்தானம்.

அழகு பதுமை போல இருக்கவேண்டும் என்பதற்காகவே தாரா அலிஷா பெரியை தேடிப்பிடித்து ஹீரோயினாக நடிக்கவைத்துள்ளனர். ஆனால் நடிப்பில் பெரிதாக கவரவில்லை.

விஜய் டிவி தங்கதுரை, லொள்ளு சபா மனோகர், எம்எஸ் பாஸ்கர், மொட்டை ராஜேந்திரன், சுவாமிநாதன் என பலர் நடித்துள்ளதால் படத்தில் காமெடிக்கு பஞ்சம் இல்லை. பல காமெடிகளுக்கு தியேட்டரில் சிரிப்பு சத்தம் அதிகமாகவே கேட்டது. ஆனால் ஒரு கட்டத்திற்கு மேல் ’இதுவெல்லாம் காமெடியா?’ என்கிற கேள்வியும் ஒருசில இடங்களில் மனதில் எழத்தான் செய்கிறது.

கிளாப்ஸ் & பல்ப்ஸ்:

- ஒர்க் அவுட் ஆன சந்தானம்+டீமின் காமெடி.

- சந்தோஷ் நாராயணன் பாடல்கள் பெரிதாக மனதில் நிற்கவில்லை என்றாலும் பின்னணி இசை ஓகே.

- பல லாஜிக் மீறல்கள். காமெடி படத்திற்கு எதுக்கு லாஜிக் என இயக்குனர் நினைத்துவிட்டாரோ என்னவோ.

- விஜய் டிவியில் பார்த்த லொள்ளு சபாவை அப்படியே பெரிய திரைக்கு கொண்டுவந்தால் எப்படி இருக்கும்? இப்படித்தான் இருக்கும் என ஏ1 படம் பார்த்த பிறகு உங்களுக்கு நிச்சயம் தோன்றலாம்.

மொத்தத்தில், ஏ1 படம் எதிர்பார்ப்பு இல்லாமல் போனால் இரண்டு மணி நேரம் உங்களை சிரிக்கவைக்கும்.

கோபி் அருகே சமையல் செய்தபோது கவனக்குறைவால் தீவிபத்து- வீடு முழுவதும் எரிந்து நா...
ஈரோடு மாவட்டம் கோபிசெட்டிபாளையம் அருகே வீட்டில் சமையல் செய்து கொண்டிருந்த போது, வானலியில் இருந்த எண்ணெய் தீ பிடித்ததால் வீடு முழுவதும் தீ பிடித்து எரிந்து நாசமாகியது.

கோபி் அருகே பொம்மநாயக்கன்பாளையம் பகுதியை சேர்ந்தவர் கலா. கணவனை இழந்த இவர் தனியாக வசித்து வருகிறார். இன்று கேஸ் அடுப்பில் சமையல் செய்வதற்காக வானலியில் எண்ணெய் ஊற்றி வைத்து விட்டு வெளியே தண்ணீர் பிடிக்க சென்றுள்ளார்.

வானலியில் ஊற்றி வைத்திருந்த எண்ணெய் வெப்பம் அதிகமானதால் அடுப்பில் இருந்த தீ பிடித்து, மேலே பரவி கொழுந்து விட்டு எரியத்தொடங்கியது.
சமையல் செய்தபோது கவனக்குறைவால் தீவிபத்து

இதைக்கண்ட கலா அதிர்ச்சியடைந்து கேஸ் சிலிண்டர் வெடிக்காமல் இருக்க அருகில் இருந்தவர்கள் உதவியுடன் சிலிண்டர் மீது தண்ணீர் உற்றியுள்ளார். ஏற்கனவே எண்ணெய் இருந்த இடத்தில் தண்ணீரை ஊற்றியதும் தீ மேலும் வேகமாக எரியத்தொடங்கியது.
சமையல் செய்தபோது கவனக்குறைவால் தீவிபத்து

அதற்குள் கோபி தீயணைப்பு துறையினருக்கு தகவல் தெரிவிக்கப்பட்டதால் உடனடியாக சம்பவ இடத்துற்கு வந்த தீயணைப்பு வீரர்கள், வீடு முழுவதும் தண்ணீர் அடித்து பக்கத்து வீடுகளுக்கு தீ பரவமால் கட்டுக்குள் கொண்டு வந்தனர்.
சமையல் செய்தபோது கவனக்குறைவால் தீவிபத்து- வீடு முழுவதும் எரிந்து நாசம்!

தக்க சமையத்தில் தீயணைப்பு வீரர்கள் வந்து தீயை அணைத்ததால் வீட்டில் இருந்த இரண்டு் சிலிண்டர்கள் வெடிக்காமலும், உயிர்சேதம் இன்றியும் காப்பாற்றப்பட்டது.

பிரதமர் மோடி, ஒரு குழந்தையை தன்னுடைய மடியில் வைத்து கொஞ்சி தள்ளுகிறார். அந்த குழந்தையின் ரெண்டு காலையும் ஒரே கையில் பிடித்து, இன்னொரு கையால் அலேக்காக பிடித்தபடி கொஞ்சும் இந்த போட்டோதான் இணையத்தில் வைரலாகி வருகிறது.

எப்போதுமே கெத்து & கலர்புல் & கண்டிப்புடன்தான் இதுவரை நாம் பிரதமர் மோடியை பார்த்திருக்கிறோம். ஒன்றிரண்டு முறை அமித்ஷாவின் பேத்தியை தூக்கி வைத்து கொஞ்சியதையும் கண்டுள்ளோம்.

இப்போது ஒரு குழந்தையை கொஞ்சுகிறார். தனது இன்ஸ்டாகிராம் பக்கத்தில் அந்த குழந்தையுடன் இருக்கும் 2 போட்டோக்களை பதிவிட்டுள்ளார். அந்த குழந்தை யார், என்ன என்ற விவரத்தை மோடி சொல்லவில்லை. ஆனால், "ரொம்பவும் சிறப்பான நண்பர் தன்னை நாடாளுமன்றத்தில் சந்திக்க வந்தார்" என்று ஒரு கேப்ஷன் போட்டுள்ளார்.

குழந்தையை மடியில் போட்டு அளவளாவி கொஞ்சுகிறார் மோடி. குழந்தை யாருடையது என்று தெரிவதற்கு முன்னேயே அந்த போட்டோக்களுக்கு 5 லட்சம் பேர் லைக்ஸ் செய்துவிட்டார்கள். கூடவே, இந்த குழந்தை யாருடையது என்று கேள்வியும் கேட்டனர்.

ஒருசிலர் கிரிக்கெட் வீரர் ரோகித் சர்மாவின் மகளாக இருக்கலாம் என்றும், வேறு சிலர், அமித்ஷாவின் பேரனாக இருக்கலாம் என்றும் யூகமாக சொன்னார்கள். ஆனால் இந்தக் குழந்தை முன்னாள் மத்திய அமைச்சரும், ராஜ்யசபா எம்பியுமான சத்தியநாராயணன் ஜாதியாவுடைய பேரக் குழந்தையாம். மோடி மடியில் தவழும் குழந்தையை எல்லாருமே தங்களையும் மறந்து ரசித்து வருகின்றனர்.

பிக்பாஸ் நிகழ்ச்சி நாளுக்கு நாள் ரசிகர்களை வெகுவாக கவர்ந்து வருகின்றது. இந்நிலையில் பாத்திமாபாபு, வனிதா, மோகன் வைத்யா என மூவர் எலிமினேட் ஆகிவிட்டனர்.

தற்போது யார் எலிமினேட் ஆவார் என பலரும் இந்த வாரம் எதிர்ப்பார்த்து காத்திருக்கின்றனர், இந்த தருணத்தில் கனா பட இயக்குனர் அருண்ராஜ் காமராஜ், கவினுக்காக தான் பிக்பாஸ் பார்ப்பதாக கூறியுள்ளார்.

அதை தொடர்ந்து இயக்குனர் அட்லீ பிக்பாஸ் வீட்டிற்குள் செல்லலாம், அவர் வந்தால் நன்றாக இருக்கும் என்று தன் விருப்பத்தை தெரிவித்துள்ளார்.

சந்திரனைப் பற்றிய ஆராய்ச்சியில் இந்தியாவால் உருவாக்கப்பட்டு அனுப்பப்படும் இரண்டாவது ஆராய்ச்சி விண்வெளி ஏவுகணை தான் சந்திராயன் 2. இது நிலாவின் தென்துருவப் பகுதியைப் பற்றிய ஆராய்ச்சியை மேற்கொள்ள இருக்கிறது.

ஜூலை 15 ஆம் ஆததி அனுப்புவதாகத் திட்டமிடப்பட்ட சந்திராயன் 2 சில தொழில்நுட்பக் கோளாறு காரணமாக விண்ணில் ஏவப்படாமல் நிறுத்தி வைக்கப்பட்டது. அது இன்று மதியம் வெற்றிகரமான சந்திரனுக்கு அனுப்பப்பட்டது. அந்த சந்திராயன் 2 பற்றிய பல்வேறு சுவாரஸ்யமான விஷயங்களைப் பற்றித் தான் இந்த கட்டுரையில் உங்களிடம் பகிர்ந்து கொள்கிறோம். படித்துத் தெரிந்து கொள்ளுங்கள்.

திடீர் நிறுத்தம்

ஜூலை 15 ஆம் தேதி அனுப்புவதாகத் திட்டமிடப்பட்ட சந்திராயன் 2 விண்ணில் செலுத்துவதற்குத் தயாராக இருந்த நிலையில் செலுத்துவதற்கும் 56 நிமிடங்களுக்கு முன்பாக சில தொழில்நுட்பக் கோளாறுகள் இருப்பது கண்டறியப்பட்டது. அதனால் இன்று ஏவப்படுவது நிறுத்தி வைக்கப்படுகிறது என்றும் வேறொரு தேதியில் செலுத்தப்படும் என்றும் இந்திய விண்வெளி ஆராய்ச்சி கழகத்தால் அறிவிப்பு வெளியிடப்பட்டது.

டுவிட்டர் பதிவு

சந்திராயன் 2 விண்கலத்தைப் பற்றி டுவிட்டர் பதிவில் இஸ்ரோவில் பதிவு ஒன்று போடப்பட்டது. அதில், 100 கோடி கனவுகளை நிலவுக்குச் சுமந்து செல்ல சந்திராயன் 2 தயாராக இருக்கிறது என்று இஸ்ரோ தனது டுவிட்டர் பக்கத்தில் பதிவு வெளியிட்டிருக்கிறது.

ஜிஎஸ்எல்வி மார்க்3

ஜிஎஸ்எல்வி மார்க் 3 என்னும் செலுத்து வாகனத்தினில் திரவ எரிபொருள் நிரப்பப்பட்டு இருக்கிறது. அதுதான் இந்த ஏவுகணையை சுமந்து செல்லும் வாகனமாக விளங்குகிறது.

மூன்று பாகங்கள்

சந்திராயன் 2 என்னும் ஆராய்ச்சி விண்கலம் மூன்று பகுதிகளைக் கொண்டிருக்கிறது. அதாவது நிலவைச் சென்றடைந்தவுடன் நிலவைச் சுற்றி வருவதற்கான கலன் ஒன்றையும் நிலவில் சென்று தரையிறங்கும் கலன் ஒன்றாகவும் நிலவுக்கு ஊர்ந்து சென்று ஆய்வு மேற்கொள்ளும் ரோவர் கலன் ஒன்றும் என மூன்று பகுதிகளைக் கொண்டது.

பெயர்கள்

நிலவைச் சுற்றி வரும் கலனை அடுத்து, நிலவில் தரையிறங்கும் கலனுக்கு விக்ரம் என்றும் அதற்குள் ஊர்ந்து ஆய்வு மேற்கொள்ளவிருக்கும் கலனை பிரக்யான் ரோவர் (உலாவி) என்றும் பெயர் வைக்கப்பட்டிருக்கிறது.

இது எவ்வளவு உயரம்?

இந்த சந்திராயன் 2 விண்கலம் எவ்வளவு உயரமானது என்பது பற்றிய தகவல் தெரியுமா உங்களுக்கு?... இந்தியா உருவாக்கத்தியதிலேயே மிகவும் சக்திவாய்ந்த பெரிய விண்கலம் இதுதான். கிட்டதட்ட 640 டன் எடை கொண்டது. 44 மீட்டர் அதாவது 144 அடி உயரம் கொண்டது. ஏறத்தாழ 14 மாடிக் கட்டடத்தின் உயரம் கொண்டது அந்த விண்கலம்.

நிலவுப்பயணத் திட்டம்

இந்தியாவுக்கு நிலவுப் பயணம் கனவாக இருந்த சமயத்தில் முதன் முதலில் 2008 ஆம் ஆண்டு தான் அது நிறைவேறத் தொடங்கியது. கடந்த 2008 ஆம் ஆண்டு தன்னுடைய முதல் நிலவுப் பயணத்திட்டமான சந்திராயன் 1 ஐ விண்ணில் ஏவியது. நிலாவில் தண்ணீர் இருக்கிறதா இல்லையா என்பது பற்றிய ஆய்வு உண்மை தான் அது.

எவ்வளவு செலவானது?

கிட்டதட்ட 150 மில்லியன் டாலர் செலவில் இந்த சந்திராயன் 2 உருவாக்கப்பட்டிருக்கிறது. இந்த சந்திராயன் 2 திட்டம் என்பது நிலவில் தண்ணீர் மற்றும் தாதுப் பொருள்கள் இருக்கிறதா என்றும் பூமியில் நிலநடுக்கம் ஏற்படுவது போல நிலவில் நிலவுநடுக்கம் ஏற்படுமா என்றும் எப்படி இருக்கும் என்பது பற்றிய உண்மைகளை அறிய உதவும்.

இந்தியா முதல் இடம்

இந்த முயற்சி மட்டும் வெற்றி பெற்றுவிட்டால், நிலவின் தென்துருவப் பகுதியில் கால் பதிக்கும் முதல் நாடு இந்தியா என்ற பெருமை உண்டாகும்.

எப்போது போய் சேரும்?

கிட்டதட்ட 3.84 லட்சம் கிலோ மீட்டர் தூரம் பயணிக்கவிருக்கிறது இந்த விண்கலம். இதன் முதல் பகுதி நிலவில் தரையிறங்குவது செப்டம்பர் 6 அல்லது 7 தேதி சென்றடையும். கலன் பிரிவதில் இருந்து தரையிறங்கும் 15 நிமிடம் தான் விஞ்ஞானிகளுக்கான மிகப்பெரிய சவாலாக அமையும்.

எத்தனை நாள்?

கிட்டதட்ட இந்த விண்கலம் மொத்தமாக 48 நாட்கள் வரை விண்ணில் தன்னுடைய ஆராய்ச்சியை மேற்கொள்ளப் போகிறது. நிச்சயம் இந்தியாவின் சந்திராயன் 2 கனவு நிறைவேறும். இந்தியாவுக்குப் பெருமைத் தேடித்தரும்.

பிசிசிஐயின் தொடர் அழுத்தத்தால் 2 மாதங்கள் தற்காலிக ஓய்வை தோனி அறிவித்திருப்பதாக தகவல்கள் வெளியாகி உள்ளன.

இந்திய அணி வெஸ்ட் இண்டீஸ் நாட்டில் சுற்றுப்பயணம் செய்து டி20 போட்டிகள், 5 ஒருநாள் மற்றும் டெஸ்ட் தொடரில் விளையாடுகிறது. அதற்கான அணியை தேர்வு செய்ய தலைமை தேர்வு குழு தலைவர் எம் எஸ் கே பிரசாத் தலைமையிலான குழு கூடியது.

அதற்கு முன்னதாக, தேர்வுக் குழுவினருக்கும், கேப்டன் கோலிக்கும் இடையில் முக்கிய ஆலோசனை நடந்தது. அதன் பின்னர், 3 வகையான போட்டிகளுக்கான தனித்தனியே அணி அறிவிக்கப்பட்டது.

கோலி தான் கேப்டன்

டெஸ்ட் போட்டிகளுக்கு 16 பேர் கொண்ட அணி, 3 ஒருநாள் போட்டிகளில் 15 பேர் கொண்ட அணியில் 3 டி20 போட்டிகளுக்கு 15 பேர் கொண்ட அணியும் அறிவிக்கப் பட்டது. அனைத்து அணிகளுக்குமே கோலி கேப்டனாக நியமிக்கப்பட்டுள்ளார்.

பாண்டியாவுக்கு ஓய்வு

ஹர்திக் பாண்டியாவிற்கு மூன்று வகையான போட்டிகளில் இருந்தும் ஓய்வு கொடுக்கப்பட்டுள்ளது. பும்ராவிற்கு டி20 மட்டும் ஒரு நாள் போட்டியில் இருந்து ஓய்வு கொடுக்கப்பட்டுள்ளது. டெஸ்ட் தொடரில் மட்டும் அவர் ஆடுவார்.

தேர்வுக்குழு கருத்து

இந் நிலையில் அணியை அறிவித்த பின்னர் செய்தியாளர்களின் கேள்விக்கு பதிலளித்த தேர்வுக்குழு தலைவர் எம்எஸ்கே பிரசாத். அப்போது தோனி பற்றியும் பேசினார். அவர் கூறியதாவது:

விளையாட மாட்டேன்

தோனி எங்களிடம் இந்த தொடருக்கு முன்னதாக பேசினார். இந்த தொடரில் ஆட மாட்டேன் என்றும் கூறினார். அவரது வார்த்தைகளுக்கு மதிப்பளிக்கிறோம். அதனால் அவரை விட்டுவிட்டு மற்ற வீரர்களை வைத்து அணியை தேர்வு செய்தோம்.

திட்டங்கள்

அடுத்த உலக கோப்பைக்கு நாங்கள் தற்போது தயாராக வேண்டியுள்ளது. அதற்கான திட்டங்களை தீட்டி வருகிறோம். தோனி இல்லாத நேரத்தில் ரிஷப் பன்ட் அனைத்து வகையான போட்டிகளிலும் கீப்பிங் செய்வார். அதுவே தற்போதைய திட்டம்.

தோனிக்கு தெரியும்

தோனி போன்ற ஒரு ஜாம்பவானுக்கு, எப்போது ஓய்வு பெறவேண்டும் என அவருக்கு நன்றாக தெரியும். அதைப்பற்றி நாம் அவரிடம் பேசக்கூடாது. ஓய்வு பெறுவது அவரது தனிப்பட்ட விருப்பம்.

தலையீடு இல்லை

தோனி எப்போது வேண்டுமானாலும் அணியில் இருந்து ஓய்வு பெறலாம். அதில் நாங்கள் தலையிடுவது இல்லை என்றார். ஆனால், தோனியை அணியில் எடுக்கப் போவதில்லை என்று முன்பே முடிவெடுத்து, அதை தோனியிடம் பிசிசிஐ தெரிவித்து விட்டதாக தகவல்கள் வெளியாகி இருக்கின்றன.

பிசிசிஐ நெருக்கடி

மேலும், ஓய்வு அறிவிப்பை வெளியிட்டு விடுங்கள், அப்போது தான் நன்றாக இருக்கும் என்று நெருக்கடி கொடுத்தாகவும் தகவல்கள் கசிந்துள்ளன. ஆனால், எதற்கும் மசியாமல் தமது பாராமிலிட்டரி பணியை முன் வைத்து 2 மாதங்கள் தற்காலிக ஓய்வை அறிவித்துவிட்டார் தோனி என்றும் கூறப்படுகிறது.

அமேசான் பிரைம் டே சேலில், 9 லட்சம் ரூபாய் மதிப்புள்ள கேமரா, வெறும் 6 ஆயிரம் ரூபாய்க்கு விற்கப்பட்ட சமபவம் அரங்கேறியுள்ளது.

அமேசான் நிறுவனம் ஒவ்வொரு ஆண்டும் ‘பிரைம் டே சேல்’ நடத்தி வருகிறது. இதில் அமேசான் பிரைமில் இணைந்த வாடிக்கையாளர்களுக்கு சிறப்பு சலுகைகள் வழங்கப்படுகிறது. குறைந்த இந்தாண்டு பிரைம் டே சேல் கடந்த 15,16 ஆகிய தேதிகளில் நடைபெற்றது. இதில் டிவி, பிரிட்ஜ், ஏசி, வாஷிங் மெஷின், மைக்ரோவேவ் ஒவன் என வீட்டு உபயோகப்பொருட்கள் விற்பனை செய்யப்பட்டது.

இதே போல், அமேசான் கிண்டல், கேமரா, வாட்ச், ஹெட் செட் போன்ற எலக்ட்ரானிக்ஸ் பொருட்கள், வாட்ச், ஷூ, டிரெஸ், பேக், என பேஷன் பொருட்களும் அமேசான் பிரைம் டே சேலில் கிடைக்கிறது. கிண்டல், ஃபயர் டிவி, எக்கோ உள்ளிட்ட அமேசான் தயாரிப்புகளுக்கு 60 சதவீதம் தள்ளுபடி வழங்கப்பட்டது

இந்த நிலையில், 9 லட்சம் ரூபாய் மதிப்பிலான கேமரா, வெறும் 6 ஆயிரம் ரூபாய்க்கு விற்கப்பட்டதாக கூறப்படுகிறது. இது தெரியாமல் விற்கப்பட்டிருக்கலாம் என்று அதனை வாங்கிய வாடிக்கையாளர்கள் தெரிவிக்கின்றனர். இருப்பினும் அமேசான் தரப்பில் இருந்து இது தொடர்பான விளக்கம் எதுவும் வெளிவரவில்லை.

எது எப்படியோ, தெரிந்து வந்ததோ தெரியாமல் வந்ததோ.. கிடைத்தால் போதும் என்ற வகையில் கேமரா பிரியர்கள் 9 லட்சம் ரூபாய் மதிப்பிலானகேமராவை 6 ஆயிரம் ரூபாய்க்கு வாங்கி விட்டனர். மேலும், தங்கள் நண்பர்களுக்கும் பரிந்துரை செய்தனர். இதனால் குறிப்பிட்ட அளவிலே இருந்த கேமரா, உடனுக்குடன் விற்றுத்தீர்ந்தது.

ரஜினிகாந்த் அரசியலுக்கு வருவதாக அறிவித்ததும் சினிமாவை விட்டு விலகுவார் என்று பலரும் எதிர்பார்த்தனர்.

ஆனால் அடுத்த சட்டமன்ற தேர்தலே எங்கள் இலக்கு என்று கூறிவிட்ட ரஜினி, எம்ஜிஆர் பாணியில் தொடர்ந்து நடித்து வருகிறார்.

அடுத்த சட்டமன்ற தேர்தல் 2021-ல்தான் நடக்கும் என்பதால் இன்னும் ஓரிரு படங்களில் நடிக்கும் முடிவில் இருக்கிறார். தற்போது நடித்து வரும் தர்பார் படப்பிடிப்பு மும்பையில் விறுவிறுப்பாக நடந்து இறுதி கட்டத்தில் உள்ளது. அடுத்த மாதம் முழு படப்பிடிப்பும் முடிந்துவிடும் என்று எதிர்பார்க்கப்படுகிறது. இதில் கதாநாயகியாக நயன்தாரா நடிக்கிறார். ஏ.ஆர்.முருகதாஸ் இயக்குகிறார்.

ரஜினிகாந்த் இரட்டை வேடங்களில் நடிக்கும் இந்தப் படம் பொங்கலுக்கு திரைக்கு வருகிறது. இந்தப் படத்துக்கு பிறகு சிவா இயக்கும் படத்தில் ரஜினிகாந்த் நடிக்க உள்ளதாகவும், இதன் படப்பிடிப்பு செப்டம்பர் மாதம் தொடங்கும் என்றும் தகவல் வெளியாகி உள்ளது.

கடந்த மாதம் ரஜினிகாந்த் தர்பார் படப்பிடிப்புக்காக மும்பை புறப்படுவதற்கு முன்னால் சென்னை போயஸ் கார்டன் வீட்டில் இயக்குநர் சிவாவை சந்தித்துப் பேசினார். அப்போது கதை சம்பந்தமாக அவர்கள் விவாதித்தகாக கூறப்படுகிறது. சிவா ஏற்கனவே சிறுத்தை, வேதாளம், வீரம், விவேகம், விஸ்வாசம் ஆகிய படங்களை இயக்கியவர். இதுபோல் கார்த்திக் சுப்பராஜ் உள்ளிட்ட மேலும் சில இயக்குநர்களும் ரஜினிகாந்திடம் கதை சொல்லி உள்ளனர்.

ஹாலிவுட் சினிமா உலகில் படங்கள் வசூலை மில்லியன் டாலர்கள் கணக்கில் அள்ளுவது சகஜம். கடந்த சில வருடங்களாக இது பில்லியன் கணக்கில் போய்க்கொண்டிருக்கிறது.

உலகளவில் ஹாலிவுட் படங்களுக்கு நல்ல வரவேற்பு இருக்கிறது. அதிலும் அனிமேஷன் படங்களுக்கு பெரும் வசூல் கலெஷ்சன் கிடைத்து வருகிறது. கடந்த 10 வருடங்களாக வசூலில் உச்சத்தில் இருந்த படம் அவதார்.

உலகின் நம்பர் ஒன் படம் என்ற சாதனையை தக்கவைத்திருந்தது. ஆனால் கடந்த சில நாட்களுக்கு முன் வெளியான அவெஞ்சர்ஸ் எண்ட் கேம் படம் தற்போது அவதார் படத்தை பின்னுக்கு தள்ளி சாதனை செய்துள்ளது. இதன் வசூல் நிலவரங்களை பார்க்கலாம்...

    AvengersEndgame - $2.789 பில்லியன்
    Avatar - $2.788 பில்லியன்

அமலா பாலா ஆடையே இல்லாமல் நடித்துள்ளார் என பெரிய பரபரப்பை ஏற்படுத்திய படம் ஆடை. பல பிரச்சனைகள் தாண்டி இன்று மாலை திரைக்கு வந்திருக்கிறது. படம் எப்படி வாங்க பாப்போம்.

கதை:

மார்பகங்களை மறைக்க வரி கட்ட வேண்டும் என திருவாங்கூர் சமஸ்தானத்தில் இருந்த சட்டத்தை எதிர்த்து நங்கெலி என்ற பெண் நடத்திய போராட்டம் பற்றிய கார்ட்டூன் கதையுடன் ஆரம்பமாகிறது படம்.

காமினி (அமலா பால்) ஒரு பிரபல டிவி சேனலில் வேலை செய்பவர். செய்ய முடியுமா என யாராவது வாய் தவறி கேட்டால் அவர்களிடம் பெட் கட்டி எதையும் செய்து காட்டுபவர். அவரது டீமில் ரம்யா மற்றும் சில ஆண்களும் உள்ளனர்.

அப்பா இல்லாமல் உன்னை வளர்ந்த எனக்கு கெட்ட பெயர் வாங்கி கெடுத்துவிடாதே என தொடர்ந்து அவருக்கு அட்வைஸ் செய்யும் ஒரு அம்மா. ஆனாலும் அவர் கேட்பதாயில்லை.

டிவி டிஆர்பிகாக பிரான்க் ஷோ என்கிற பெயரில் பொதுமக்களிடம் பல விஷயங்கள் செய்கின்றனர் காமினி அண்ட் டீம்.

ஒருநாள் அவரகளது டிவி சேனல் இருக்கும் பில்டிங் காலி செய்யப்பட்டு வேறு இடத்திற்கு மாற்றப்படுகிறது. அன்று அமலா பாலின் பிறந்தநாள் என்பதால் அவர்கள் டீம் அந்த காலி பில்டிங்கில் குடித்து பார்ட்டி கொண்டாட முடிவு செய்கின்றனர்.

அப்போது அமலா பால் போதையில் தான் ஆடை இல்லாமல் ஒரு நாள் இரவு முழுவதும் இந்த பில்டிங்கில் இருப்பேன் என சவால் விடுகிறார். காலையில் விழித்து பார்க்கும்போது அவர் ஆடையில்லாமல் இருக்கிறார். அந்த பில்டிங் முழுவதும், அவரது உடலை மறைக்க ஒரு துண்டு பேப்பரை கூட கண்டுபிடிக்க முடியவில்லை.

இந்த நிலைமையில் இருந்து எப்படி மீண்டார், அவரை இந்த நிலைமைக்கு ஆளாக்கியது யார்? காரணம் என்ன? போன்ற கேள்விகளுக்கு பதில் தருகிறது படத்தின் கிளைமாக்ஸ்.

படத்தை பற்றிய அலசல்:

அமலா பால் - நடிப்பில் தனது பெஸ்ட்டை கொடுத்திருக்கிறார். மொத்த படத்தையும் தாங்கி நிற்பது அவரது நடிப்புதான். தன் மானத்தை காப்பாற்ற போராடும் ஒரு பெண்ணின் பதற்றத்தை தேர்ந்த நடிப்பால் படம் பார்க்கும் நமக்கும் தொற்றிக்கொள்ள வைக்கிறார் அமலா பால். மற்ற கதாபாத்திரங்களுக்கு பெரிதாக படத்தில் டைம் கொடுக்கவில்லை இயக்குனர் ரத்ன குமார்.

ஒரு பெண் ஆடையே இல்லாமல் ஒரு இடத்தில் சிக்கிக்கொண்டால் என்ன ஆகும் என்கிற ஒன் லைனை எடுத்து கதையாக உருவாக்கியுள்ளார் இயக்குனர். இன்டெர்வெல்லுக்கு பிறகு தான் அந்த சஸ்பென்சாண கட்டத்திற்கே வருகிறது படம்.

பெமினிசம்னா என்ன? என கேள்வி கேட்டு, அது சுய கட்டுப்பாடு இல்லாமல் இஷ்டத்திற்கு வாழ்வது அல்ல என்கிற கருத்தை படத்தின் மூலம் பதிவு செய்த இயக்குனருக்கு ஹாட்ஸ் ஆஃப்.

க்ளாப்ஸ்:

- அமலா பால் நடிப்பு

- ஒளிப்பதிவு. ஆடையில்லாத அமலா பாலை காட்ட அதிகம் மெனகெட்டுள்ளது திரையில் தெரிகிறது.

- நிர்வாணமாக இருக்கும் பெண்ணை துளி கூட ஆபாசம் இல்லாமல் காட்டியுள்ளது.

பல்ப்ஸ்:

படத்தில் தற்போது இருக்கும் அரசியல் சர்ச்சைகள், நீட் தேர்வு, மீடு போன்ற விஷயங்களை படத்தில் வைத்த இயக்குனரை பாராட்டலாம் என்றாலும், அது ஒரு கட்டத்திற்கு மேல் ரசிகர்களை சலிப்படையவைக்கிறது.

டீ கடை நடத்திய மோடி, ஆதார் கார்டு என பல விஷயங்களை விமர்சனம் செய்யும் வகையில் காட்சிகள் உள்ளன. குறிப்பாக கிளைமாக்ஸ் காட்சிகளில் வரும் வசனங்கள் யோசிக்கவைத்தாலும், சில இடங்களில் ரசிகர்களை கைதட்ட வைத்தாலும், படத்திற்கும் அதற்கும் என்ன சார் சம்பந்தம் என்று தான் கேட்கத் தோன்றுகிறது.

மொத்தத்தில், சில குறைகள் தாண்டி, அமலா பாலின் தைரியமான முயற்சிக்காக ஒரு முறை பார்க்கலாம். இது ஏ படம் தான், ஆனால் ஆபாசம் இல்லை. நம்பி போகலாம்.

உத்திரபிரதேசத்தில் நடைபெற்ற புதிய கண்டுபிடிப்புகளுக்கான போட்டியில் நமது கோவை அரசுக் கல்லூரி மாணவர்கள் முதலிடம் பெற்று சாதனை புரிந்துள்ளனர். அது என்ன கண்டுபிடிப்பு என்ற முழுமையான தகவலைப் பார்ப்போம் வாங்க...

தொழில், சமுதாயம் சார்ந்த பிரச்சனைகளுக்குத் தீர்வு

மத்திய மனிதவள மேம்பாட்டுத்துiறியின் ஒத்துழைப்புடன், அகில இந்திய அளவில் ஹார்டுவேர் ஹெக்கத்தான் போட்டிகள்

நடத்தப்பட்டு வருகின்றன. குறிப்பாக தொழில், சமுதாயம் சார்ந்த பிரச்சனைகளுக்குத் தீர்வு காண்பதற்கான புதிய கண்டுபிடிப்புகளை மாணவர்கள் ஒரே இடத்தில் கூடி உருவாக்குவதே இந்த போட்டி.

1.5லட்சம் மாணவர்கள் போட்டிகளில் பங்கேற்றனர்

மேலும் கடந்த 8-ம் தேதி முதல் 12-ம் தேதி வரை நாடு முழுவதிலும் 18மையங்களில் இந்த போட்டி நடத்தப்பட்டது. குறிப்பாக நாடு முழுவதும் 1.5லட்சம் மாணவர்கள் போட்டிகளில் பங்கேற்றனர். அதில் உத்திரபிரதேச மாநிலம் காசியாபாத் கிருஷ்ணா பொறியியல் தொழில்நுட்ப கல்லூரி மையத்தில் நடைபெற்ற ஹேக்கத்தானில் கோவை அரசு தொழில்நுட்பக் கல்லூரி மாணவர்கள் பங்கேற்றனர்.

மாணவர்களின் பெயர்

கோவை அரசு தொழில்நுட்பக் கல்லூரி சார்பாக பங்கேற்ற மாணவர்களின் பெயர், பாலகுமாரன், புவன்பரத், பரணி, கார்த்திக்,மவுலிதரன், ரமேஷ்,அபிநயா ஆகியோர் அடங்கிய அணி, முதலிடம் பெற்றது.

இவர்கள் கண்டுபிடித்தது என்ன?

இவர்கள், பெட்ரோல் நிலையங்களில், குறைந்த செலவில் நீராவி மீட்பு அமைப்பு' ஏற்படுத்துவதற்கான, 'ஹார்டுவேர்' வடிவமைத்துள்ளனர். வடிவமைப்பு மட்டுமின்றி அதை செயல்படுத்துவதற்கான செயல் விளக்கம் பாராட்டு பெற்றது. மேலும் அணியை தலைமையேற்று வழிநடத்தி மாணவி அபிநயா கூறியதாவது என்றவென்று பார்ப்போம்.

வளிமண்டலத்தில் பெரிய தாக்கத்தை ஏற்படுத்தும்

அபிநயா கூறியது: பெட்ரோல் நிலையங்களில், பெட்ரோல் தேக்கி வைக்கும் போதும், வாகனங்களில் நிரப்பும் போதும், ஆவியாகும் செயல்பாடுகள் அதிகளவில் உள்ளது.

இதனால், பண இழப்பு என்பது ஒரு புறம் இருப்பினும், வெளியாகும் வாயு,வளிமண்டலத்தில் பெரிய தாக்கத்தை ஏற்படுத்தும், உடல் நல பாதிப்புக்கும் வழி வகுக்கும்.பெட்ரோல் ஆவியாவதை தடுத்து, அதை மீண்டும் திரவமாக்கி பயன்படுத்தும் வகையில், ஓர் வடிவமைப்பைஉருவாக்கியுள்ளோம், காப்புரிமைக்கும் விண்ணப்பித்து விட்டோம்.

பேராசிரியர் ரமேஷ்

மேலும் முழுமையான வடிவமைப்பு தயார் செய்த பின், அதற்கு காப்புரிமை பெறுவோம், போட்டியின் மூலம் வென்ற, ஒரு லட்சம் வாயிலாக, ஆய்வுகளை அடுத்த கட்டத்திற்கு எடுத்து செல்வோ என இதற்கு வழிகாட்டியாக இருந்த பேராசிரியர் ரமேஷ் கூறியுள்ளார்.

பிக்பாஸ் நிகழ்ச்சியின் சீசன் 3 தற்போது 3 வது கட்ட எவிக்‌ஷனை நெருங்கி விட்டது. பாத்திமா பாபுவை தொடர்ந்து வனிதா வெளியேறினார்.

இவ்வாரம் யார் வெளியேறப்போகிறார்கள் என்ற எதிர்பார்ப்பு இருக்கிறது. இதில் வந்ததிலிருந்தே சண்டைக்கு ஆளானவர்கள் மதுமிதா, அபிராமி, மீரா மிதுன் எனலாம்.

போட்டியாளர்கள் அனைவரின் முக மதிப்பு, பிரபலத்தன்மை கொண்டு தகதி அடிப்படையில் அவர்களுக்கு சம்பளம் பேசப்பட்டுள்ளதாம்.

இது ஒருபக்கம் இருக்க இவர்களில் யார் யாரின் சம்பளம் எவ்வளவு என ஒரு தகவல் உலாவி வருகிறது. ஆனால் இது எந்தளவிற்கு உண்மை என தெரியவில்லை. அது என்ன என பார்க்கலாம்..

    சேரன் - ரூ 50 லட்சம் ( மொத்தமாக)
    அபிராமி, மதுமிதா, ரேஷ்மா, சாக்‌ஷி - ரூ 25 ஆயிரம் நாள் ஒன்றுக்கு / நபர்
    மோகன் வைத்யா, சாண்டி, கவின், சரவணன் - ரூ 35 ஆயிரம் நாள் ஒன்றுக்கு / நபர்
    மீரா மிதுன், ஷெரின் - ரூ 15 ஆயிரம் நாள் ஒன்றுக்கு / நபர்
    முகன் ராவ், தர்ஷன், லாஸ்லியா - ரூ 5 லட்சம்/ நபருக்கு ( மொத்தமாக)

சென்னை தண்ணீர் பிரச்சனை தொடர்பான பிபிசி செய்தியை மேற்கோள்காட்டி டைட்டானிக் பட நாயகன் லியனார்டோ டிகாப்ரியோ கடந்தவாரம் இன்ஸ்டாகிராமில் பதிவு செய்தபோது, அதில் காணப்பட்ட சமுதாய கிணறு பிரபலம் அடைந்தது.

கடும் தண்ணீர் பிரச்சனைக்கு மத்தியில், இன்றளவும் மக்களுக்கு குறைந்தபட்ச தண்ணீரை வழங்கிக்கொண்டிருக்கும் அந்த கிணறு பல்லாவரத்தில் ஈஸ்வரி நகர் பகுதியில் அமைந்துள்ளது.

1975ல் குடிநீர் கிணறாக சீரமைக்கப்பட்ட இந்த கிணறு, இன்றளவும் பயன்பாட்டில் உள்ளது. தினமும் மூன்று முறை, ஒரு நபருக்கு மூன்று குடம் என்ற அளவில் தண்ணீர் எடுப்பதற்கு சுமார் 300 குடும்பங்கள் இதனை பயன்படுத்துகின்றன.

தினமும் காலை 6 மணிக்கு இந்த கிணற்றை திறக்கிறார் பல்லாவரம் நகராட்சி ஆறாவது வார்டு முன்னாள் கவுன்சிலர் முத்து வடிவேல்(55). கடந்த 1989 முதல் இந்த கிணற்றை பராமரித்துவரும் இவர், மக்கள் வழங்கும் தொகையோடு, தன்னால் முடிந்த அளவு பணத்தை சேர்த்து பராமரிப்பு பணிகளை செய்வதாக கூறுகிறார்.

''எங்கள் ஊரில் பாலாற்று தண்ணீர் வழங்கப்பட்டு மூன்று மாதம் ஆகிறது. தினக்கூலி வேலை செய்பவர்கள், சுய தொழில் செய்பவர்கள் இருக்கிறார்கள். காசு கொடுத்து குடிநீர் வாங்குவது சிரமம். இந்த கிணற்று நீர்தான் எங்களை காப்பாற்றுகிறது.


இங்குள்ள பெண்கள் கிணற்றுப் பகுதியை தூய்மை செய்வார்கள். கிணற்றை சுற்றி வேலி அமைத்துள்ளோம். மழைக்காலத்தில் கிணறு தரையை தொடும். இந்த வறட்சியில் சுரக்கும் நீரை நாங்கள் பங்கிட்டுக்கொள்கிறோம்,''என்கிறார் முத்து.

மக்களின் ஒற்றுமை, கிணற்றை தூய்மையாக வைக்கவேண்டும் என்ற உறுதி காரணமாகவே இந்த கிணறு இத்தனை ஆண்டு காலமாக பயன்பாட்டில் இருக்கிறது என்கிறார் முத்து. ''நீர்நிலைகளுக்கு நம் முன்னோர்கள் அதிக முக்கியத்துவம் கொடுத்தார்கள். நீரை இறைவனாக வணங்கினார்கள். பொதுக் கிணறுகளை பாதுகாக்க வேண்டும் என்பதை இந்த வறட்சிகாலம் நமக்கு உணர்த்துகிறது. பாதுகாத்தால் நன்மை கிடைக்கும் என்பதற்கு எங்கள் கிணறு எடுத்துக்காட்டு,'' என பெருமையாக சொல்கிறார் முத்து.

ஒவ்வொரு திங்களன்றும், ஒரு குடும்பத்திற்கு ஒருவர் என பெயரை எழுதி, சீட்டு குலுக்கப்படுகிறது. சீட்டில் உள்ள எண்களை கொண்டு வரிசையாக வந்து நீரை எடுக்கிறார்கள் மக்கள். ஈஸ்வரி நகரில் வசிக்கும் கலாவதி ஆறுமுகம்(55) குழந்தைப் பருவத்தில் இருந்து இந்த கிணற்று நீரை குடித்து வளர்ந்ததாக கூறுகிறார்.

''நான் பிறந்து வளர்ந்து இடம் ஈஸ்வரி நகர்தான். சிறு வயதில் விளையாடிவிட்டு இந்த கிணற்றில் தண்ணீர் குடித்திருக்கிறேன். பக்கத்துக்கு வீட்டு பெண்களுடன் இந்த கிணற்றில் வந்து தண்ணீர் எடுத்திருக்கிறேன். சென்னையில் பல இடங்களில் தண்ணீர் பஞ்சம் என வருத்தப்படுகிறார்கள். எங்கள் ஊர் கிணறு சுரக்கிறது. இந்த வறட்சிக் காலத்தில் ஒரு நபருக்கு மூன்று குடம் தரும் இந்த கிணறு எங்கள் அன்றாட வாழ்வில் முக்கிய அங்கமாகிவிட்டது,''என்கிறார் கலாவதி.

ஊர் கிணறு பிரபலமானதால் மகிழ்ச்சியுடன் பேசினார் ஹரி(35). ''சென்னையில் பல இடங்களில் இருந்த நீர்நிலைகள் மீது கட்டிடம் கட்டிவிட்டார்கள். குறைந்தபட்சம் தற்போது இருக்கும் ஏரி, குளங்களை தூர்வாரி, வீடுகளில் கிணறுகளை மூடாமல் பயன்படுத்தினால் இதுபோன்ற பஞ்சகாலத்தில் எங்களை போல தப்பித்துக்கொள்ளலாம்,'' என்கிறார் அவர்.

உலகம் முழுவதும் ஆரோக்கியத்திற்காகவும், சுவைக்காகவும் அதிகம் உபயோகப்படுத்தப்படும் பொருள் என்றால் அது முட்டைதான். முட்டையை பல்வேறு வடிவங்களில் நம்முடைய அன்றாட உணவுகளில் சேர்த்து கொள்ளலாம். முட்டை அதிகம் உபயோகிப்பட காரணம் அதன் சுவை மட்டுமல்ல அதிலிருக்கும் ஊட்டச்சத்துக்களும்தான்.

முட்டை ஒரு ஆரோக்கியமான உணவு என்பதில் எந்த சந்தேகமும் இல்லை. ஆனால் அதனை சரியான முறையில் சாப்பிட வேண்டியது அவசியமாகும். ஏனெனில் முட்டை சாப்பிடும் போது சில பொருட்களை தவிர்ப்பது நல்லது. இல்லையெனில் அதனால் சில பக்கவிளைவுகள் ஏற்படலாம். இந்த பதிவில் முட்டை சாப்பிடும்போது எந்தெந்த பொருட்களை சாப்பிடக்கூடாது என்று பார்க்கலாம்.

சர்க்கரை

முட்டையை சமைத்த பிறகு, முட்டை மற்றும் சர்க்கரையில் உள்ள அமினோ அமிலங்கள் ஒன்றிணைந்து கிளைகோசைல் லைசின் உருவாகி முட்டைகளில் உள்ள அமினோ அமிலங்களின் கூறுகளை உடைக்கும். இந்த மூலக்கூறுகளை நமது உடல் உறிஞ்சி கொள்வது மிகவும் கடினமாகும். மேலும் இதனால் இரத்தம் உறைந்து போக வாய்ப்புள்ளது.

பெர்சிமோன்

முட்டை சாப்பிட்ட பிறகு பெர்சிமோன் பழத்தை சாப்பிடுவது விஷம் சாப்பிடுவதற்கு இணையானது. குமட்டல், வயிற்றுவலி, வயிற்றுப்போக்கு போன்றவற்றுடன் கடுமையான இரைப்பை அழற்சிக்கு ஆளாக நேரிடும். ஒருவேளை நீங்கள் முட்டை சாப்பிட்ட பிறகு பெர்சிமோன் சாப்பிட வேண்டிய சூழல் ஏற்பட்டால் நிச்சயம் உப்பு கலந்த தண்ணீரை உடனடியாக குடிக்க வேண்டும். இல்லையெனில் சூடான் இஞ்சி நீரை குடிக்கலாம். இது உங்கள் இரத்தத்தில் நச்சுத்தன்மை கலப்பதை தடுக்கும்.

சோயா பால்

காலை நேரத்தில் முட்டையும், சோயா பாலையும் குடிக்கும் பழக்கம் பலருக்கும் இருக்கிறது. முட்டைகளில் உள்ள புரதம் சோயாபீன் பாலில் உள்ள டிரிப்சினுடன் இணையும் என்பது அவர்களுக்குத் தெரியாது. இது உடல்களில் சிதைவு பிரச்சினையை ஏற்படுத்துவதுடன் நமது உடல் புரோட்டின் உறிஞ்சுவதை தடுக்கிறது.

வாத்து இறைச்சி

முட்டை சாப்பிட்டபின் வாத்து இறைச்சி சாப்பிடக்கூடாது. ஏனெனில் இது குளிர்ச்சி மற்றும் இனிப்பு குணங்கள் உள்ளது. முட்டையில் புரதமும், குளிர்ச்சி பண்புகளும் உள்ளது. ஒரே குணமுடைய இந்த இரண்டு பொருள்களும் ஒன்றிணையும் போது அது செரிமான அமைப்பில் பாதிப்பை ஏற்படுத்தும் மேலும் வயிற்றுப்போக்கை உண்டாக்கும்.

டீ

முட்டை சாப்பிட்ட பிறகு அதன் வாசனையை போக்க டீ குடிப்பதை பலரும் வழக்கமாக கொண்டிருக்கிறார்கள், ஆனால் இது ஆரோக்கியமற்ற செயல் என்று அவர்களுக்கு தெரிய வாய்ப்பில்லை. டீயை இலைகளில் இருக்கும் டானிக் அமிலம் முட்டையில் இருக்கும் புரோட்டினுடன் சேர்வது நமது உடலுக்கு பல ஆபத்துக்களை உண்டாக்கும். மேலும் இதனால் நமது குடல் இயக்கங்கள் பாதிப்பதுடன் நமது உடலில் தேங்கும் நச்சுப்பொருட்களின் அளவும் அதிகரிக்கும்.

உருளைக்கிழங்கு

உருளைக்கிழங்கில் இருக்கும் ஊட்டச்சத்துக்கள் முட்டையில் இருந்து கால்சியம் மற்றும் இரும்பு சத்தை நமது உடல் உறிஞ்சுவதை தடுக்கிறது. இந்த இரண்டு பொருட்களையும் ஒரே உணவில் சேர்ப்பது தவறாகும். இவற்றால் செரிமான கோளாறுகள் ஏற்படும்.

பழங்கள்

ஆப்பிள், பேரிக்காய், திராட்சை போன்ற பழங்களை புரோட்டீன் இருக்கும் உணவுகளை சாப்பிட்ட பின் சாப்பிடுவது நல்லதல்ல. இது செரிமானத்தை மெதுவாக மாற்றும். பழங்கள் 15 நிமிடத்தில் செரிமானம் அடைந்து விடும். ஆனால் முட்டை செரிமானம் அடைய நேரம் எடுத்துக்கொள்ளும். இரண்டையும் ஒரே நேரத்தில் சாப்பிடுவது செரிமான மண்டலத்திற்கு நல்லதல்ல.

ஜோதிகா தமிழ் சினிமாவில் ஒரு காலத்தில் கொடிக்கட்டி பறந்த ஹீரோயின். இவர் நடிகர் சூர்யாவை திருமணம் செய்துக்கொண்டு படங்களில் நடிப்பதை நிறுத்திவிட்டார்.

தற்போது 8 வருடங்களுக்கு பிறகு மீண்டும் படங்களில் நடிக்க ஆரம்பித்துவிட்டார், அதிலும் ஹீரோயின்களுக்கு முக்கியத்துவம் உள்ள படங்களில் தான் நடிக்கின்றார்.

இதில் சமீபத்தில் வந்த ராட்சசி படம் ரசிகர்கள் மத்தியில் நல்ல விமர்சனங்களை தான் பெற்றது, கண்டிப்பாக எல்லோரும் பார்க்கவேண்டிய படமாக கூறப்பட்டது.

ஆனால், படத்தின் வசூலோ மிக குறைவாக உள்ளது, எதிர்ப்பார்த்த வசூல் வரவில்லை என தெரிகின்றது, இது கண்டிப்பாக ஜோதிகாவிற்கு வருத்ததை தான் அளித்திருக்கும்.

பேன்... மனிதர்கள் மூலம் பரவும் ஒரு சிறிய வகை ஒட்டுண்ணி. பேன் இருக்கும் நபர் பயன்படுத்தும் சீப்பு, டவல்கள் மூலமாகவும், அவர் பக்கத்தில் தூங்குவதாலும் எளிதில் பரவக் கூடியது. இது இரத்ததை உறிஞ்சுவது மட்டுமன்றி அரிப்பால் தலையை சொரிந்து தலை முடி வேர்களை புண்ணாக்கி சேதமடையச் செய்யும்.
வேர்களின் பாதிப்பால் தலை முடி உதிரலாம். இதனால் அதிகமாக பாதிக்கப்படுவது பள்ளிக்குச் செல்லும் இளம்பெண்களே. பள்ளியில் அடிக்கடி அரிப்பு ஏற்படுவது தொந்தரவாக இருக்கும். பேன்கள் அதிக அளவில் உற்பத்தியாகும் தன்மைக் கொண்டதால் உடனே அகற்றுவதுதான் சிறந்தது. வீட்டுக் குறிப்புகளைப் பயன்படுத்தி எவ்வாறு அகற்றுவது என்று பார்க்கலாம். வேர்களின் பாதிப்பால் தலை முடி உதிரலாம். இதனால் அதிகமாக பாதிக்கப்படுவது பள்ளிக்குச் செல்லும் இளம்பெண்களே. பள்ளியில் அடிக்கடி அரிப்பு ஏற்படுவது தொந்தரவாக இருக்கும். பேன்கள் அதிக அளவில் உற்பத்தியாகும் தன்மைக் கொண்டதால் உடனே அகற்றுவதுதான் சிறந்தது. வீட்டுக் குறிப்புகளைப் பயன்படுத்தி எவ்வாறு அகற்றுவது என்று பார்க்கலாம்.

வேர்களின் பாதிப்பால் தலை முடி உதிரலாம். இதனால் அதிகமாக பாதிக்கப்படுவது பள்ளிக்குச் செல்லும் இளம்பெண்களே. பள்ளியில் அடிக்கடி அரிப்பு ஏற்படுவது தொந்தரவாக இருக்கும். பேன்கள் அதிக அளவில் உற்பத்தியாகும் தன்மைக் கொண்டதால் உடனே அகற்றுவதுதான் சிறந்தது. வீட்டுக் குறிப்புகளைப் பயன்படுத்தி எவ்வாறு அகற்றுவது என்று பார்க்கலாம்.

வேப்பிலை மற்றும் துளசி: வேப்பிலை பாக்டீரியாக்களை ஒழிக்கும் வல்லமை கொண்டது. துளசி குளுமைத் தன்மை அளித்து இரத்த ஓட்டத்தை சீராக்கும். துளசி மற்றும் வேப்பிலையை நன்றாக அரைத்து, அதை வேர்களில் படும்படி தேய்த்து, காய்ந்ததும் தலைக்குக் குளித்துவிடுங்கள். இப்படி வாரம் இரண்டு முறை செய்தால் பேன் தொல்லை இருக்காது. வேப்பிலை மற்றும் துளசி: வேப்பிலை பாக்டீரியாக்களை ஒழிக்கும் வல்லமை கொண்டது. துளசி குளுமைத் தன்மை அளித்து இரத்த ஓட்டத்தை சீராக்கும். துளசி மற்றும் வேப்பிலையை நன்றாக அரைத்து, அதை வேர்களில் படும்படி தேய்த்து, காய்ந்ததும் தலைக்குக் குளித்துவிடுங்கள். இப்படி வாரம் இரண்டு முறை செய்தால் பேன் தொல்லை இருக்காது.

வேப்பிலை மற்றும் துளசி: வேப்பிலை பாக்டீரியாக்களை ஒழிக்கும் வல்லமை கொண்டது. துளசி குளுமைத் தன்மை அளித்து இரத்த ஓட்டத்தை சீராக்கும். துளசி மற்றும் வேப்பிலையை நன்றாக அரைத்து, அதை வேர்களில் படும்படி தேய்த்து, காய்ந்ததும் தலைக்குக் குளித்துவிடுங்கள். இப்படி வாரம் இரண்டு முறை செய்தால் பேன் தொல்லை இருக்காது.

தேங்காய் எண்ணெய் மற்றும் கற்பூரம் : கற்பூரத்தை தூளாக்கி தேங்காய் எண்ணெய்யில் கலந்து தலைக்குத் தேய்த்து இரவு தூங்கிவிடுங்கள். மறுநாள் காலை குளித்தால் பேன் முற்றிலுமாக ஒழிந்துவிடும். கற்பூரத்தில் இருக்கும் ஆண்டி - பாராசிடிக் என்ற வேதிப்பொருள் பேன்களை அழிக்கும் ஆற்றல் கொண்டது. தேங்காய் எண்ணெய் மற்றும் கற்பூரம் : கற்பூரத்தை தூளாக்கி தேங்காய் எண்ணெய்யில் கலந்து தலைக்குத் தேய்த்து இரவு தூங்கிவிடுங்கள். மறுநாள் காலை குளித்தால் பேன் முற்றிலுமாக ஒழிந்துவிடும். கற்பூரத்தில் இருக்கும் ஆண்டி - பாராசிடிக் என்ற வேதிப்பொருள் பேன்களை அழிக்கும் ஆற்றல் கொண்டது.

தேங்காய் எண்ணெய் மற்றும் கற்பூரம் : கற்பூரத்தை தூளாக்கி தேங்காய் எண்ணெய்யில் கலந்து தலைக்குத் தேய்த்து இரவு தூங்கிவிடுங்கள். மறுநாள் காலை குளித்தால் பேன் முற்றிலுமாக ஒழிந்துவிடும். கற்பூரத்தில் இருக்கும் ஆண்டி - பாராசிடிக் என்ற வேதிப்பொருள் பேன்களை அழிக்கும் ஆற்றல் கொண்டது.
உப்பு மற்றும் வினிகர் : உப்பு மற்றும் வினிகரை சம அளவில் தேவைக்கு ஏற்ப கலந்து அதை ஸ்பிரே பாட்டிலில் நிரப்பி வேர்களில் படும்படி ஸ்பிரே செய்யுங்கள். இரண்டு மணி நேரம் கழித்து தலைக்குக் குளித்தால் பேன் தொல்லை இருக்காது. உப்பு மற்றும் வினிகர் : உப்பு மற்றும் வினிகரை சம அளவில் தேவைக்கு ஏற்ப கலந்து அதை ஸ்பிரே பாட்டிலில் நிரப்பி வேர்களில் படும்படி ஸ்பிரே செய்யுங்கள். இரண்டு மணி நேரம் கழித்து தலைக்குக் குளித்தால் பேன் தொல்லை இருக்காது.

உப்பு மற்றும் வினிகர் : உப்பு மற்றும் வினிகரை சம அளவில் தேவைக்கு ஏற்ப கலந்து அதை ஸ்பிரே பாட்டிலில் நிரப்பி வேர்களில் படும்படி ஸ்பிரே செய்யுங்கள். இரண்டு மணி நேரம் கழித்து தலைக்குக் குளித்தால் பேன் தொல்லை இருக்காது.
பூண்டு : பூண்டின் வாசனை மிகவும் உறுதியானது. இந்த வாசனை பேன்களுக்கு அசௌகரியமாக இருக்கும். பூண்டை நன்கு அரைத்து அதில் கொஞ்சம் எலுமிச்சை சாறு கலந்து தலையில் சீராக அப்ளை செய்து 30 நிமிடங்கள் கழித்து குளித்தால் பேன்கள் அகலும். வாரம் ஒரு முறை செய்யலாம். பூண்டு : பூண்டின் வாசனை மிகவும் உறுதியானது. இந்த வாசனை பேன்களுக்கு அசௌகரியமாக இருக்கும். பூண்டை நன்கு அரைத்து அதில் கொஞ்சம் எலுமிச்சை சாறு கலந்து தலையில் சீராக அப்ளை செய்து 30 நிமிடங்கள் கழித்து குளித்தால் பேன்கள் அகலும். வாரம் ஒரு முறை செய்யலாம்.

பூண்டு : பூண்டின் வாசனை மிகவும் உறுதியானது. இந்த வாசனை பேன்களுக்கு அசௌகரியமாக இருக்கும். பூண்டை நன்கு அரைத்து அதில் கொஞ்சம் எலுமிச்சை சாறு கலந்து தலையில் சீராக அப்ளை செய்து 30 நிமிடங்கள் கழித்து குளித்தால் பேன்கள் அகலும். வாரம் ஒரு முறை செய்யலாம்.
வாஸ்லின் : பெட்ரோலியம் ஜெல்லி எனப்படும் வாஸ்லினை வேர்களில் தேய்த்து இரவு தூங்கிவிடுங்கள். மறுநாள் காலை தேங்காய் எண்ணெய் தடவி பேன் சீப் கொண்டு வாரினால் அனைத்து பேன்களும் வந்துவிடும். பின் தலைக்குக் குளித்துவிடுங்கள். வாஸ்லின் : பெட்ரோலியம் ஜெல்லி எனப்படும் வாஸ்லினை வேர்களில் தேய்த்து இரவு தூங்கிவிடுங்கள். மறுநாள் காலை தேங்காய் எண்ணெய் தடவி பேன் சீப் கொண்டு வாரினால் அனைத்து பேன்களும் வந்துவிடும். பின் தலைக்குக் குளித்துவிடுங்கள்.

வாஸ்லின் : பெட்ரோலியம் ஜெல்லி எனப்படும் வாஸ்லினை வேர்களில் தேய்த்து இரவு தூங்கிவிடுங்கள். மறுநாள் காலை தேங்காய் எண்ணெய் தடவி பேன் சீப் கொண்டு வாரினால் அனைத்து பேன்களும் வந்துவிடும். பின் தலைக்குக் குளித்துவிடுங்கள்.

பொதுவாக தவறு செய்பவர்கள் அதை தவறு என தெரிந்து செய்வது இல்லை. அவர்களது சூழ்நிலை மற்றும் பிரச்னைகளை சமாளிக்க முடியாமல் வேறு வழியில்லாமல் ஒரு தவறு செய்தால் மாட்டமாட்டோம் என்ற எண்ணத்தில் ஏதோ குருட்டாம்போக்கில் தவறை செய்து விடுகின்றனர்.

ஆனால் கடந்த சில நாட்களுக்கு முன்பு தென் கொரியாவில் நடந்த சம்பவம் மிக வித்தியாசமாக நடந்தது. தவறு செய்ய வேண்டும், ஆனால் அது தவறாக இருக்ககூடாது, அதே நேரத்தில் தவறாகவும் இருக்கவேண்டும் என்று யோசனை செய்து ஒருவர் செய்த காரியம் பலரின் கவனத்தை ஈர்த்துள்ளது.

சம்பவம் நடந்த அன்று சுமார் 40 வயது மதிக்கதக்க ஒருவர் ஒரு வங்கிக்குள் நுழைந்து கத்தியை காட்டி அங்கிருந்தவர்களை மிரட்டியுள்ளார். கத்தியுடன் ஒருவர் வங்கியில் மிரட்டியதை பார்த்த ஒருவர் போலீசிற்கு போன் செய்துள்ளார். போலீசார் வந்து அவரை கைது செய்தனர்.

இந்நிலையில் போலீசில் சிக்கிய பின் தான் அவர் செய்த வேலையே தெரியவந்தது. அவர் கையில் வைத்திருந்தது உண்மையான கத்தி அல்ல அது வெறும் பொம்மை கத்தி தான். மேலும் அவர் வங்கியில் நுழைந்து அந்த பொம்மை கத்தியை வைத்து பலரை மிரட்டினாரே தவிர வங்கியில் பணம் எதையும் அவர் கேட்கவில்லை எந்த ஒரு திருட்டு முயற்சியையும் அவர் எடுக்கவில்லை.

இதை கேள்விப்பட்டு ஆச்சரியமடைந்த போலீசார் பின்னர் ஏன் இவர் இவ்வாறு செய்தார் என விசாரித்தனர். அதில் தான் அவரின் பின்னால் உள்ள உண்மையான கதை தெரியவந்தது.

40 வயதான இவர் திருமணமாகாமல் தனது தாயாருடன் வசித்து வருகிறார். இவருக்கு வேலையும் இல்லை. இதனால் பணத்திற்கு மிகவும் கஷ்டப்பட்டுள்ளார். மேலும் இவருக்கு முதுகு தண்டிலும் பிரச்னை இருக்கிறது. அதற்காக சிகிச்சை எடுக்கவும் காசு இல்லாமல் இருந்துள்ளது.

அதனால் அவர் ஏதேனும் தவறு செய்துவிட்டு ஜெயிலுக்கு சென்றால் அங்கு அவரது நோயிற்காக சிகிச்சை அரசால் இலவசமாக வழங்கப்படும் என்பதால் இதை செய்துள்ளார்.

தென் கொரியாவில் கடுமையான வேலைவாய்ப்பின்மை பிரச்னை நிலவுகிறது. கடந்த 2017ம் ஆண்டிற்கு பிறகு வேலை வாய்ப்பில்லாதவர்களின் எண்ணிக்கை 30 சதவீதமாக அதிகரித்துள்ளது. கடந்த நவம்பர் 2018ல் தென்கொரியாவில் மொத்தம் 9.09 லட்சம் பேர் வேலையில்லாமல் இருந்துள்ளனர். அது 2019 பிப்ரவரி மாதம் 13 லட்சமாக மாறியுள்ளது.

இந்த இளைஞருக்கு வேலை வாய்ப்பின்மைக்காவே இந்த செயலில் அவர் ஈடுபட்டுள்ளார் என்பது குறிப்பிடத்தக்கது.

சமையல் கலையை பொருத்தவரை நாளுக்கு நாள் குறிப்புகளும், லாவகங்களும் யாராவது கற்றுக் கொடுத்து கொண்டே தான் இருக்கிறார்கள்.  இந்த சமையல் குறிப்புகள் நேரத்தை மிச்சப்படுத்தவும், உணவு ருசியாகவும் இருப்பதற்கும் உதவுகிறது.  நம் சமையலறையில் பொதுவாக இருக்கக்கூடியது பால்.  பாலை கொண்டு இனிப்பு மற்றும் மற்ற ரெசிபிகளை தயாரிக்கலாம்.  பாலில் ஊட்டச்சத்துக்கள் நிறைந்திருக்கிறது.  அதுமட்டுமில்லாமல் அதன் க்ரீமி தன்மை உணவிற்கு ருசியை சேர்க்க உதவுகிறது.  பாலை எப்படி பாதுக்காப்பது என்பது குறித்து பார்ப்போம்.

1.பால் கருகாமல் இருக்க:

பாலை கொதிக்க வைக்கும்போது கருகாமல் இருக்க, அதில் சிறிதளவு தண்ணீர் ஊற்றி கொதிக்க விட வேண்டும்.  பாத்திரத்திரம் கருகாமல் இருக்கவும், அடிபிடிக்காமல் இருக்கவும் தண்ணீர் ஊற்றலாம்.

2. பால் கெட்டுப்போகாமல் இருக்க:

பால் கெட்டுப் போகாமல் இருக்க, அதனை ஃப்ரிட்ஜில் வைக்க வேண்டும்.  பாலை எப்போதும் உடனடியாக பயன்படுத்திவிடுங்கள் அல்லது அடுத்த நாள் பயன்படுத்தலாம்.  பாலை கொதிக்க வைத்து, ஆற வைத்து பின் ஃப்ரிட்ஜில் வைத்தால் கெட்டுப் போகாமல் இருக்கும்.

3. பாலை நீண்ட நேரம் ஃப்ரிட்ஜில் வைக்காமல் விட்டுவிட்டீர்களா? கவலை வேண்டாம்.  அதில் ஒரு சிட்டிகை பேக்கிங் சோடா சேர்த்து கொதிக்க வைத்தால் கெட்டு போகாமல் இருக்கும்.

4. பாலை கொதிக்க வைக்கும்போது அதன் மேல் மரத்தால் ஆன ப்ளேட் ஏதேனும் வைக்கலாம்.  அப்படி வைக்கும்போது அது பொங்கி வராமல் இருக்கும்

கோடை வெப்பத்தை சமாளிக்கவும், உடலில் நீரிழப்பு ஏற்படாமல் தடுக்கவும், புத்துணர்வுடன் இருக்கவும், நோய் எதிர்ப்பு சக்தியை அதிகரிக்கவும், ஆரோக்கியம் நிறைந்த பானங்களை குடிக்க வேண்டும்.  செர்ரி மற்றும் இஞ்சி சேர்த்து தயாரிக்கப்படும் ஐஸ் டீயை குடிப்பதால் உடல் ஆரோக்கியம் சீராக இருக்கும்.  செர்ரி பழத்தின் ஆரோக்கிய நன்மைகள் என்னவென்று பார்ப்போம். 

நோய் தொற்று:

செர்ரியில் ஆண்டிஆக்ஸிடண்ட் மற்றும் ஆண்டி-இன்ஃப்ளமேட்ரி தன்மை இருப்பதால் உடலில் நோய் தொற்று ஏற்படாமல் பார்த்து கொள்ளும்.  நோய் தொற்று காரணமாக ஏற்படும் சளி, இருமல் போன்ற பிரச்சனைகளை குணப்படுத்தும். 

சரும பராமரிப்பு:

ஆண்டிஆக்ஸிடண்ட் நிறைந்த உணவை சாப்பிடுவதால் சருமம் பிரகாசிப்பதுடன், இளமை தோற்றம் தக்கவைக்கப்படுகிறது.  செர்ரி பழச்சாறு குடிப்பதால் பருக்கள், எக்ஸீமா மற்றும் வல்காரிஸ் போன்ற சரும நோய்களில் இருந்து விடுபடலாம்.  செர்ரியில் வைட்டமின் ஏ இருப்பதால் உடலில் உள்ள நச்சுக்கள் வெளியேற்றப்படுகிறது. 

தூக்கமின்மை:

செர்ரியில் மெலடோனின் என்னும் இரசாயனம் இருப்பதால் நரம்பு மண்டலம் ஆரோக்கியமாக இருக்கிறது.  மனதை ஆற்றுப்படுத்தி ஆழ்ந்த உறக்கத்திற்கு வழிவகுக்கிறது. 

உடல் எடை:

செர்ரியில் நார்ச்சத்து அதிகமாக இருப்பதால் உடல் எடை குறைக்க இதனை சாப்பிடலாம்.  நார்ச்சத்து நிறைந்த உணவுகள் செரிமானத்திற்கு உகந்தது.  மேலும் உடலில் கொழுப்பு சேராமல் பார்த்து கொள்ளும். 

தனுஷ் அளிக்கும் பேட்டிகளை பார்க்கும் போது ரஜினி சாருக்கு தன் மருமகனை பார்த்தால் பாவமாக இல்லையா என்றே கேட்கத் தோன்றுகிறது.

சூப்பர் ஸ்டார் ரஜினிகாந்துடன் சேர்ந்து ஒரு படத்திலாவது நடிக்க வேண்டும் என்று அனைத்து நடிகர்களும், நடிகைகளும் ஆசைப்படுகிறார்கள். ஆனால் அனைவரின் ஆசையும் நிறைவேறிவிடுவது இல்லை.

த்ரிஷாவே பல ஆண்டுகளாக தனது ஆசையை வெளிப்படுத்தி ஒரு வழியாக பேட்ட படத்தில் ரஜினியுடன் சேர்ந்து நடித்தார்.

தனுஷ்

ரஜினியின் மூத்த மாப்பிள்ளையான தனுஷுக்கும் அவருடன் சேர்ந்து ஒரு படத்தில் நடிக்க வேண்டும் என்ற ஆசை உள்ளது. சூப்பர் ஸ்டாரின் தீவிர ரசிகரான தனுஷுக்கு இப்படி ஒரு ஆசை ஏற்பட்டதில் தவறே இல்லை. ஆனால் அந்த ஆசை நிறைவேறுமா என்பது தான் பெரிய கேள்விக்குறியாக உள்ளது.

ரஜினி

தனுஷ் பேட்டி அளிக்கும்போது எல்லாம் ரஜினி சாருடன் சேர்ந்து நடிக்க வேண்டும் என்று ஏக்கத்துடன் கூறுகிறார். அண்மையில் அளித்த பேட்டியில் கூட தனது ஆசையை வெளிப்படுத்தினார். யாரோ ஒருத்தர் இப்படி ஆசைப்பட்டால் கூட அது நிறைவேற தாமதம் ஆகலாம் எனலாம். ஆனால் ரஜினியின் மருமகனுக்கே இந்த நிலையா என்று பரிதாபப்படத் தோன்றுகிறது.

காலா

பா. ரஞ்சித் இயக்கத்தில் ரஜினி நடித்த காலா படத்தை தனுஷ் தனது வுண்டர்பார் பிலிம்ஸ் மூலம் தயாரித்தார். அந்த படத்தில் ஒரு காட்சியிலாவது வந்துவிட வேண்டும் என்று அவர் முயற்சி செய்து தோல்வி அடைந்தார். தனுஷை காலா படத்தில் கவுரவத் தோற்றத்தில் நடிக்க வைக்க ரஜினி விரும்பவில்லை என்று அப்பொழுது கூறப்பட்டது.

மாப்பிள்ளை

ரஜினி சாருக்கு பின்னால் நின்று ஒரு காட்சியில் நடித்தால் கூடப் போதும் என்கிறார் தனுஷ். நடிப்பு ராட்சசனான அவர் இப்படி இந்த அளவுக்கு இறங்கி வந்து ஆசைப்படுகிறார். அவரை பார்த்தால் உங்களுக்கு பாவமாக தெரியவில்லையா ரஜினி சார்?. நம்ம மாப்பிள்ளை தான், கொஞ்சம் பார்த்து பண்ணுங்க. ரஜினி தற்போது ஏ.ஆர். முருகதாஸ் இயக்கத்தில் தர்பார் படத்தில் நடித்து வருகிறார். தர்பார் படத்தில் தனுஷை கவுரவத் தோற்றத்தில் நடிக்க வைத்து அவரின் ஆசையை நிறைவேற்றுவார்களா என்பதை பொறுத்திருந்து பார்ப்போம்.