!...Payanam...!

'ராபர்ட் ஹூக்' - இவரை எத்தனை பேருக்குத் தெரிந்து இருக்குமோ தெரியவில்லை. காலம் மறந்துபோன மாமேதைகளில் இவரும் ஒருவர் எனலாம். ஆனால், வரலாறு இவரை புதுமைப்புலி என்றே பதிந்து வைத்துள்ளது. உலகின் 100 சிறந்த கண்டுபிடிப்பாளர்களில் இவர் பத்தாவது இடத்தில் இருந்தபோதும் என்னவோ அறிவியல் உலகில் மட்டுமே அறியப்பட்டவராக இருக்கிறார். சரி இவரைப்பற்றி என்ன என்கிறீர்களா. 1635-ம் ஆண்டின் ஜூலை 28-ம் நாள்தான் இங்கிலாந்தில் ஃபிரஷ்வாட்டர் எனும் பகுதியில் ஹூக் பிறந்தார். அவருடைய பிறந்த நாள் இன்று. சரி என்ன சாதித்தார் என்கிறீர்களா. இதோ சுருக்கமாகவே தருகிறோம். ஆனால், அதுவே நீள்கிறது பாருங்கள்.

இவர் கண்டறிந்த நுண்ணோக்கியின் மூலம் 'செல்' என்ற அமைப்பைக் கண்டறிந்து சொன்னவரே இவர்தான். ஒவ்வொரு பொருளும் செல்லால் ஆனது என்பதை அதன்பிறகே உலகம் அறிந்துகொண்டது. இவரின் இந்த ஆய்வுக்குப் பின்னர்தான் உடலியல் வல்லுநர்களின் செல்கள் குறித்த ஆய்வுகள், மருத்துவ வளர்ச்சி போன்றவை வேகமெடுக்க ஆரம்பித்தன. முதல் கணிதக் கருவி, கிரிகோரிய தொலைநோக்கி, ரிஃப்ளெக்டிங் டெலஸ்கோப் போன்றவை இவரால் கண்டுபிடிக்கப்பட்டு கணிதம், வானியல், மருத்துவம் போன்றவை பின்னாளில் வளர்ச்சி பெற்றன.

இவருடைய 'மைக்ரோஸ்கிராவியா' நூல் செல்களைப் பற்றிக் கூறும் மருத்துவ வேதம் என்றே சொல்லப்படுகிறது. செவ்வாய், வியாழன் உள்ளிட்ட பல கோள்களின் செயல்பாடுகளைக் குறித்து, இவர் செய்த ஆய்வுகள்தான் வானியலில் பெரும் திருப்புமுனையை உருவாக்கியது. மோட்டார் வாகனப் பாகங்கள், கடிகாரத்தின் பேலன்ஸ் வீல் ஸ்பிரிங் கன்ட்ரோல், கேமரா பாகங்கள், காற்றடிக்கும் பம்ப் உள்ளிட்ட நூற்றுக்கும் அதிகமான கண்டுபிடிப்புகளைக் கண்டறிந்த அதிசய அறிவியலாளர் இவர். இதனாலே அதிகமான கண்டுபிடிப்புகளைக் கண்டறிந்த புலி எனப் போற்றப்பட்டார். இயற்பியலில் கௌரவ டாக்டர் பட்டம் பெற்றாலும் உயிரியியலாளர், வேதியியல் அறிஞர், புவியியலாளர், கட்டடக்கலை நிபுணர், வானவியல் அறிஞர், கண்டுபிடிப்பாளர், எழுத்தாளர் என இவரின் பன்முக சாதனைகள் நீளமானவை. மனித குல வரலாற்றில் பல முன்னேற்றங்களை உண்டாக்க பாடுபட்ட ராபர்ட் ஹூக் அவர்களின் பிறந்த தினம் இன்று.

1. கத்ரினாவுக்கு பொடுகு, தலைமுடி பிரச்சினை இருக்கிறது..., ஷில்பாவுக்கு தலைமுடி உதிர்கிறது.

2. மனைவி இருப்பவன், பக்கத்து வீட்டுக்காரன் டியோடரணட் பயன்படுத்தாமல் பார்த்துக்கொள்ளவேண்டும்.

3. உங்கள் தகுதிகளை விட, உங்கள் நிறம் முக்கியத்துவம் வாய்ந்தது.

4. சமையலறையில் உப்பு இல்லையா, கவலை வேண்டாம். டூத் பேஸ்ட் பயன்படுத்தலாம் !

5. ஒவ்வொரு பற்பசை பிராண்டும் நமபர் 1 பிராண்ட்தான், எல்லாமே இந்திய பல்மருத்துவர்கள் அனைவராலும் பரிந்துரை செய்யப்படுபவைதான்!!!

6. உங்கள் மகள் திருமணம் செய்ய விருப்பம் இல்லாமல் இருந்தால் நகைக்கடைக்கோ அல்லது துணிக்கடைக்கோ அழைத்துச் செல்லுங்கள்.

7. ஆண்கள் டியோடரண்ட் பயன்படுத்துவதன் ஒரே காரணம் பெண்களைக் கவர்வதற்கே.

8. கோலா பானங்கள் அனைத்துமே எல்லாவகையான பயங்களையும் போக்கிவிடும். தொடர்ந்து பருகி வந்தால் நீங்களும் சூப்பர்மேன் ஆகிவிடுவீர்கள்!!

9. சூப்பர்ஸ்டார்கள் எல்லாருமே பாவம், ரொம்பவும் ஏழைகள். 10 ரூபாய் கொடுத்து கோலா வாங்க இயலாமல் உயிரையே பணயம் வைக்கவும் தயங்க மாட்டார்கள்.

10. ஷாம்பு விளம்பரங்களில் வரும் ஸ்பெஷல் எஃபெக்ட்ஸ், அவதார் திரைப்பட ஸ்பெஷல் எஃபக்ட்சைவிட அதி உன்னதமானவை.

11. ஷாம்பு அல்லது சோப்பில் இருக்கும் பழப்பொருட்களின் விகிதம், 99% பழச்சாறுகளில் இருக்கும் விகிதத்தை விட அதிகமானது.

12. அமுல் நிறுவனத்தில் நல்ல பால்பொருட்களை உற்பத்தி செய்யக்கூடிய திறமைசாலிகளைவிட கார்ட்டூன் வரையும் திறமைசாலிகள் அதிகமாக இருக்கிறார்கள்.

13. சாலைகளின் நிலை மோசமாக இருப்பதைக் குறைகூறம் பெரும்பாலான மக்கள், அதே சாலைகளில் ஓட்டுவதற்காகத் தான் வாகனங்களை வாங்குகிறார்கள்.

14. டயரி மில்க் சில்க்- கை மூஞ்சிமுழுக்க அப்பிக்கொள்ளாமல் சாப்பிடவே முடியாது.

15. மோட்டார் பைக் வாங்குவோர் எவரும் பயணம் செய்வதற்காக அல்ல, பெண்களை பிக் அப் செய்யவே வாங்குகிறார்கள்.

16. எல்லா சோப்புகளுமே 99.9% கிருமிகளைக் கொன்று விடும்.

17. பகார்டி சிடிக்கள் தயாரிக்கிறது, கிங் பிஷர் மினரல்வாட்டர் தயாரிக்கிறது என்றே எல்லாரும் நம்புகிறார்கள்.

18. தாயும் மகளும் பேசிக்கொள்கிற ஒரே நேரம், ஹேர் ஆயில் பற்றிப் பேசும்போது மட்டும்தான்.

19. எந்தத்துறை வல்லுநராக இருந்தாலும் சரி, அவர் எப்போதும் வெள்ளைக் கோட் அணிந்திருப்பார்

வைட்டமின் பி12 அடங்கிய உணவுகள் வைட்டமின் பி12 அடங்கிய உணவுகள், இரத்த அணுக்களின் ஆரோக்கியத்திற்கும், நரம்புகளின் ஆரோக்கியத்திற்கும் மிகவும் அவசியமானது. மேலும் டி.என்.ஏ உருவாக்கத்திற்கும் இது மிகவும் அவசியமானதாக விளங்குகிறது. நமது உணவில் உள்ள புரதத்தை எல்லைக்குள் வைத்து கொள்ளவும், செரிமானத்தின் போது புரதத்தை பெப்சினாக வெளியேற்றவும் பி12 உதவுகிறது. வயதான பிறகு நமது வயிற்றில் உள்ள அமிலம் குறைந்து விடும். இதனால் ஊட்டச்சத்துகளை உட்கொள்ளும் தன்மை குறைந்து விடும். அதில் பி12-ம் அடங்கும். இதனால் ஆரம்பகட்டத்திலிருந்தே பி12 அதிகம் அடங்கியுள்ள மீன், இறைச்சி போன்றவற்றை எடுத்துக் கொள்ள வேண்டும். ஒருவேளை நீங்கள் சைவமாக இருந்தால், இவற்றிற்கு நிகரான உணவுகளை எடுத்து கொள்ள வேண்டும்.


கால்சியம் மற்றும் வைட்டமின் டி நம் உடலில் காஸ்ட்ரிக் அமிலம் மற்றும் ஹார்மோன் மாற்றங்களால், வைட்டமின் டி மற்றும் கால்சியம் உட்கிரகிக்கும் அளவு போன்றவை முப்பது வயதிற்கு முன்பிருந்ததை விட, நாற்பது வயதில் சரிவர இருப்பதில்லை. அதனால் 30 வயதிற்குள்ளயே கால்ஷியம் அடங்கிய உணவுகளை போதிய அளவில் உட்கொள்ளுங்கள். அப்படி இல்லையென்றாலும் கூட காலம் தாழ்த்திவிடாமல் கீரை வகைகள், பச்சைப் பூக்கோசு, அக்ரூட், சூடை மீன், நகர மீன், பரட்டை கீரை மற்றும் கொழுப்பு குறைந்த அல்லது கொழுப்பு இல்லாத பால் போன்ற கால்சியம் அதிகமுள்ள உணவுகளை உணவில் சேர்த்துக்கொள்ள வேண்டும்.


மீன் வகைகள் நமது உணவில் மீன் வகைகளை நன்றாக சேர்க்க வேண்டும். மீனில் உள்ள ஒமேகா-3 என்ற கொழுப்பு அமிலம் நமது உடல் ஆரோக்கியத்திற்கு மிகவும் அவசியம். இந்த அமிலம் நமது உடலில் சுரப்பதில்லை. நகர, கிழங்கான், சூடை போன்ற கடல் மீன்கள் மற்றும் கடல் உணவுகளான நீர்ப்பாசி, இறால் போன்றவற்றை உணவில் அதிக அளவில் சேர்த்து கொள்ள வேண்டும்.



பழங்கள் பழங்களில் உள்ள அதிகளவிலான சத்துக்கள் உடலுக்கு தேவையான அனைத்தையும் தருவதால் அவைகளை உணவில் அதிகளவில் சேர்த்துக்கொள்ள வேண்டும். ஒவ்வொரு காலநிலையிலும் பல பழங்கள் எளிதில் நமக்கு கிடைக்கின்றன. பழங்கள் எளிய செரிமானத்திற்கு வழிவகுக்கிறது. ஐம்பது வயதிற்கு மேற்பட்டவர்களுக்கு பழங்கள் மிகவும் அவசியம். அவர்கள் இனிப்பு அதிகம் சேர்க்க கூடாது. ஆனால் பழங்களில் உள்ள இனிப்பு அவர்களின் சர்க்கரை அளவை பாதிப்பதில்லை.


பழச்சாறுகள் ஐம்பது வயதிற்கு மேற்பட்டவர்களுக்கு ஊட்டச்சத்துள்ள உணவுகள் மிக அவசியம். அவர்களால் கடின உணவை எடுத்துக்கொள்ள முடியாது. அதற்கு பதிலாக பழச்சாறுகளை எடுத்து கொள்ளவது மிகவும் நல்லது. நமது உடலில் உணவுகளின் எளிதான செரிமானத்திற்கும், சிறந்த நீறேற்றியாகவும் பழச்சாறு பயன்படுகிறது. மேலும் நமது உடலால் எளிதாக உட்கிரகிக்கப்படுகிறது பழச்சாறு.


முழு தானிய வகைகள் முழு தானிய உணவுகளான கோதுமையால் செய்யப்பட்ட உணவுகள் மற்றும் கைகுத்தல் அரிசி போன்றவை நமது உடலில் பசியை தூண்டி, சர்க்கரை அளவில் நிலைப்பாட்டை ஏற்படுத்துகிறது. நாம் அனைவரும் பாலிஷ் செய்யப்பட்ட தானியங்களை விடுத்து, முழு தானிய வகைகளை உட்கொள்ள ஆரம்பிக்க வேண்டும். இவை உங்கள் பசியை சீராகி சர்க்கரையை மெதுவாக உங்கள் உடலில் சேர்க்கும். இதனால் அளவுக்கு அதிகமாக உண்ணுவதை கட்டுப்படுத்தி, சர்க்கரை அளவில் அபரிமிதமான மாற்றத்தை ஏற்படுத்தும்.

தரமான நடிகர்கள் இருவர் படம் எப்போது வரும் என பலரும் காத்திருப்பார்கள். அந்த வகையில் விஜய் சேதுபதி, மாதவன் என்ற இரண்டு தரமான நடிகர்கள் இணைந்து நடித்த விக்ரம் வேதா இன்று உலகம் முழுவதும் வெளிவர, இருவருமே மிரட்டினார்களா? பார்ப்போம்.

கதைக்களம்

விக்ரமாக மாதவன் வேதாவாக விஜய் சேதுபதி இருவருக்கும் இடையே நடக்கும் நியாயப்போராட்டமே விக்ரம்வேதா ஒன் லைன். மாதவன் ஒரு என்கவுண்டர் ஸ்பெஷலிஸ்ட், அவரின் ஒரே டார்கெட் வேதா.

எல்லோருமே வேதாவை எதிர்நோக்கி காத்திருக்க, வேதா தானாகவே வந்து போலிஸில் சரண் அடைகிறார். அதை தொடர்ந்து அவர் மாதவனிடம் தன் கதையை கூற ஆரம்பிக்கின்றார்.

அப்படி கூறுகையில் மாதவனுக்கு ஒரு சில விஷயங்கள் புரிய வருகின்றது. வேதாவை நாம் தேடி போகின்றோமா? இல்லை வேதா நம்மை தேடி வந்தானா? அப்படி வந்தால் எதற்காக வந்தான்? என பல சுவாரசிய முடிச்சுக்கள் ஒவ்வொன்றாக அவிழ்கின்றது.

படத்தை பற்றிய அலசல்

ஒரு போலிஸ் ஒரு திருடன் என இதுவரை பல படங்களில் பார்த்திருப்போம். அப்படி ஒரு வகை தான் இந்த விக்ரம்வேதா I saw the devil, Dark Knight போன்ற படங்கள் போல ஒரு ஆடுபுலி ஆட்டமே இந்த விக்ரம்வேதா.

இதில் டார்க் நைட் சாயல் கொஞ்சம் தூக்கல் தான், மாதவன் இதற்கு பிறகு தான் சிறந்த நடிகர் என்று நிரூபிக்க தேவையில்லை, என்கவுண்டர் ஸ்பெஷலிஸ்டை இதற்கு மேல் நம் கண்முன் யதார்த்தமாக கொண்டு வரமுடியாது.

அவருக்கு கொஞ்சம் கூட குறை வைக்கவில்லை விஜய் சேதுபதி. எப்போதும் மாதவனை தேடி வந்து ஒரு கதை சொல்கிறேன் என ஒரு கதையை ஓபன் செய்து அதிலிருந்து மாதவனுக்கு சில ஐடியா கிடைத்து, அதன் மூலம் விஜய் சேதுபதி தனக்கு தேவையான விஷயங்களை எடுத்துக்கொள்வது என மூளைக்கு வேலை கொடுக்கக்கூடிய ஒரு திரைக்கதை.

அதிலும் குறிப்பாக தன் மனைவியின் கையில் ஏற்படும் காயம், வரலட்சுமி கையில் இருக்கும் துப்பாக்கியை வைத்தும் மாதவன் கண்டுப்பிடிக்கும் காட்சிகள் சுவாரசியம். ஒரு தருணம் யார் நல்லவன், யார் கெட்டவன், எது தீர்மாணிக்கின்றது என்பதை மிக அழகாக காட்டியுள்ளனர் புஷ்கர்-காயத்ரி.

வினோத்தின் ஒளிப்பதிவு வடசென்னையின் நிழல் உலகத்தை கண்முன் கொண்டு வருகின்றது. சாம் இசையின் பின்னணி மிரட்டல், அதிலும் விஜய் சேதுபதிக்கு வரும் பின்னணி பாடல் பாதி கதையை சொல்கின்றது.

க்ளாப்ஸ்

நடிகர், நடிகைகளின் யதார்த்தமான நடிப்பு.

டெக்னிக்கல் விஷயங்கள், கிளைமேக்ஸ் டுவிஸ்ட்.

படத்தின் வசனம் பெரும் பலம் ‘உன் கையில் ரூ 10 கோடி கொடுத்தால், நீ என்னை இங்கு விட்டு, பிறகு மீண்டும் அந்த ரூ 10 கோடி பணத்தை என்னிடம் கொள்ளையடிக்க தான் வருவாய்’ என மாதவன் விஜய் சேதுபதியிடம் பேசும் பல வசனங்கள் யோசித்தாலே புரியும் வகை.

பல்ப்ஸ்

கொஞ்சம் மெதுவாக நகரும் திரைக்கதை, அத்தனை சுவாரசியம், நுணுக்கமாக செல்லும் படத்தில் கிளைமேக்ஸ் சண்டை கொஞ்சம் யதார்த்தம் விலகி நிற்கின்றது.

மொத்தத்தில் வேதா கதை சொல்ல ஆரம்பித்தால் பரபரப்பாவது விக்ரம் மட்டுமில்லை, ஆடியன்ஸும் தான்.

விக்ரம் வேதா உலகம் முழுவதும் கடந்த வாரம் வெளிவந்தது. இப்படம் ரசிகர்களிடம் பிரமாண்ட வரவேற்பு பெற்றது. விஜய் சேதுபதி, மாதவன் திரைப்பயணத்திலேயே பிரமாண்ட வெற்றி என்றால் அது விக்ரம் வேதா தான்.

இப்படத்தை நேற்று மாலை சூப்பர் ஸ்டார் ரஜினிகாந்த் பார்த்து ரசித்துள்ளார், இப்படத்தை பார்த்த அடுத்த நிமிடம், இயக்குனர் புஷ்கர், காயத்ரியை மனம் திறந்து பாராட்டியுள்ளார்.

மேலும், ஒரு மாஸ் கதையை செம்ம கிளாஸாக எடுத்துள்ளீர்கள் என தன் பாராட்டை தெரிவித்துள்ளார்.

பிரம்மாண்ட பட்ஜெட்டில் சுந்தர்.சி இயக்கவுள்ள சங்கமித்ரா படத்தின் ஷூட்டிங் இந்த வருட இறுதியில் ஐதராபாத்தில் துவங்கவுள்ளது. ஜெயம் ரவி, ஆர்யா முக்கிய கதாபாத்திரத்தில் நடிக்கவுள்ள நிலையில் சங்கமித்ராவாக ஹன்சிகா நடிப்பார் என்று கூறப்படுகிறது.

இந்நிலையில் பாகுபலியில் கட்டப்பாவாக நடித்த சத்யராஜ் இந்த படத்தில் ஒரு முக்கிய ரோலில் நடிக்கவுள்ளதாக தகவல் வெளியாகியுள்ளது. இதுபற்றிய அதிகாரபூர்வ அறிவிப்பு விரைவில் வரும் என எதிர்பார்க்கப்படுகிறது.

இன்றைய பிக் பாஸ் நிகழ்ச்சியில் ஆரவ் மற்றும் காயத்ரிக்கு சின்ன பிக் பாஸ் பதவி கொடுக்கப்பட்டது.

வெளியேற்ற நினைக்கும் யாராவது ஒருவரை தேர்ந்தெடுத்து வீட்டை விட்டு வெளியே உள்ள நீச்சல் குளத்தின் அருகில் உள்ள சோபாவில் இரவு விளக்கு அணையும் வரை உட்கார்ந்துகொண்டிருக்கவேண்டும் என்று அவர்களுக்கு கூறப்பட்டது.

காயத்ரி சற்றும் தயக்கமின்றி ஜூலியின் பெயரை பரிந்துரைத்தார். ஆரவ்வும் ஒப்புக்கொண்டதால் ஜூலி வீட்டில் இருந்து தற்காலிகமாக வெளியேற்றப்பட்டார்.

‘காலா’வில் ரஜினிக்கு, ‘பிக்பாஸ்’ நிகழ்ச்சியில் கமலுக்கு, ‘விவேகம்’ படத்தில் அஜித்துக்கு என மூவருக்குமான காஸ்ட்யூம் டிசைனர் அனுவர்தன். தமிழ் சினிமாவின் ஜாம்பவான்களை ஆடை வடிவமைப்பால் மிளிரச்செய்யும் அனுவர்தனுடன் பேசினேன்.
“பிக் பாஸ் வாய்ப்பு பற்றி...?”

“ முதல்ல பிக் பாஸ் நிகழ்ச்சியோட ப்ரோமோ ஷூட்டுக்கு மட்டும், கமல் சாருக்கு காஸ்ட்யூம் டிசைன் பண்ணேன். முதல்முறையாக கமல் சாருக்கு டிசைன் பண்றேன்கிறதுனால எதிர்பார்ப்பு அதிகமா இருந்துச்சு. டிவி நிகழ்ச்சிக்கு காஸ்ட்யூம் டிசைன் வேற நபர்தான் பண்ணாங்க. நிகழ்ச்சி  தொடங்க ஆரம்பிச்சதும், திடீர்னு விஜய் டிவியில இருந்தே கூப்பிட்டு, ‛பிக் பாஸ் முழு நிகழ்ச்சிக்கும் நீங்களே கமல் சாருக்கு காஸ்ட்யூம் டிசைன் பண்ணுங்க’-னு சொன்னாங்க. நிகழ்ச்சியில் கமல் சாருக்குத் தேவைப்படும் காஸ்ட்யூம் எல்லாமே இப்போ ரெடி.’’ ​ ​

“ஏதும் தீம் வைத்து டிசைன் செய்திருக்கிறீர்களா?”

“முதல்ல தீம்படியே காஸ்ட்யூம் டிசைன் பண்ணலாம்னு யோசிச்சேன். ஆனா ஸ்டைல்ஸ் கலவையா இருந்தா நல்லா இருக்கும்னு தோணுச்சு. ஒரே கல்ச்சரா இருக்கவேணாம்னு நினைச்சேன். கமல் சார் கூட வெரைட்டியா இருந்தா நல்லா இருக்கும்னு ஃபீல் பண்ணார். ஒவ்வொரு எபிசோடுக்கும் ஒவ்வொரு வெரைட்டியில் உடை ரெடி பண்ணிருக்கோம். எல்லாமே கமல் சாருக்கும் ரொம்ப பிடிச்சிடுச்சு. கமல் சாருக்கான உடைகள் சென்னையில்தான் ரெடி பண்றோம். ஆனால் சில துணி வகைகள் மட்டும் டெல்லி, இத்தாலியிலிருந்து வர வச்சிருக்கோம்.”

“ காலாவில் ரஜினிக்கு காஸ்ட்யூம் டிசைன் பண்ணிட்டு இருக்கீங்களே!”

“ ’கபாலி’க்கும் நான்தான் காஸ்ட்யூம் பண்ணிருந்தேன். அந்தப் படம் முடிந்த சமயத்துல, ' நடிக்கும் போது ஒண்ணும் தெரியலை. ஆனா ஸ்க்ரீன்ல பார்க்கும் போது ரொம்ப நல்லா வந்திருக்கு’னு ரஜினிசார் என்னைப் பாராட்டினார். அப்போவே செம சந்தோஷம். ரஜினி சாருக்கு சிம்பிளான வேட்டி, சட்டைனா கூட வெற  லெவல்ல இருக்கும். ஸ்டைலிஷான எந்த மாதிரியான உடைனாலும் அவருக்கு ரொம்ப பிடிக்கும். காலாவில் ரஜினிசாருக்கும், நானா படேகர், ஹூமா குரேஷி மூன்று பேருக்கும் டிசைன் பண்ணிருக்கேன். என்ன ஹேப்பினா, காலாவும் பிக்பாஸ் நிகழ்ச்சியும் பக்கத்துப் பக்கத்து செட்ல ஷூட்டிங் போகுது.  ஒரே நேரத்தில் இரண்டு லெஜண்டுகளுக்கும் வேலை செய்யுறது ரொம்ப ஆர்வமா இருக்கு. நிஜமாகவே நான் ரொம்ப லக்கினுதான் நினைக்கிறேன்.”

“ ஐடியாஸ் எங்க இருந்து பிடிக்கிறீங்க?”

“நாம பார்க்குற விஷயங்கள், கலை சார்ந்த செயல்பாடுகள்னு நிறைய இன்ஸ்பரேஷன் ஆகுறதுதான் காரணம். முக்கியமா அதிகமா டிராவல் பண்ணுவேன். ஒவ்வொரு முறை டிராவல் பண்ணும்போதும்  நிறைய ஐடியாக்களோடுதான் வருவேன். நிறைய படைப்புகள் உருவாகுவதற்கு டிராவல் ரொம்ப முக்கியம்.”

அனு வர்தன்

“பிக் பாஸ் உங்களுக்குப் பிடிச்சிருக்கா?”

“உண்மைய சொல்லணும்னா டிவி அதிகமா பார்க்கமாட்டேன். ஆனா கமல்சார் வர எபிசோட் மட்டும், கமல் சாருக்காகப் பார்ப்பேன். நிறைய பேர் பேசுறதும், சோசியல் மீடியா கமென்டு எல்லாம் பார்க்கும் போதே தெரியுது, இது ரொம்ப பெரிய ஹிட். குறிப்பா ஓவியாவுக்குப் பெரிய ஆதரவு இருக்கு. ஏன்னா, பலரும் ஓவியா பற்றித்தான் நிறைய பேசுறாங்க.”

“விவேகம் படத்தில் அஜித் பார்க்க எப்படி இருப்பார்?”

“பொதுவா விஷ்ணுவோட படங்கள் மட்டும்தான் முழு படத்திற்கும் காஸ்ட்யூம் பண்ணுவேன். இப்போ விவேகம் படத்திற்கு முழுமையா காஸ்ட்யூம் பண்ணியிருக்கேன். படத்தில் செம மாஸா இருப்பார். நிறைய ஸ்டைல்ஸ் ட்ரை பண்ணியிருக்கோம். நல்லா வெயிட் குறைச்சிருக்கார்.

சினிமாவுக்கு காஸ்ட்யூம் டிசைன் எவ்வளவு முக்கியம்?

“நினைச்ச விஷயத்தை படத்தில் கொண்டுவரதுக்கு, நடிகர்களோட ஆடையமைப்பும் நிறையவே உதவும். படத்திற்கான லுக் கொடுக்கும். படத்திற்கான ஃபீல் கொண்டுவரும். ஆள் பாதி ஆடை பாதிங்கிற விஷயம்தான். கபாலியில் ரஜினி போட்ட ட்ரெஸ்ஸெல்லாம் இங்க நிறையப் பேர் போடுறாங்கங்கிறதுதான் படத்தோட வெற்றி.

“ரஜினி, கமல், அஜித் மூவருக்கும் எந்த காஸ்ட்யூம் நல்லா இருக்கும்? ”

“ரஜினி சார் குர்தா போட்டா ரொம்பப் பிடிக்கும். கமல்சார் லினின் துணியில் என்ன போட்டாலும் க்ளாசியா இருப்பார். அதுமாதிரி அஜித் சாருக்கும் ப்ளைனா சிம்பிள் டிஷர்ட் போடும்போது செமயா இருப்பார்.”

பலரின் பார்வையை திசை திருப்பிய நிகழ்ச்சி பிக்பாஸ். இதை பற்றி பலரும் கருத்துகள், விமர்சனங்கள் கூறிவருகின்றனர். மீம்ஸ் கூட பார்த்திருப்பீர்கள்.

நடிகர் விவேக் சமூக நல விசயங்களை நீண்ட நாட்களாக செய்து வருகிறார். பல ஆயிரம் மரக்கன்றுகளை நட்டு சாதனை செய்தார். மேலும் அவர் அப்துல்கலாம் அவர்களின் வழியை பின்பற்றுபவர்.

தற்போது சேலத்தில் தனியார் பள்ளியில் நடைபெற்ற கலாம் நினைவு பேரணியில் சிறப்பு விருந்தினாராக கலந்து கொண்டார். அதில் பேசிய போது அப்துல்கலாம் தான் நமக்கு உண்மையான பிக்பாஸ்.

அவரின் நினைவாக பசுமை கலாம் என்ற பெயரில் ஒரு கோடி மரங்கள் நடுவதே என் திட்டம் என கூறினார்.

உலக நாயகன் கமல்ஹாசன் தான் இப்போதைய சூழ்நிலையில் மிகவும் பரபரப்பாக பேசப்படுபவர். இதில் ஒன்று பிக்பாஸ், மற்றொன்று அரசியல். அவரை விமர்சித்ததற்கு பதிலடி கொடுத்துள்ளார்.

கட்சி, நட்பு குடும்ப பேதமின்றி அனைத்து ஊழலையும் களைய முயல்வேன் நடிகர் கமல்ஹாசன் கூறியுள்ளார். தற்போது அவரின் அடுத்த படம் தகவல் வெளியாகியுள்ளது.

இதற்கு தலைவன் இருக்கிறான் என பெயர் வைத்துள்ளனர். ஏற்கனவே விஸ்வரூபம் போன்று சமூகத்தில் நடக்கும் விசயங்களை எடுத்து வைத்தார். ஒரு விஷயம் இருக்கப்போகிறது என்பதில் சந்தேகமில்லை.

தன்னம்பிக்கையோடு நம்மால் முடியும் கனவு காணுங்கள் என அப்துல் கலாம் சொன்னதை போல இசையே வாழ்க்கை என்று நம்பிக்கையோடு களமிறங்கிய ஹிப் ஹாப் ஆதியின் வாழ்க்கையை மையமாக வைத்து அவரே இசையமைத்து நடித்து இயக்கிய படம் தான் மீசையை முறுக்கு.

கதைக்களம்

விவேக்கின் இரண்டு மகன்களில் ஒருவர் ஆதி. சிறுவயதிலே இருந்தே குறும்புத்தனத்துடன் நண்பர்களோடு சுற்றி திரியும் நபர். ஆனால் இசை மீது சிறுவயதிலிருந்த ஆர்வம் அதிகம். ஸ்கூல் பருவத்திலிருந்தே நண்பன் விக்னேஷ் காந்துடன் தனது கலாட்டாக்களை அரங்கேற்றுவார்.

ஆதியின் சேட்டைகள் அதிகமானதால் விவேக் கோயம்புத்தூரில் உள்ள ஒரு இன்ஜினியரிங் கல்லூரியில் ஆதியை சேர்க்கிறார் அவருடன் விக்னேஷ் காந்தும் அதே கல்லூரியில் படிக்கிறார். ஒவ்வொரு இளைஞர்களின் கல்லூரி வாழக்கை மறக்கமுடியாதோ அதே போல் இவர்களின் கல்லூரிவாழ்க்கையும் ராக்கிங், சீனியர், ஜூனியர் சண்டைகள், ஆதியின் காதல், கல்ச்சரல் என்று ஆதியின் வாழ்க்கை நகர்கிறது.

அதே சமயம் தன்னுடைய இசைக்கான தேடுதலை கல்லூரி ஆண்டுவிழாவிலிருந்து தொடங்கிறார். இந்நேரத்தில் தான் கல்லூரி காலம் முடிந்து அடுத்து என்ன செய்வது என்று யோசிக்கும் போது Independant இசைமைப்பாளர் ஆக வேண்டும் என்று விவேக்கிடம் சொல்கிறார்.

மியூசிக் எல்லாம் வாழ்க்கைக்கு செட் ஆகாது என்று விவேக் சொல்ல, ஒரு வருடம் டைம் கேட்டு சென்னைக்கு கிளம்புகிறார். தன்னுடைய இசை கனவுக்கான வாழ்க்கையில் ஜெயித்தாரா? இடையில் பிரிந்த தன்னுடய காதல் ஜெயித்ததா? எப்படி சினிமாவில் இசைமைப்பாளர் ஆனார் என்பது தான் இந்த மீசையை முறுக்கு.

நடிகர், நடிகைகளின் பங்களிப்பு

ஆதி தன்னுடய இசை வாழ்க்கையின் வலிகளை மிகவும் தத்ருபவமாக நடிப்பில் வெளிப்படுத்தியுள்ளார். அவர் இசையமைத்த ஒவ்வொரு பாடலுக்கும் பின்னாடி ஒரு கதை வைத்தது இயக்குனராக ரசிக்க வைக்கிறது. தன் வாழ்க்கையை கண்முன் காண்பித்த விதம் ஒவ்வொரு இளைஞருக்கும் உத்வேகத்தை கொடுக்கும்,

நண்பராக வரும் விக்னேஷ் காமெடியில் கலக்கியுள்ளார், முக்கியமாக யூடுப் ஷாரா டைமிங் காமெடி சிறப்பு, படத்தில் நடித்த நண்பர்கள் அனைவருமே நன்றாக செய்துள்ளனர்.

ஹீரோயின் ஆத்மீகா காதலால் சிக்கித்தவிக்கும் காட்சிகள் மிக இயல்பு, யதார்த்தமான அப்பாவாக விவேக் சார் பிரதிபலிக்கிறார். வாழ்க்கை ஒரு நீச்சல் மாதிரி, நீந்தி தான் கத்துக்க முடியும், உன்னால் முடியும் அதே சமயம் படிப்பும் முக்கியம் என்று மகனுக்கு ஹீரோவாக திகழ்கிறார். விவேக் சார் நடித்ததில் இதுவும் குறிப்பிடத்தக்க கதாபாத்திரம்.

கிளாப்ஸ்

உத்வேகத்தை கொடுக்கும் திரைக்கதை,

ஆட்டம் போடவைக்கும் பாடல்கள் மற்றும் பின்னணி இசை

ஆதியின் வாழ்க்கையில் நடந்த உண்மை கதையை ரசிக்கும் விதம் கொடுத்தது

பல்ப்ஸ்

முதல் பாதியின் நீளம், கொஞ்சம் போர் அடிக்கும் பழைய காட்சிகள்

ஒர்க்கவுட் ஆகாத சில காமெடி காட்சிகள்

ஆதி இசையமைப்பாளராக ஜெயிக்க வேண்டும் என்று தன் வாழ்கையில் பட்ட கஷ்டத்தை இயக்குனராக காட்டியதில் ஜெயித்து விட்டார். முக்கியமாக கடைசியில் அந்த இரண்டு அடிமைகள் செம பினிஷிங் டச் (படம் பார்த்தவர்களுக்கு புரியும்)

மொத்தத்தில் இயக்குனராக மீசைய முறுக்கி ஜெயித்து விட்டார் ஆதி

மலரே புகழ் சாய் பல்லவி முதன்முதலாக தெலுங்கில் நடித்திருக்கும் படம் Fidaa. சேகர் கம்முல்யா இயக்கியிருக்கும் இப்படத்தில் வருண் தேஜ் நாயகனாக நடித்திருக்கிறார். இன்று வெளியாகி இருக்கும் இப்படம் எப்படி இருக்கிறது வாங்க பார்ப்போம்.

கதைக்களம்

காதல், பிரிவு, மீண்டும் காதல் இது வழக்கமாக படங்களில் இருப்பது தான். USAவில் படித்துவரும் வருண் (வருண் தேஜ்) தனது அண்ணனின் திருமணத்திற்காக இந்தியா வருகிறார். வந்த இடத்தில் அண்ணன் திருமணம் செய்துகொள்ள போகும் அண்ணியின் தங்கை பானுமதி (சாய் பல்லவி) மீது காதலில் விழுகிறார்.

இருவருக்குள்ளும் சில சுவாரஸ்ய விஷயங்கள் நடக்கிறது. சில விஷயங்களால் திருமண முடிவில் வருண், பானுமதி இடையில் பிரிவு ஏற்படுகிறது. கடைசியில் இவர்கள் ஒன்று சேர்ந்தார்களா இல்லையா என்பது கதை.

படத்தை பற்றிய அலசல்

தெலுங்கு மொழி தெரியாத சாய் பல்லவி தெலுங்கானா உச்சரிப்பில் அசத்தியுள்ளார். வழக்கமான கிராமப்புற பாணியில் காமெடிகள் இடம்பெற்றிருக்கிறது. வருண், சாய் பல்லவி தங்களுக்கு கொடுக்கப்பட்ட கதாபாத்திரத்தில் அழகாக நடித்துக் கொடுத்துள்ளனர்.

க்ளாப்ஸ்

சாய் பல்லவியின் தெலுங்கு உச்சரிப்பு, புடவையில் ரசிகர்களை கவர்ந்திருக்கிறார்.

முதல் பாதியில் வரும் காமெடி காட்சிகள்.

பல்ப்ஸ்

இரண்டாம் பாதி கொஞ்சம் மெதுவாக செல்கிறது. முதல் பாதியில் இருந்த காமெடி இரண்டாம் பாதியில் சுத்தமாக இல்லை.

மொத்தத்தில் மலர் டீச்சருக்காகவே இந்த படத்தை திரையில் பார்க்கலாம்.

 காலைச் சிறுநீரை ஒரு கண்ணாடிக் கிளாசில் எடுத்து அதில் இரண்டு சொட்டு நல்லெண்ணையை விட்டுவிட்டு உற்றுக்கவனியுங்கள்.


எண்ணெய்த்துளி பாம்புபோல வளைந்து காணப்பட்டால் உங்கள் உடலில் வாதம் மிகுந்துள்ளது.
மோதிரம் போல வட்டமாக இருந்தால் உங்களுக்கு பித்த நோய்,


முத்துப்போல நின்றால் உங்களுக்கு கபநோய்,


எண்ணெய்த்துளி வேகமாக பரவினால் நோய் விரைவில் குணமாகும்.


எண்ணெய்த்துளி அப்படியே இருந்தால் நோய் குணமாக தாமதமாகும்.


எண்ணெய்த்துளி சிதறினாலோ அமிழ்ந்துவிட்டாலோ நோயை குணப்படுத்த இயலாது.

Bigg Boss நிகழ்ச்சியில் இருந்து இதுவரை ஸ்ரீ, அனுயா, கஞ்சா கருப்பு, பரணி, ஆர்த்தி என ஐந்து பேர் வெளியேறியுள்ளனர். இவர்களில் பரணி நிகழ்ச்சியில் இருந்து வெளியானது ரசிகர்களை மிகவும் வருத்தப்பட வைத்திருந்தது.

இந்த நிலையில் கஞ்சா கருப்பு நிகழ்ச்சிக்கு பிறகு நிறைய பேட்டிகள் கொடுத்து வருகிறார். ஒரு பேட்டியில் Bigg Boss நிகழ்ச்சி முடிந்ததும் நமீதா, காயத்ரி, சினேகன், ஆர்த்தி, ஆரவ், வையாபுரி, ஷக்தி போன்ற பிரபலங்களை தன்னுடைய கிராமத்திற்கு அழைத்து அவர்களுக்கு விருந்து கொடுக்க முடிவு செய்திருக்கிறார்.

அதோடு தன்னுடைய கிராம மக்களுக்கும் விருந்து ஏற்பாடு செய்து அதை நமீதா கையால் கொடுக்கவும் விரும்புவதாக கூறியுள்ளார்.

Bigg Boss நிகழ்ச்சியில் இருந்து இதுவரை ஸ்ரீ, அனுயா, கஞ்சா கருப்பு, பரணி, ஆர்த்தி என ஐந்து பேர் வெளியேறியுள்ளனர். இவர்களில் பரணி நிகழ்ச்சியில் இருந்து வெளியானது ரசிகர்களை மிகவும் வருத்தப்பட வைத்திருந்தது.

இந்த நிலையில் கஞ்சா கருப்பு நிகழ்ச்சிக்கு பிறகு நிறைய பேட்டிகள் கொடுத்து வருகிறார். ஒரு பேட்டியில் Bigg Boss நிகழ்ச்சி முடிந்ததும் நமீதா, காயத்ரி, சினேகன், ஆர்த்தி, ஆரவ், வையாபுரி, ஷக்தி போன்ற பிரபலங்களை தன்னுடைய கிராமத்திற்கு அழைத்து அவர்களுக்கு விருந்து கொடுக்க முடிவு செய்திருக்கிறார்.

அதோடு தன்னுடைய கிராம மக்களுக்கும் விருந்து ஏற்பாடு செய்து அதை நமீதா கையால் கொடுக்கவும் விரும்புவதாக கூறியுள்ளார்.

Bigg Boss நிகழ்ச்சியில் இருந்து இதுவரை ஸ்ரீ, அனுயா, கஞ்சா கருப்பு, பரணி, ஆர்த்தி என ஐந்து பேர் வெளியேறியுள்ளனர். இவர்களில் பரணி நிகழ்ச்சியில் இருந்து வெளியானது ரசிகர்களை மிகவும் வருத்தப்பட வைத்திருந்தது.

இந்த நிலையில் கஞ்சா கருப்பு நிகழ்ச்சிக்கு பிறகு நிறைய பேட்டிகள் கொடுத்து வருகிறார். ஒரு பேட்டியில் Bigg Boss நிகழ்ச்சி முடிந்ததும் நமீதா, காயத்ரி, சினேகன், ஆர்த்தி, ஆரவ், வையாபுரி, ஷக்தி போன்ற பிரபலங்களை தன்னுடைய கிராமத்திற்கு அழைத்து அவர்களுக்கு விருந்து கொடுக்க முடிவு செய்திருக்கிறார்.

அதோடு தன்னுடைய கிராம மக்களுக்கும் விருந்து ஏற்பாடு செய்து அதை நமீதா கையால் கொடுக்கவும் விரும்புவதாக கூறியுள்ளார்.

Bigg Boss நிகழ்ச்சியில் இருந்து இதுவரை ஸ்ரீ, அனுயா, கஞ்சா கருப்பு, பரணி, ஆர்த்தி என ஐந்து பேர் வெளியேறியுள்ளனர். இவர்களில் பரணி நிகழ்ச்சியில் இருந்து வெளியானது ரசிகர்களை மிகவும் வருத்தப்பட வைத்திருந்தது.

இந்த நிலையில் கஞ்சா கருப்பு நிகழ்ச்சிக்கு பிறகு நிறைய பேட்டிகள் கொடுத்து வருகிறார். ஒரு பேட்டியில் Bigg Boss நிகழ்ச்சி முடிந்ததும் நமீதா, காயத்ரி, சினேகன், ஆர்த்தி, ஆரவ், வையாபுரி, ஷக்தி போன்ற பிரபலங்களை தன்னுடைய கிராமத்திற்கு அழைத்து அவர்களுக்கு விருந்து கொடுக்க முடிவு செய்திருக்கிறார்.

அதோடு தன்னுடைய கிராம மக்களுக்கும் விருந்து ஏற்பாடு செய்து அதை நமீதா கையால் கொடுக்கவும் விரும்புவதாக கூறியுள்ளார்.

பிரபல சேனலில் ஒளிபரப்பப்பட்டு வரும் பிக்பாஸ் நிகழ்ச்சி தற்போது சில சர்ச்சைகளுக்கு உள்ளாகி வருகிறது. அதன் காரணமாக அதை நடத்தும் கமல்ஹாசனும் விமர்சனத்திற்கு உள்ளாகியிருக்கிறார்.

அவரை நோக்கி எழுப்பப்பட்ட சில கேள்விகளுக்கு அவர் பதிலளித்துள்ளார். இருந்தாலும் அவருக்கு நாளுக்கு நாள் எதிர்ப்புகளும், கண்டன குரல்களும் அதிகரித்து வருகின்றன.

இதனால் அவரது வீட்டிற்கு காவல்துறை பாதுகாப்பு போடப்பட்டுள்ளது.

சர்ச்சைகள் ஒரு பக்கமிருந்தாலும், நேயர்களின் ஆதரவு கமலுக்கு அதிகரித்து வருகிறது. இதனால் இந்த நிகழ்ச்சியின் டிஆர்பி ஒவ்வொரு நாளும் அதிகரித்துக் கொண்டே செல்கிறது.

அதோடு, இந்த நிகழ்ச்சியின் நிறைவு நாளில் ஒரு பெரிய விழா நடத்தப்போகிறார்களாம். அதில், சிறப்பு விருந்தினராக நடிகர் ரஜினிகாந்த் பங்கேற்பார் என்று கூறப்படுகிறது.

எல்லோருக்கும் சுபிக்‌ஷம் தரும், எல்லோரது வாழ்க்கைத் தரத்தையும் யாரும் எதிர்பார்க்காத அளவில் கொண்டுபோய் நிறுத்தும் என்றெல்லாம் பொருளாதார வல்லுநர்களால், போற்றிப் புகழப்பட்ட  ‘உலகமயமாக்கல்’ இன்று திசை வழி தெரியாமல், முட்டுச் சந்தில் மோதி நிற்கிறது. தொண்ணூறுகளின் தொடக்கத்தில் பளபளப்பாக அனைவரையும் ஈர்த்த உலகமய பொருளாதாரக் கொள்கை, இன்று வளர்ந்த நாடுகளிலேயே தன் அனைத்துப் பளபளப்புகளையும் இழந்து பரிதாபமாக நிற்கிறது. எல்லோருக்கும் வாய்ப்பை உலகமயம் உண்டாக்கும், வேலைவாய்ப்புகள் பெருகும், பணப்புழக்கம் அதிகரிக்கும், பொருளாதாரத்துக்கு இறக்கை முளைக்கும் என்று வர்ணிக்கப்பட்ட கொள்கை இன்று தரை தட்டி தடுமாறிக்கொண்டிருக்கிறது. இந்தக் கொள்கையை சுவீகரித்துக்கொண்ட நாடுகளிலெல்லாம், பொருளாதார வளர்ச்சிக்குப் பதிலாக, ஏற்றத்தாழ்வுகளைத்தான் பரவலாக்கி இருக்கிறது. அதனால்தான், ஜெர்மனியில் G 20 மாநாட்டில் கலந்துகொள்ளச் சென்ற இந்தக் கொள்கையின் பிரதிநிதிகளுக்கு மகத்தான வரவேற்பு அளிக்கப்பட்டது. உலகமயமாக்கலின் பலன்களையும் நாம் மறுத்துவிட முடியாது. தொழிற்நுட்பத்தை செம்மைப்படுத்தியது... கடைக்கோடி மனிதனிடமும் அதைக்கொண்டு சேர்த்தது நிச்சயம் உலகமயக் கொள்கைதான். ஆனால், இதுகுறித்தெல்லாம் பெருமைப்பட முடியாத அளவுக்கு உலகமயமாக்கல் மிக மோசமான ஏற்றத்தாழ்வுகளை உண்டாக்கியிருக்கிறது. எந்தப் பொருளாதார வல்லுநர்கள் இந்த தாராளப் பொருளாதாரக் கொள்கையைப் பரிந்துரைத்தார்களோ... அவர்களே இன்று, “தேசங்களின் இந்த வீழ்ச்சிக்கு உலகமயப் பொருளாதாரக் கொள்கை மட்டும் காரணமில்லை. அதற்கு பல்வேறு காரணிகள் இருக்கின்றன. இருந்தாலும் உலகமயமாக்கலில் சில பிரச்னைகள் இருக்கின்றன” என்று மறைமுகமாக ஒப்புக்கொள்கிறார்கள்.

'மோசமான ஏற்றத் தாழ்வுகள்'

உலகமயக் கொள்கையில் உள்ள பிரச்னையென்று அவர்கள் சொல்வது, முதலீடு ஓர் இடத்தில் நிற்காமல், எந்தத் தேசத்தில் முதலீடுக்கான நல்ல வருவாய் இருக்கிறதோ, எங்கு உற்பத்திச் செலவு குறைவாக இருக்கிறதோ அங்கு முதலீடு பயணிக்கிறது. இதனால் இப்போது முதலீடுகள் ஐரோப்பிய, அமெரிக்க நாடுகளிலிருந்து பயணித்து ஆசிய, ஆப்பிரிக்க நாடுகளுக்குச் சென்றுவிட்டது. சரி... அங்காவது இந்த முதலீடு அறத்தோடு நடந்துகொண்டதா என்றால்... நிச்சயமாக இல்லை. லாபம், மேலும் லாபம் என்பதற்காகத் தொழிலாளிகளையும், இயற்கையையும் சுரண்டி மோசமான விளைவுகளை ஏற்படுத்தி வருகிறது.

இன்னொருபக்கம் பொருளாதார அறிஞர்கள், 'உலகமயமாக்கலில் சிக்கல் இல்லை; உயர் - உலகமயமாக்கலில்தான் பிரச்னை' என்று அறமுடன் சுரண்டுவது குறித்துப் பேசிக்கொண்டிருக்கிறார்கள். அதாவது, சக மனிதர்கள், இயற்கை என யாருக்கும் விசுவாசமாக இருக்கத் தேவையில்லை. 'முதலீட்டுக்கு விசுவாசமாக இரு; பணத்துக்கு விசுவாசமாக இரு' என்று இதுநாள்வரையிலும் கற்பித்துவிட்டு, அதற்கு ஏற்றாற்போலக் கொள்கைகளையும் வடிவமைத்துவிட்டு அறத்துடன் உலகமயமாக்கலை அணுகு என்று இப்போது அறிவுறுத்தினால்... யார்தான் கேட்பார்கள்...?

பொருளாதாரத்தை ஆய்வு செய்யும் அறிஞர்கள் உலகமயமாக்கல் ஏற்படுத்தி இருக்கும் சிக்கலான ஏற்றத்தாழ்வுகளுக்கு நிவாரணியாக முன் வைப்பது, 'Universal Basic Income'. அதாவது, அனைவருக்கும் அடிப்படை ஊதியம்.

'அனைவருக்கும் அடிப்படை ஊதியம்'

மார்க் உலகமயமாக்கல், அதன் உச்சத்தில் பிறந்த ஆட்டோமேஷன் சிலிக்கான் வேலியிலேயே பலரை வேலை இழக்கச் செய்திருக்கிறது. இதே நிலை தொடர்ந்தால், முதலில் பெரும்பான்மையினோருக்குப் பசி வரும். அதைத் தொடர்ந்து பிணி வரும். பின்னாலேயே கோபமும் கலகமும் வரும் என்று உணர்ந்த நிறுவனங்களும், நிறுவன நலன் அரசுகளும் தீவிரமாக ‘அனைவருக்கும் அடிப்படை ஊதியம்’ குறித்து சிந்திக்கத் தொடங்கிவிட்டன. அதாவது, சமூக அந்தஸ்து, பணியில் இருக்கிறாரா, இல்லையா என்றெல்லாம் யோசிக்காமல், மாதம் மாதம் தங்கள் குடிகளுக்கு ஊதியம் தருவது.

ஃபேஸ்புக் நிறுவனர் மார்க் முதல் டெஸ்லாவின் முதன்மை நிர்வாகி இலோன் முஸ்க் வரை அனைவரும் இந்தத் திட்டத்தை ஆதரிக்கத் தொடங்கிவிட்டனர். சிலிக்கான் வேலியில் சில நிறுவனங்களும், ஃபின்லாந்த் தேசமும் அனைவருக்கும் அடிப்படை ஊதியம் தருவதற்கான சோதனைத் திட்டத்தைத் தொடங்கிவிட்டது.  இந்தியாவும் இந்தத் திட்டத்தை சுவீகரித்துக்கொள்ள விரும்புகிறது.

இந்தியாவின் தலைமைப் பொருளாதார ஆலோசகர்  இந்தத் திட்டத்துக்கு ஆதரவாகப் பேசியிருக்கிறார். அவர், “இந்தத் திட்டம் நிச்சயம் ஒரு மாற்றத்தை உண்டாக்கும். ஏழ்மையில் உழல்பவர்களின் வலிகளை இது குறைக்கும்” என்கிறார்.

சிலர் எல்லை மீறி இதை ‘உட்டோபியா’ கருத்தியலுடன் ஒப்பிடத் தொடங்கிவிட்டார்கள். தாமஸ் மோர் எழுதிய நாவல்,  ‘உட்டோபியா’. இதில் வரும் கனவு தேசத்தில் வறுமை என்பதே இருக்காது. அனைவருக்கும் அனைத்தும் இருக்கும். அனைத்தும் சரிசமமாகப் பகிர்ந்து தரப்படும். எல்லோருக்கும் அனைத்தின் மீதும் உரிமை இருக்கும் என்பதால்... யாருக்கும் எந்தத் தேவையும் இருக்காது. இந்தத் திட்டம் நிறைவேற்றப்பட்டால், தேசங்கள் இதுபோல ஆகிவிடும் என்று புனையத் தொடங்கிவிட்டார்கள்.

'உட்டோபியாவும்... அடிப்படை ஊதியமும்'

உட்டோப்பியா

உண்மையில்... அனைவருக்கும் அடிப்படை ஊதியம் என்பது எளிய மக்களின் வாழ்வை மேன்மையாக்கும் திட்டமா...? உட்டோபியா தேசம் போல ஏற்ற இறக்கங்கள் இல்லாத சமநிலை உருவாகுமா... என்றால் நிச்சயம் இல்லைதான்.

ஓர் அரசுக்கு ஏன் ஏற்ற இறக்கங்கள் உண்டாகிறது என கண்டறிந்து... வேரில் விழுந்துள்ள விரிசலை சரிசெய்ய வேண்டும். வேரை சரி செய்யாமல், இலைகளின் துயரத்துக்கு மருந்திடுவது பயனற்றதுதான். அது மட்டுமல்ல... அனைவருக்கும் அடிப்படை ஊதியம் என்ற இந்தத் திட்டத்தில் உள்ள நுண்ணரசியல் ‘மானியம்’ குறித்தது. மாதம் ஒரு தொகையை நம் வங்கிக் கணக்கில் செலுத்திவிட்டு, ரேஷன் முதல் கல்வி மானியம் வரை அனைத்தையும் வெட்டும் அபாயமும் இருக்கிறது. எப்போதும் அரசுக்காகவும் பெருநிறுவனங்களுக்காகவுமே மட்டும் சிந்திக்கும் பொருளியல் அறிஞர்கள், 'நமது ஜி.டி.பி-யில் பெருந்தொகை மானியங்களுக்கே செல்கிறது... அனைவருக்கும் ஊதியம் அளிக்கும் திட்டம் வந்தால், பெரும் தொகை மிச்சமாகும்' என்று பேசத் தொடங்கிவிட்டார்கள். உலக வர்த்தக அமைப்பு, 'மானியத்தைக் குறை' என்று நம் அரசுகளை வலியுறுத்துவதுடன் இதனை ஒப்பிட்டுப் பார்த்தால், இதன் நோக்கம் தெளிவாகப் புரியும். ரேஷன் கடைகளில் மானியத்தில் அரிசி தருவதையும் வேளாண்மைக்கு மானியத்தில் உரம் தருவதையும் நிறுத்திவிட்டு ஒரு தொகையை மாத ஊதியமாகத் தருவது எந்த விதத்திலும் பயனளிக்காது; ஏழ்மையையும் ஒழிக்காது. இன்னொரு பக்கம் தீவிர வலதுசாரிய பொருளியல் அறிஞர்கள் முன்வைக்கும், ‘இது மக்களை சோம்பேறி ஆக்கிவிடும்’ என்ற கருத்தையும் நாம் சுலபமாக கடந்து சென்றுவிட முடியாது.

உட்டோபியா போல உண்மையில் ஒரு தேசம் எல்லா மக்களுக்குமான தேசமாக விரும்பினால், அது தன் வேரின் தவறுகளை சரி செய்ய வேண்டும். கொள்கைகளை மாற்றி அமைக்க வேண்டும். உலக வர்த்தக அமைப்பு முன்மொழியும் அனைத்தையும் அப்படியே உள்வாங்கி செயல்படுத்தாமல், மக்களுக்கு எது உண்மையில் நன்மைபயக்கும் என்று பகுத்தாய வேண்டும். அதைச் செய்யாமல், வேறு எந்தத் திட்டத்தை முன் வைத்தாலும் அது நிச்சயம் மக்களுக்கான திட்டமாக இருக்காது.

1953 ல், பெருந்தலைவருக்கு மலாய் நாடு செல்லும் மாபெரும் வாய்ப்பு வந்தது. அந்த நாளில் மலாய் பிரிட்டிஷ் ஆதிக்க நாடாக இருந்தது. எனவே மலாய் நாட்டின் கமிஷனராக் இருந்தவர் இங்கிலாந்தைச் சார்ந்த ஜெனரல் டெம்ப்ளர் ஆவார்.

தலைவர் காமராஜர் அவர்கள் மலாய் செல்வதற்கான ஏற்பாடுகளைக் கவனித்தது திரு. வேங்கடராஜுலு நாயுடு ஆவார். அவர்தான் நமது தலைவர் எப்படியாவது ஜெனரல் டெம்ப்ளருடன் சந்தித்துப் பேச்சுவார்த்தை நடத்த வேண்டும் என்று விரும்பினார்.

டெம்ப்ளர் எப்பொழுதுமே ஆடம்பரத்தை பெரிதும் விரும்புவர். தனக்கு இணையானவர்களை மட்டுமே சந்திக்க விரும்புபவர். இங்கு இணையானவர் என்பது ஆடை அலங்காரத்தில் மட்டுந்தான். இதை உணர்ந்த வேங்கடராஜுலு நாயுடு அவர்கள் காமராஜ் அவர்களுக்கு மலாயாவில் இருந்து ஒரு கடிதம் எழுதினார். கடித்த்தின் கருத்து இதுதான். ‘ஜெனரல் டெம்ப்ளர் கண்டிப்பானவர், ஆடைப்பாதி, அலங்காரம் மீதி என்னும் குணம் உடையவர்.

எனவே தாங்கள் அவரைச் சந்திக்க வேண்டியிருப்பதால் தயவு செய்து ஒரு கோட் தைத்துக் கொண்டு வருமாறு கேட்டுக் கொள்வதாக’ எழுதியிருந்தார். வேங்கடராஜுலுக்கு பயம்.’தலைவர் வந்தும் ஜெனரல் டெம்ப்லரைச் சந்திக்க செல்ல வேண்டும். காமராஜ் தனது வழக்கப்படி கைத்தறி ஆடைகளோடு வந்துவிடக்கூடாது’ -என்று மனம் வருந்தினார்.

டெம்ப்ளர் சாதாரண உடைகளை உடுத்தி இருப்பவர்களை மிகச் சாதாரணமாகவே மதித்து வெளியில் அனுப்பிவிடுவார். எனவே வேங்கடராஜுலு மனம் வருந்தியதில் உண்மை இருக்கிறது. காமராஜ் வரும் விமானத்தை எதிர்பார்த்து கோலாலம்பூர் குதூகலித்தது.

 இந்தியத் தலைமகனைக் காண எங்கெங்கு பார்த்தாலும் தலைகள்! வேங்கடராஜுலு சந்தேகப்பட்டது போலவே நடந்துவிட்டது. விமானத்தை விட்டு காமராஜ் எப்போதும் போலவே வேட்டி சட்டையுடன் வெளிவந்ததைக் கண்டு கலங்கினார் அமைப்பாளர். எப்போதும் போல் சாதாரணமாக கதர் வேஷ்டி, சட்டை, துண்டுடன் தலைவர் தன் தாயகத்தை உடையில் சுமந்துபோய் உள்ளத்தைக் காட்டிக்கொண்டிருந்தார்.

அழைத்த வேங்கடராஜுலு அகம் நொந்தார். இனி தலைவர்பாடு கமிசனர்பாடு என்று நினைத்தவாறே தலைவர் கமிஷனரிடம் அழைத்துப்போனார். எப்படியோ தலைவரை எதிர்ப்பார்த்த ஜெனரல் எளிமையாகப் பார்த்ததும் அசந்துபோனார். காமராஜரை வெறுக்கவில்லை.

 மாறாக தலைவரிடம் தனியே இருந்து பல மணி நேரம் பேசினார் ஜெனரல் டெம்ப்ளர் அவர்கள். பேசி முடித்து தலைவரை வழியனுப்ப வந்தவர்களிடம் ஜெனரல் அவர்கள் காமராஜர் அவர்களின் எளிமை மிகவும் பிடித்துப்போனது’ என்று கூறி எளிமையை சிகரத்தில் ஏற்றினார். இன்றோ ஒருநாள் கூத்துக்காக ஒன்பது ஜோடி கோட் சூட் தைத்து ஒரு முறை மட்டுமே மகிழ்கிறார்கள் அரசியல்வாதிகள்.

அதன் பின் ஒரு முறை ரஷ்யா செல்ல வேண்டிய சூழ்நிலை வந்தபோதும், தனக்காகத் தைத்தகோட் சூட்டையே வேண்டாம் என உதறிவிட்டு அதே எளிய உடையுடனே சென்று வந்தார். ரஷ்யா குளிர் அதிகம் உடைய நாடு. இருந்தும் தோளில் ஒரு துண்டைப் போட்டுவிட்டு எப்போதும்போல் எதார்த்தமாக ஒரு வேஷ்டி சட்டையை அணிந்து வெற்றியோடு திரும்பி வந்தார் தலைவர்.

 இந்தப் பயணத்துக்காக தைத்து தலைவர் அணியாத ஆடைதான் அவரது நினைவகத்தில் நினைவுக்காக வைக்கப்பட்டுள்ளது. எங்கும் இவர் அணிந்த ஆடை என்று காட்சிக்கு வைப்பதைதான் பார்த்திருக்கின்றோம்.

 ஆனால் – இது ரஷ்யா செல்ல தொண்டர்களால் தைத்துக் கொடுக்கப்பட்ட ஆடை , இதை தலைவர் அணிய மறுத்துவிட்டார்.’ என்ற செய்தியுடன் அவ்வாடை காட்சியில் வைக்கப்பட்டுள்ளது உலகிலேயே நமது அரசியல் தலைவனின் நினைவிடத்தில் மட்டுந்தான்.

நாடெங்கும் நிலவும் சுற்றுச் சூழல் பாதிப்பு, அதிக ரசாயனங்கள் கலந்த உணவு, மன அழுத்தம், வாழ்க்கை முறை மாற்றம் போன்றவற்றால், இளம் வயதினருக்கு ஆண்மைக் குறைவு ஏற்படுவது அதிகரித்துள்ளதாக, முன்னரே நடத்திய ஓர் ஆய்வில் தெரிய வந்திருந்தது. குறிப்பாக கடந்த 10 ஆண்டுகளாக, 30 முதல் 40 வயதுக்குட்பட்ட இளைஞர்கள், ஆண்மை குறைவால் பாதிக்கப்படுவது அதிகரித்து இருப்பதும், இந்த ஆய்வில் தெரிய வந்துள்ளது.ரசாயனங்கள் மிகுந்த உணவு தானியங்கள் மற்றும் சுற்றுச் சூழல் மாசு காரணமாக, புற்றுநோய் உட்பட, பல்வேறு உடல் உபாதைகள் அதிகரித்து வருவது நிரூபிக்கப்பட்டிருப்பது போல், ஆண்மைக் குறைவு, மலட்டு தன்மைக்கும், இது முக்கிய காரணமாக உள்ளது கண்டு பிடிக்கப்பட்டு இருந்தது.

அத்துடன் அண்மைக் காலமாக நகர்ப்புறங்களில், இளம் வயதிலேயே ஆண்மை குறைவு ஏற்படுவது அதிகரித்து வருகிறது என்றும் வாகனங்கள் பெருகி வருவதால், அவற்றிலிருந்து வெளியேறும், பெட்ரோலிய பொருட்களின் கழிவு, காற்றில் கலந்து சுற்றுச் சூழலை மாசுபடுத்துகிறது. இதனால், ஆண் ஹார்மோனான “டெஸ்டோஸ்டிரான்’ குறைந்து, பெண் ஹார்மோன் “ஈஸ்ட்ரோஜன்’ அதிகரிப்பது கலிபோர்னியா பல்கலைக்கழக ஆய்வில் வெளியான விஷயமே முழுமையாக ஜனங்களுக்கு போய் சேராத நிலையில் ஏடிஎம்., ரசீது காகிதம் , அதில் பயன்படுத்தப்படும் மை ஆண்களின் விறைப்பு தன்மைக்கு ஆபத்தை விளைவிக்கும் என சமீபத்திய ஆய்வு ஒன்றில் தெரியவந்துள்ளது.

முன்னரே குறிப்பிட்டது போல் இன்றைய மெஷின் போன்ற வாழ்க்கை சூழ்நிலையில், மனிதனுக்கு மனநிம்மதி என்பது மிகவும் குறைவாகவே உள்ளது. இந்நிலையில், செக்ஸ் விஷயத்தில் ஆண்கள், பெண்கள் என பல்வேறு புதுபுதுப்பிரச்சனைகளை சந்தித்து வருகின்றனர்.அதில் குறிப்பாக ஆண்கள், 40 வயதுக்கு மேல், செக்ஸில் ஈடுபடும் போது, விறைப்பு தன்மை பிரச்சனையை அதிகளவில் சந்தித்து வருகின்றனர். இதற்கு வயது முதிர்வு, இதயக் கோளாறு, மன அழுத்தம், ஆபாச படங்களுக்கு அடிமையாவது என பல காரணங்கள் கூறப்பட்டாலும், தற்போது வெளியாகியுள்ள காரணம் அதிர்ச்சி அளிக்கும் விதத்தில் உள்ளது.

அதாவது செக்ஸ் விஷயத்துக்கு கொஞ்சம் கூட சம்பந்தம் இல்லாத், ஏடிஎம் மெஷின்களில் ரசீதுகளுக்காக பயன்படுத்தப்படும் காகிதம், மை ஆகிய இரண்டுமே இந்த பிரச்சனையை ஏற்படுத்தும் என ஆய்வில் தெரியவந்துள்ளது. இதே போல, லாட்டரி டிக்கெட்டுகள், சூப்பர் மார்க்கெட்டுகளில் வழங்கப்படும் ரசீதுகளும் இந்த பிரச்சனை ஏற்படுத்தும் என கண்டுபிடிக்கப்பட்டுள்ளது.

இதற்கு அதில் பிஸ்பினால்-ஏ என்ற ரசாயனம் அதிகளவில் காணப்படுவதே காரணம் என கண்டுபிடிக்கப்பட்டுள்ளது. இது ஆண்களின் உடலில் ஆஸ்டிரோஜென் எனும் ஹார்மோனை, அதிகளவில் சுரக்கவைப்பதால், இந்த விறைப்பு பிரச்சனை ஏற்படும் என தெரிவிக்கப்பட்டுள்ளது. இதற்கு ஏடிஎம்.,களில் ரசீதை எடுத்த பின் கைகளை நன்கு சோப்பு போட்டு கையை சுத்தமாக கழுவுவதும், சட்டை அல்லது பேண்ட் பாக்கெட்டுகளுக்கு பதிலால பர்ஸில், அந்த ரசீதுகளை வைப்பது நல்ல தீர்வாக அமையும் என மருத்துவர்கள் தெரிவித்துள்ளனர்.

`பிக் பாஸ்' நிகழ்ச்சியிலிருந்து ஒரு வாரத்துக்கு முன் வெளியேற்றப்பட்டவர் கஞ்சா கருப்பு. சொந்த ஊரில் இருக்கும் இவர், இப்போது என்ன செய்துகொண்டிருக்கிறார் என விசாரித்தேன். செல்லப்பிராணிகளுடன் விளையாட்டு, குடும்பத்தோடு குஷி என செம ஜாலியாக இருக்கும் கஞ்சா கருப்புடன் குட்டி சிட் சாட்!

``எப்படி இருக்கீங்க?”

``ரொம்ப நல்லா இருக்கேன். நான் ஊர்ல இல்லாததுனால என் நாய்க்கு உடம்பு சரியில்லாமப்போயிடுச்சு. இப்போதேன் ஹாஸ்பிட்டலுக்குப் போயிட்டு வந்து உக்காந்திருக்கேன். நிலத்துல வேலை, குடும்பத்தோடு இருக்கிறதுனு நேரமும் சரியா இருக்கு.” 

`` `பிக் பாஸ்' வீட்டைவிட்டு வந்ததுனால கவலையா இருக்கா?”

``அங்கே இருக்கிறவங்களை நினைச்சாதான் ரொம்பக்  கவலையா இருக்கும். `எல்லோரையும் விட்டுட்டு வந்துட்டோமே!'னு அடிக்கடித் தோணும். ”

``சரி, யாரை ரொம்ப மிஸ்பண்றீங்க?”

``சினேகன், காயத்ரினு எல்லோரையும் மிஸ்பண்றேன். குறிப்பா, நமீதாவை ரொம்ப மிஸ்பண்றேன். ஏன்னா, அவங்க நேர்மையான பொண்ணு. எதுன்னாலும் நேரடியா சொல்வாங்க. `ரூல்னா அதுக்கேத்த மாதிரிதான் நடந்துக்கணும்'னு சொல்வாங்க.  வீட்டுல எது நல்லா இருக்கோ, இல்லையோ பாத்ரூமை ரொம்ப சுத்தமா வெச்சிருப்பாங்க.  ஒருகாலத்துல மகாத்மா காந்தியே பாத்ரூம் கழுவிட்டு இருந்திருக்கார். அவருக்கு மனநிலை சரியில்லாமப்போயிடுச்சோனு பலரும் நினைச்சிருக்காங்க. அப்போ, `கழிவறையைச் சுத்தமா வெச்சுக்கிட்டாத்தான் நமக்கு எந்த வியாதியும் வராது’னு சொல்லியிருக்கார் மகாத்மா. அதுமாதிரி நமீதாவிடம் பிடிச்சது நேர்மையும், சுத்தமும்தான். இந்த `பிக் பாஸ்' முடிஞ்சதும் காயத்ரி மாஸ்டர், சினேகன், வையாபுரி, சக்தி, ஆர்த்தி, கணேஷ், ஆரவ் எல்லோரையும் எங்க ஊருக்குக் கூட்டிட்டுப்போய் கிடா வெட்டி விருந்து குடுக்கலாம்னு இருக்கேன். ஆனா ஒரு கண்டிஷன். கிடாயை அறுத்துச் சுத்தப்படுத்திக் குடுத்துடுவோம். அவங்கதான் சமைக்கணும். `பிக் பாஸ்' டீம் சமைக்க, நமீதா சாப்பாடு பரிமாறணும். 11 கிடாயை வெட்டி, ஏழைகளுக்குச் சாப்பாடு  போடணும். அதான் என் ஆசை.  ஏன்னா, பணம் எவ்வளவு கொடுத்தாலும் பத்தாதுனுதான் சொல்வாங்க. ஆனா, சாப்பாடு போட்டா வயிறு நிறைஞ்சு `போதும்'னுதான் சொல்வாங்க. இந்த 100 நாள் முடியட்டும், பெரிய நிகழ்ச்சியா நடத்திருவோம்.” 

`` `பிக் பாஸ்' டைட்டில் யார் ஜெயிப்பானு நினைக்கிறீங்க?”

``ஜூலிதான் ஜெயிப்பா. பெரிய  நாடகக்காரி ஜூலி. சிவாஜி, எம்.ஜி.ஆர்., கமல் எல்லோரையும் பார்த்திருக்கேன். ஆனா, ஜூலி மாதிரி ஒரு நடிகையை நான் பார்த்ததே இல்லை. இருக்கிறவங்களை எல்லோரையும் முட்டாளாக்கி, வெளியே அனுப்பிட்டு, மொத்தப் பரிசையும் தட்டுறதுக்கு வந்திருக்கா ஜூலி”. 

`ஆர்த்திக்கும் ஜூலிக்கும் அடிக்கடி சண்டை வர, யார் காரணம்?”

``ஆர்த்தி எத்தனை படங்கள் நடிச்சிருக்காங்க. ரொம்ப சீனியர் நடிகையும்கூட. மனோரமா ஆச்சி, கோவை சரளா வரிசையில் ஆர்த்திதான். நடிப்பில் எந்தக் குறையும் சொல்ல முடியாது. அவங்களைத் தரக்குறைவா பேசினது தப்பா... தப்பில்லையா? ஆனா, இது மக்களுக்குத் தெரியுதா... தெரியலையான்னு தெரியலையே.”

``உங்களுக்கு ஓட்டு குறைவா விழக் காரணம் என்னவா இருக்கும்?”

``நான் மக்களுக்காக, மக்கள் எனக்காகனு இருந்தேன். ஆனா, வெறும் 15 ஆயிரம் ஓட்டுதானே விழுந்திருக்கு. `பிக் பாஸ்' நிகழ்ச்சியில் வேலை பார்க்கிறவங்களே அவங்க விருப்பப்படி ஓட்டு போட்டுக்கிறாங்களோனு சந்தேகமா இருக்கு.  மறுபடியும், `பிக் பாஸ்' நிகழ்ச்சிக்குக் கூட்டிட்டுப்போனால், நான் போடுற கண்டிஷனுக்கு பிக் பாஸ் கேட்குமா? முழுக்க முழுக்கக் கெட்டவிஷயத்தை மட்டுமே ஒளிபரப்பிட்டிருக்காங்க. நல்ல விஷயங்களையும் போடுங்கனு பிக் பாஸிடம் சொல்வேன்.” 

``அடுத்து படம் ஏதும் நடிக்கிறீங்களா? ”

`` `வெண்ணிலா கபடிக்குழு-2’, ‘சந்தனத்தேவன்’ அப்புறம் இன்னொரு படம். இன்னும் பேர் வெக்கலை. இந்த மூணு படங்களும் நடிச்சுட்டிருக்கேன். சொந்த விஷயமா ஊருக்கு வந்திருக்கேன். சீக்கிரமே சென்னைக்கு வரணும்.”

சென்னை மாகாணமாக இருந்துவந்த மெட்ராஸ் ஸ்டேட் எனும் பெயர் 'தமிழ்நாடு' என பெயர் மாற்றம் செய்யப்பட்டு இன்றுடன் 50 ஆண்டுகள் ஆன பின்பும்கூட, இப்போதும் தமிழ்மொழியைப் பாதுகாக்கப் போராடும் சூழ்நிலையே தொடர்ந்து இருந்து வருகிறது. மொழிவாரியாக மாநிலங்கள் பிரிக்கப்பட்ட பின்னரும்கூட 'மெட்ராஸ் ஸ்டேட்' என அழைக்கப்பட்டு வந்த நிலையை மாற்றி, தமிழ்நாடு என பெயர் வைக்கக்கோரி காங்கிரஸ் கட்சியைச் சேர்ந்த தியாகி சங்கரலிங்கனார், 76 நாட்கள் உண்ணாவிரதம் இருந்து தனது இன்னுயிரைத் துறந்தார். இதன் பின்னரும்கூட தமிழுக்காக இறங்கிவர மறுத்த அப்போதைய காங்கிரஸ் அரசு, தமிழில் மட்டும் 'சென்னை மாகாணம்' என்பதற்கு பதிலாக தமிழ்நாடு என எழுதிக்கொள்ளலாம் என அறிவித்தது. இதனால் ஆங்கிலத்தில் 'மெட்ராஸ் ஸ்டேட்' என்றே குறிப்பிடப்பட்டு வந்தது. இவ்வாறு ஒரே மாநிலத்திற்கு இரண்டு பெயர்வைத்து அழைத்து வந்ததை முடிவுக்குக் கொண்டுவந்த தினம் இன்று...

1967-ல் தமிழகத்தில் பேரறிஞர் அண்ணா தலைமையில் ஆட்சிப்பொறுப்பை ஏற்ற தி.மு.க அரசு, சட்டசபையில் தமிழ்நாடு என்று பெயர்மாற்றம் செய்வதற்கான தீர்மானத்தை நிறைவேற்றியது. அப்போதைய சபாநாயகர் சி.பா. ஆதித்தனார் தலைமையில் 1967 ஜூலை 18-ல் நடைபெற்ற சட்டமன்றக் கூட்டத்தில் முதல்வர் அண்ணா, 'தமிழ்நாடு' என பெயர் சூட்டுவதற்கான அரசியல் சட்டத்திருத்தத்திற்கான தீர்மானத்தைக் கொண்டுவந்தார். இதற்கு அனைத்துக் கட்சியினரும் ஆதரவு தெரிவித்தனர்.

இந்திய கம்யூனிஸ்ட் கட்சியின் பாலசுப்பிரமணியம், "இனி நாம் எங்கு சென்றாலும் மற்றவர்கள் நம்மை தமிழன் என்றே அழைக்க வேண்டும். மதராஸி என அழைக்கக் கூடாது" என்றார். தமிழரசு கழகத் தலைவர் ம.பொ.சி, "இந்தத் தீர்மானத்தை உணர்ச்சிப்பூர்வமாக, உயிர்ப்பூர்வமாக ஆதரிக்கிறேன். தி.மு.க ஆட்சியில்தான் இது நிறைவேற வேண்டும் என்பது கடவுள் செயலாக இருக்கலாம். பாரதிக்கு தாய் நாடாக, தந்தை நாடாக, செந்தமிழ் நாடாக விளங்கி மூன்றாயிரம் ஆண்டுகளாக புகழ்பெற்ற பெயரைத்தான் நாம் வைக்கிறோம். அதை எதிர்க்கவும் மனம் வந்தால் நம் மனம் கொதிக்காதா? முதல்வர் இந்தத் தீர்மானத்தை படித்து முடித்தபோது, அவரை கட்டித்தழுவ வேண்டும் என உணர்ச்சி மேலிட்டது. அதனை அடக்கிக் கொண்டேன்" என்றார்.

விவாதத்துக்குப் பின்னர் பதிலளித்துப் பேசிய அப்போதைய முதல்வர் அண்ணா, "இந்தநாள் ஒவ்வொரு சட்டமன்ற உறுப்பினரின் வாழ்விலும் எழுச்சியும், மகிழ்ச்சியும் கொள்ள வேண்டியநாள். நீண்ட நாட்களுக்கு முன்னரே வந்திருக்க வேண்டிய இந்தத் தீர்மானம் காலம்தாழ்த்தி வந்தாலும் அனைவரின் பேராதரவுடன் வந்துள்ளது. இதனை இந்தசபையில் நிறைவேற்றி, இந்தியப் பேரரசுக்கு அனுப்ப வேண்டும். இதுகுறித்து மத்திய மந்திரிகளுடன் பேசியபோது 'தமிழ்நாடு' என்ற பெயரை சட்டமன்றத்தில் நிறைவேற்றி அனுப்பினால் அதற்கு ஏற்ப இந்திய அரசியல் சட்டத்தைத் திருத்துவதில் தடைஏதும் இல்லை என்றனர்.

நாடாளுமன்றத்தில் 'மெட்ராஸ் ஸ்டேட்' என பேசிவந்த மத்திய அமைச்சர் சவான், தற்போது மிக கவனத்துடனும், சிரமத்துடனும் 'டமில் சங்கரலிங்கனார்நாட்' என பேசினார். ஆகவே அரசியல் சட்டத்தைத் திருத்த நல்லவாய்ப்பு கிடைத்துள்ளது. இந்தத்தீர்மானம் எதிர்ப்பு ஏதும் இன்றி நிறைவேறினால் அது ஒரு கட்சியின் வெற்றி அல்ல. தமிழின் வெற்றி, தமிழரின் வெற்றி, தமிழர் வரலாற்றின் வெற்றி, தமிழ்நாட்டின் வெற்றி. இந்த வெற்றியில் அனைவரும் பங்குகொள்ள வேண்டும். தமிழ்நாடு என பெயர் மாற்றம் செய்வதாலேயே தனிநாடு ஆகவில்லை. இந்திய பேரரசின் ஒரு பகுதியாகவே நம் மாநிலம் இருக்கும். அதனால், சர்வதேச சிக்கல்கள் எழாது. சங்கரலிங்கனாரது எண்ணங்கள் ஈடேறும்நிலை இன்று ஏற்பட்டிருப்பது நம் வாழ்நாள் முழுவதும் பெருமை தருவதாகும். இந்தப் பெயர் மாற்றத்திற்கு பேராதரவு அளித்ததற்காக, எதிர்கால சந்ததியினர் நம்மை வாழ்த்துவார்கள். அந்த நல்ல நிலையை எண்ணிப்பார்த்தால் எதிர்க்கட்சி தலைவர் ஆலோசனை சொல்லாமல் இதற்குப் பேராதரவு அளிப்பார் என்று நம்புகிறேன்" என்றார்.

இதனைத்தொடர்ந்து சட்டசபையில் தீர்மானம் வாக்கெடுப்புக்கு விடப்பட்டு ஒருமனதாக நிறைவேற்றப்பட்டது. தீர்மானம் நிறைவேறியதாக அறிவிக்கப்பட்டதும் மண்டபம் அதிரும் வண்ணம் உறுப்பினர்கள் கைதட்டி ஆரவாரம் செய்தனர். இதனைத் தொடர்ந்து எழுந்த முதல்வர் அண்ணா, "தமிழ்நாடு என்ற பெயர் மாற்ற தீர்மானம் நிறைவேறிய வரலாற்றுச்சிறப்பு மிக்க இந்த நன்னாளில், 'தமிழ்நாடு வாழ்க' என்று நாம் வாழ்த்துவோம்" என்று கூறி, "தமிழ்நாடு" என மூன்றுமுறை குரல்எழுப்ப, உறுப்பினர்கள் அனைவரும் "வாழ்க" என குரல்எழுப்பி, சட்டசபையே உணர்ச்சிமயமாகக் காட்சி அளித்தது.

அன்று எழுந்த உணர்ச்சியின் வேகம்தான் 50 ஆண்டுகள் கடந்தும், இன்றும் தமிழுக்காக தமிழர்கள் அனைவரையும் துடிக்க வைத்துக் கொண்டிருக்கிறது.

சூப்பர் ஸ்டார் நடிப்பில் மெகா ஹிட் ஆன படம் பில்லா. இப்படத்தை 2007-ம் ஆண்டு அஜித் ரீமேக் செய்து வெளியிட்டார்.

அஜித்தின் பில்லா படத்திற்கு கிடைத்த வரவேற்பை நாங்கள் சொல்லி தெரியவேண்டியது இல்லை.

அஜித்தின் திரைப்பயணத்தையே இப்படம் மாற்றி அமைத்தது, இந்நிலையில் இப்படத்தை மூன்றாவது முறையாக சிம்பு ரீமேக் செய்யவுள்ளதாக கிசுகிசுக்கப்படுகின்றது.

இப்படத்தை ஏற்கனவே வெங்கட் பிரபு நான் இயக்குகிறேன் என்று டுவிட்டரில் சிம்புவிடம் கூறினார்.

அதனால், பெரும்பாலும் அவர் இயக்கலாம், இல்லையென்றால் சிம்புவே இயக்க ரெடியாகலாம் என கூறப்படுகின்றது.

ரோம்-காம், மியூசிக்கல், அட்வெஞ்சர் டிராமா எனக் கலவையான ஒரு ஜானரில் பயணிக்கிறது `ஜக்கா ஜசூஸ்' படம். சென்ற வருடம் ஹாலிவுட்டில் வெளியான `மோனா' படம் பார்த்திருக்கிறீர்களா? அதில் பெரும்பாலான வசனங்கள் பாடல்களாகவே இருக்கும். அதுபோன்ற ஒரு வகையில் அட்வெஞ்சர் படம் இருந்தால்..?

வளர்ப்புத் தந்தை பக்சி (சாஸ்வதா சடர்ஜி) உதவியுடன் போர்டிங் ஸ்கூலில் படிக்கிறான் ஜக்கா (ரன்பீர் கபூர்). அவனின் தந்தை வேலைக்காக வெளிநாட்டுக்குச் சென்றாலும், ஜக்காவின் பிறந்த நாளன்று ஒரு வி.சி.ஆர் டேப் மூலம் பிறந்த நாள் வாழ்த்து அனுப்புவார். ரன்பீருக்கு சிறுவயதிலிருந்தே துப்பறியும் வேலைகளில் ஆர்வம் அதிகம். பள்ளியின் அருகில் நடக்கும் மர்மமான மரணம், `கொலையா... தற்கொலையா...' எனக் கண்டுபிடித்துச் சொல்லும் அளவுக்குக் கில்லாடி. பிறகு, ஸ்ருதி (கத்ரீனா கைஃப்) என்கிற பத்திரிகையாளருடன் இணைந்து, ஊரில் தொடர்ந்து நிகழும் மர்மமான மரணங்களைப் பற்றிக் கண்டுபிடிக்கிறார். வழக்கமாக, தன் பிறந்த நாளுக்கு வந்துவிடும் அப்பாவின் வி.சி.ஆர் டேப் வரவில்லை. பிறகுதான் அவர் இறந்துவிட்டதாகச் செய்தி வருகிறது. தந்தையின் மரணத்தை விசாரிக்க, ரன்பீர் கிளம்பும் பயணத்தில் கத்ரீனாவும் சேர்ந்துகொள்கிறார். அந்தப் பயணத்தில், உலகளவில் நடக்கும் சட்டத்துக்குப் புறம்பான ஆயுதக் கடத்தல் பற்றி தெரியவருகிறது. ஒரு பக்கம் அப்பாவைத் தேடி, இன்னொரு பக்கம் ஆயுதக் கும்பல் துரத்த என ஓட ஆரம்பிக்கிறார்கள் ரன்பீரும் கத்ரீனாவும்.

ரொமான்டிக் மியூசிக்கல் பார்த்துப் பழகியிருப்போம். சமீபத்தில் வந்த `பேபி டிரைவர்' படத்தில் மியூசிக்கல் ஆக்‌ஷன்கூட பார்த்தோம். இந்த முறை மியூசிக்கல் அட்வெஞ்சர். ஜக்காவுக்குத் திக்குவாய் பிரச்னை உண்டு. எனவே, மற்றவர்களிடம் சொல்ல நினைப்பதைப் பாட்டாகவே பாடிவிடுவார். அதையே கதை சொல்லும் கருவியாக எடுத்து, படத்தை நகர்த்துகிறார் இயக்குநர் அனுராக் பாசு. அமிதாப் பட்டாச்சார்யாவின் ரைமிங் வசனப் பாடல்கள் அமைந்திருந்தவிதமும் பாராட்டப்படவேண்டியது. அதற்குப் பக்காவாக அமைந்திருக்கும் ப்ரீத்தம் இசையும் கவர்கிறது. இந்த முறையில் ஒரு கதை சொல்லல், கூடவே ரவிவர்மனின் வசீகரமான ஒளிப்பதிவு படத்தை ரசிக்கவைக்கிறது. நிறைய சோர்வையும் தருகிறது.

ரன்பீரின் நடிப்பைப் பொறுத்தவரை `குறை' என ஒன்றுமில்லை. அவருக்கும் இந்த ரோல் கஷ்டமானதும் இல்லை. `டுட்டி ஃபுட்டி' என்பதைத் திக்கித் திணறியபடி `ட்ட்ட்ட்ட்ட்ட்ட்ட்ட்டு' எனச் சொல்வதும், பேசுவதற்கு வசதியாக ஒரு தாளத்தைப் பிடித்துக்கொண்டு பாட்டாகப் பாடும்போது காட்டும் ரியாக்‌ஷன்களும் என க்ளாப்ஸ் அள்ளுகிறார். `ராக்ஸ்டார்', `பர்ஃபி'-யில் நடித்ததில் பாதி நடித்தாலே போதும் என சர்வசாதாரணமாக நடித்துவிட்டுப்போகிறார். ஹீரோயின் ரோல் என்பதைவிட, டிடெக்டிவ் டைப் கதைகளில் டிடெக்டிவுக்கு என அசிஸ்டென்ட் இருப்பார். அதுபோன்ற ரோல்தான் கத்ரீனாவுக்கு. ரன்பீருடன் போகிறார், வருகிறார், ஓடுகிறார், தாவுகிறார், ரன்பீர் திக்கும்போது, என்ன என மற்றவர்களுக்கு விளக்குகிறார். படம் முடிந்ததும் நன்றி வணக்கம் சொல்கிறார். ரன்பீரின் வளர்ப்புத் தந்தையாக வரும் சாஸ்வதா சடர்ஜி, ரன்பீரைத் துரத்தும் சௌரப் சுக்ளா என, சில கதாபாத்திரங்கள் மட்டும் நினைவில் நிற்கின்றன.

ரன்பீரின் திக்குத் திக்கு பெர்ஃபாமன்ஸ், பாடல்களால் கதை நகர்த்துவது இவை தவிர, புதிதாக, சுவாரஸ்யமாக எதுவும் இல்லாததால் படம் பார்த்துக்கொண்டிருக்கும் உற்சாகமே குறைந்துவிடுகிறது. மொத்த கதையும் ரன்பீரின் சிறு வயது, பள்ளிக் காலம், அப்பாவைத் தேடும் பயணம் என மூன்று பகுதிகளாகப் பிரித்து அதற்கு அமைக்கப்பட்டிருந்த திரைக்கதை நல்ல ஐடியா.  `டின் டின்' காமிக்ஸ்போல வரிசையாக நடக்கும் சாகசங்களும் துப்பறியும் காட்சிகளுமாக விரிகிறது படம். ஆனால், பளிச் என நம்மை ஆச்சர்யப்படவைக்கும் ஒரு சம்பவமும் நடக்காமல், `ஓ பாட்டாவே பாடிட்டியா..!' எனப் பாடல்களால் நகர்த்தப்படும் காட்சிகளாக மட்டுமே இருப்பது பெரிய மைனஸ்.

வலுவான திருப்பங்களுடன் இன்னும் சுவாரஸ்யமான பயணத்தைக் கொடுத்திருந்தால், பக்கா ஹிட்டடித்திருப்பான் `ஜக்கா'.

கடைகளில் நாம் நம்பி வாங்கும் உணவுப் பொருள்களில் நம் கண்ணால் கண்டுபிடிக்க முடியாத படி பலவகையான கலப்படங்கள்  சேர்க்கப்படுகிறது.. இது தெரியாமல் அதை  காசு கொடுத்து வாங்கி உண்டு நம் உடல் நலத்தை கெடுத்துக் கொள்கிறோம். தவறான வழியில் காசு சம்பாதிக்க  மக்கள் உயிரோடு விளையாடும் இந்த கயவர்கள் எப்படியெல்லாம் உண்ணும் உணவில் தரமற்ற ஆபத்தான பொருட்களை கலக்கிறார்கள்? அதை எப்படி கண்டு பிடிப்பது?

                                                     இதோ பட்டியல்

         பெருங்காயத்தில்  பிசின் அல்லது கோந்துகளுக்கு மணம் சேர்த்து கலப்படம் செய்கிறார்கள். சுத்தமான பெருங்காயத்தை நீரில் கரைத்தால் பால் போன்ற கரைசல் கிடைக்கும்.கலப்படமற்ற  பெருங்காயத்தை எரியச் செய்தால் மிகுந்த ஒளியுடன் எரியும்.


        சர்க்கரையில் சுண்ணாம்புத் தூள் சேர்க்கிறார்கள். சிறிது சர்க்கரை எடுத்து ஒரு கிளாஸ் நீரில் கரைத்தால் அதில் சுண்ணாம்பு இருந்தால் கிளாசின் அடிப் பகுதியில் படியும்.


        ஏலக்காயில் அதன் எண்ணெயை நீக்கி விட்டு முகப்பவுடர் சேர்க்கிறார்கள்  இதை கையால் தடவிப்பார்த்தால் முகப்பவுடர் கையில் ஓட்டிக்கொள்ளும். இந்த ஏலக்காயில் மணமிருக்காது.


        மஞ்சள் தூளில்,பருப்பு வகைகளில்  மெட்டானில் (Metanil) மஞ்சள் என்ற ரசாயனம் கலக்கிறாகள். அடர் ஹைட்ரோ குளோரிக் அமிலத்தில் இந்த மஞ்சளை சிறிது கலந்தால் மஞ்சள் மஜெந்தா நிறமாகி விடும்.


       மிளகாய் தூளில் மரப்பொடி ,செங்கல் பொடி,Rodamine Culture மற்றும் சிவப்பு வண்ணப்பொடி கலக்கிறார்கள். நீரில் கரைத்து சோதித்தால் மரத்தூள் மிதக்கும் வண்ணப் பொடி தண்ணீரில் நிறமுண்டாக்கும்.செங்கல் பொடி மிளாய் பொடியை விட சீக்கிரம் கிளாசின் அடியில் போய் செட்டில் ஆகிவிடும். 2 கிராம் மிளாய் பொடியில் 5 ml  acetone சேர்த்தால் உடனடி சிவப்பு நிறம் தோன்றினால் Rodamine Culture கலப்படத்தை உறுதி செய்யலாம்.


      காபித் தூளில் சிக்கரி கலக்கிறார்கள்.குளிர்ந்த நீரில் கலந்து குலுக்கினால் காபித்தூள் மிதக்கும் சிக்கரி கீழே படிந்து விடும்.


      கொத்துமல்லி தூளில் குதிரைச்சாணத்தூள் கலக்கிறார்கள். நீரில் கரைத்தால் குதிரைச் சாணத்தூள் மிதக்கும்.


       கிராம்பில் அதன் எண்னெயை எடுத்து விட்டிருப்பார்கள். எண்ணை நீக்கப்பட்ட கிராம்பு சுருங்கி இருக்கும்.


      சீரகத்தில் புல்விதை நிலக்கரிதூள் கொண்டு வண்ணம் ஊட்டப் பட்டிருக்கும். கைகளில் வைத்து தேய்த்தால் விரல்களில் கருமை படியும்.


      நெய்யில் மசித்த உருளக்கிழங்கு,  வனஸ்பதி சேர்த்திருப்பார்கள். 10-மி.லி.ஹைட்றோ குளோரிக் அமிலத்துடன் 10-மி.லி உருக்கிய நெய் கலந்து அதோடு ஒரு மேசைக்கரண்டி சர்க்கரையை கரைத்து ஒரு நிமிடம் நன்றாக குலுக்கவும் வனஸ்பதி கலந்திருந்தால் பத்து நிமிடங்களுக்கு பின் சிவப்பு நிறமாக மாறும்.


       வெல்லத்தில் மெட்டானில் (Metanil) மஞ்சள் என்ற ரசாயனம் கலக்கிறார்கள்.அடர் ஹைட்ரோ குளோரிக் அமிலத்தில் இந்த மஞ்சளை சிறிது கலந்தால் மஞ்சள் மஜெந்தா நிறமாகி விடும்.


       ரவையில் இரும்புத் தூள் கலக்கிறார்கள் காந்தத்தை அருகே காட்டினால் இரும்புத்தூள் ஒட்டிக்கொள்ளும்.


       பாக்குத்தூளில் மரத்தூள் மற்றும் கலர் பொடி சேர்க்கிறார்கள் நீரில் கரைத்தால் தண்ணீரில் வண்ணம் கரையும்.


       பாலில்,நெய்யில்  மசித்த உருளக்கிழங்கு அல்லது பிற மாவுகள் கலக்கிறார்கள். கலப்பட பாலில் ஒரு சொட்டு டிஞ்சர் அயோடின் சேர்த்தால் மர வண்ண டிஞ்சர் நீல வண்ணம் ஆகும்.         பாலில் யூரியா கலப்படம் செய்திருந்தால் 5 ml பாலில்இரண்டு துளி bromothymol blue சொலுசன் கலந்து பத்து நிமிடம் கழித்து நீலநிறமானால் யூரியாகலந்திருப்பதை உறுதி செய்யலாம்        பாலில் தண்ணீர் சேர்த்திருந்தால் ஒரு துளி பாலை வழ வழப்பான  செங்குத்து தளத்தில் வழிய விட்டால் தூய பால் வெள்ளை கோட்டிட்டது போல் வழியும்  கலப்பட பால்  எந்த அடையாளமும் ஏற்படுத்தாது  உடனடி வழிந்து விடும். டிடெர்ஜென்ட் பவுடர் எண்னெய் எல்லாம் சேர்த்து பால் போன்ற செயற்கை பாலையும் உருவாக்கி விடுகிறார்கள்.


       தேயிலைத்தூளில் பயன்படுத்திய பின் உலத்திய தூள் செயற்கை வண்னமூட்டிய தூள் கலக்கிறார்கள். ஈர, வெள்ளை பில்டர் தாளில் தேயிலைத் தூளை பரப்பினால் மஞ்சள், சிவப்பு, பிங்க் புள்ளிகள் உண்டானால் அதில் கலர் சேர்த்திருக்கிறார்கள்.இரும்புத்தூள் சேர்த்திருந்தால் காந்தம் மூலம் கண்டுபிடிக்கலாம்.


       சமையல் எண்ணெயில் ஆர்ஜிமோன் எண்ணெய் கலக்கிறார்கள். எண்ணெயுடன் ஹைட்ரோ குளோரிக் ஆசிட் சேர்த்து சிறிது சிறிதாக  ஃபெர்ரிக் க்ளோரைடு கலவையில் கலந்தால் எண்ணெயில் ஆர்ஜிமோன் கலப்படமிருந்தால் அரக்கு வண்ண படிவு உண்டாகும்.


      குங்குமப்பூவில் நிறம் மற்றும் மணம் ஏற்றப்பட்ட உலர்ந்த சோள நார்கள் கலக்கிறார்கள்.தூய குங்குமப்பூ எளிதில் முறியாது கடினமாக இருக்கும். கலப்பட நார் எளிதில் முறிந்து விடும்.


      ஜவ்வரிசியில் மணல் மற்றும் டால்கம் பவுடர் சேர்கிறார்கள். வாயிலிட்டு மென்றால் கல் நற நறவென்றிருக்கும். தண்ணீரில் வேக வைக்கும் போது தூய ஜவ்வரிசி பருத்து பெரிதாகும்.


      நல்ல மிளகில் உலர்த்தப்பட்ட பப்பாளி விதைகள், கருப்பு கற்கள் சேர்க்கிறார்கள். முட்டை வடிவ கரும்பச்சை பப்பாளி விதைகள் சுவையற்றவை.


      தேங்காய் எண்ணெயில் பிற எண்ணெய்கள் கலக்கிறார்கள். தேங்காய் எண்ணெயை ஃபிரிட்ஜில் வைத்தால் உறையும் ஆனால் கலந்த .பிற எண்ணெய் உறையாது தனித்து இருக்கும்.


     "கம்பு "வில் பூஞ்சைகள் கலக்கிறார்கள். உப்பு நீரில் பூஞ்சைகள் மிதக்கும்.


       இலவங்கப்பட்டையுடன் (தால்சினி)  தரங்குறைந்த கருவாய் பட்டை (கேசியா) வில் வண்ணம் சேர்த்து கலக்கிறார்கள். சேர்க்கப்பட்ட வண்ணம் நீரில் கரையும்.


      சாதாரண உப்பில் வெள்ளைக் கல் தூள், சுண்ணாம்பு கலக்கிறார்கள் உப்பை தண்ணீரில் கரைத்தால் சுண்ணாம்பு கலப்படம் இருந்தால் தண்ணீர் வெள்ளை நிறமாகும்.தூய உப்பு நிறமற்று இருக்கும்.


       தேனில் சர்க்கரை பாகு கலப்படம் செய்கிறார்கள்.தூய தேனில் நனைத்த பஞ்சுத்திரியை தீயில் காட்டினால் எரியும் கலப்பட தேனில் எரியாது வெடி ஒலி உண்டாகும்.


        கடலை எண்ணெயில் பருத்திக்கொட்டை எண்ணெய்  கலக்கிறார்கள் .2.5 மி.லி ஹால்பென் கரைசல் சேர்த்து லேசாக மூடி பொருத்தி கொதிநீரில் 30 நிமிடம் சூடு படுத்தினா கலப்படமிருந்தால் ரோஸ்  நிறமுண்டாகும்.

.
      ஐஸ் கிரீமில்  வாஷிங் பவுடர் கலக்கிறார்கள். சில துளி எலுமிச்சை சாறு அதில் விட்டால் குமிழ்கள் ஏற்பட்டால் இதை உறுதி செய்யலாம்.


    முட்டை யில்  டீ டிக்காசன் மூலம் சாயம் ஏற்றி நாட்டு கோழி முட்டியாக விற்கிறார்கள்.


   மாத்திரைகள் மருந்து பொருட்களில் போலி மருந்துகள் நிறைய புழக்கத்தில் உள்ளது நீங்கள் வாங்கும் மருத்தினை http://verifymymedicine.com/
என்ற தளத்தில் சென்று ஒரிஜினல் தானா ,காலாவதியானதா என சோதிக்கலாம்.

      விழிப்புணர்வு மூலம் மட்டும் தான் இந்த தீமையை வேருடன் ஒழிக்க முடியும்.

பிக்பாஸ் நிகழ்ச்சியின் மோகம் பலரது கண்களை கட்டி இழுத்துள்ளது. பாலிவுட்டில் தொடங்கி கோலிவுட், டோலிவுட் என விரிவடைந்துள்ளது. தெலுங்கில் நடிகர் ஜூனியர் என்.டி.ஆர் தொகுத்து வழங்கும் நிகழ்ச்சி நேற்று முதல் ஆரம்பமானது.

சமீபத்தில் தெலுங்கு நடிகர் ரவி தேஜாவின் தம்பி பரத் விபத்தில் அகால மரணமடைந்தார். பிக்பாஸ் நிகழ்ச்சியில் கலந்துகொள்ள எனது மகன் பரத் தேர்வாகியிருந்தான். ஆனால் அதற்குள் இறந்துவிட்டான் என அவரது அம்மா பேட்டியில் கூறியுள்ளார்.

விசயம் என்னவெனில் நடிகர் ரவிதேஜாவின் மீது போதை பொருள் கடத்தல் என குற்றம் சாட்டப்பட்டுள்ளது. இதனால் அவரின் அம்மா ராஜலட்சுமி என் மகனுக்கு சிகரெட் பிடிக்கும் பழக்கம் கூட இல்லை என முதன் முறையாக கண்ணீருடன் பேட்டியளித்துள்ளார்.

 பிக்பாஸ் பிரச்சனை இன்னும் என்னென்ன சர்ச்சைகளை கொண்டு வருமோ தெரியவில்லை. இந்நிலையில் நேற்று பரணி பேசியது பலராலும் வரவேற்கப்பட்டது.

இதில் நான் ஹீரோவாக நடிக்கும் படத்தில் கஞ்சா கருப்பு அண்ணனை காமெடியனாக போடச்சொன்னேன் என பரணி கூறினார்.

இதுக்குறித்து கருப்பு பேசுகையில் ‘பரணி வாய்ப்பு கொடுத்து நான் நடிக்கிற மாதிரி ஒரு தருணம் வந்தால் தூக்கு போட்டு தொங்கிடுவேன்.

ஒரு சீனியர் நடிகரை எவ்வளவு கேவலப்படுத்த முடியுமோ, அவ்வளவு கேவலப்படுத்தி விட்டார்’ என கோபமாக பதில் அளித்துள்ளார்.

மொபைலில் சினிமா பார்க்கும் காலம் கரையேறி, மொபைலிலேயே சினிமா எடுக்கும் அளவுக்கு வளர்ந்த ஹை-டெக் சூழல் இது. குறும்படமோ, ஆவணப்படமோ, திரைப்படமோ... காட்சி மொழியில் அசத்த உதவும் சில ஆண்ட்ராய்டு ஆப்ஸ் இதோ!

ஒளிப்பதிவு:

காட்சியை கேமராவில் பதிவாக்கும் அழகியலுக்கான மெனக்கெடலில் சிரமங்களைக் குறைக்கும் `டி.எஸ்.எல்.ஆர்.கன்ட்ரோலர்' போன்ற மொபைல் அப்ளிகேஷன்கள் ஆண்ட்ராய்டில் இருக்கின்றன. கேபிள் உதவியோடு டி.எஸ்.எல்.ஆர் கேமராவை இந்த ஆண்ட்ராய்டு அப்ளிகேஷன் மூலம் இணைத்தால், உங்கள் மொபைல் மூலமாகவே கேமராவை இயக்கலாம். ஒளிப்பதிவாளரின் க்ரியேட்டிவிட்டியை அதிகரிக்கச் செய்வதோடு, கேமராவைக் கையாள்வதில் இருக்கும் சிரமமும் கொஞ்சம் குறையும். இதற்கு கம்ப்யூட்டர், லேப்டாப் தேவையில்லை. கையடக்க மொபைல் போதும்.

எத்தனையோ இயக்குநர்கள் `சூரிய உதயத்தைப் படமாக்கக் காத்திருந்தோம்', 'சூரியன் மறைவதை எடுக்கக் கால் கடுக்க நின்றுகொண்டிருந்தோம்' எனப் பேசியிருக்கிறார்கள். காத்திருப்புகள் தேவையில்லை என்பதற்குதான், `கோல்டன் ஹவர்' என்ற அப்ளிகேஷன். சூரிய உதயம் அல்லது மறைவைப் படமாக்க இந்த அப்ளிகேஷனின் உதவி போதும். ஏனெனில், சூரிய உதயமோ அல்லது மறைவோ... `இந்த நேரத்தில் தொடங்கி இந்த நேரத்தில் முடியும்' என்ற அறிவிப்பை இந்த அப்ளிகேஷன் கொடுத்துவிடும். தவிர, இயற்கையான லைட்டிங்கில் படமாக்க விரும்பும் படைப்பாளிகளுக்கு இந்த அப்ளிகேஷன் `லைட்டிங்' அமைப்பதில் பல வகைகளில் உதவி செய்யும். தவிர, சூரிய உதயத்துக்காகக் காத்திருக்கும் நேரத்தில் படப்பிடிப்பின் பிற பணிகளைக் கவனித்து நேரத்தை மிச்சப்படுத்திக்கொள்ளலாம்.

எடிட்டிங்

ஆண்ட்ராய்டில் வீடியோ எடிட்டிங்குக்கான அப்ளிகேஷன்கள் அதிகம் இருந்தாலும், சிறந்த வீடியோ எடிட்டிங் அப்ளிகேஷன் `பவர் டைரக்டர்'. வீடியோ எடிட்டிங்குக்கு இந்த மொபைல் அப்ளிகேஷனே பரவலாகப் பயன்படுத்தப்பட்டுவருகிறது. வீடியோவை கட் செய்வது, இணைப்பது, வாய்ஸ் மிக்ஸிங்... எனப் பல வேலைகளை இந்த எடிட்டிங் அப்ளிகேஷனில் எளிதாகச் செய்யலாம். தவிர, ஸ்லைடு ஷோ, அனிமேஷன்களை உருவாக்கிக்கொள்ளும் வசதிகளும் இதில் இருக்கின்றன.

க்ளாப் போர்டு

வேறென்ன? ரோலிங்... ஆக்‌ஷன் சொல்லி சட்டென அடிக்கும் க்ளாப் போர்டும் ஆண்ட்ராய்டு அப்ளிகேஷனில் உண்டு. க்ளாப் போர்டில் ஒவ்வொரு முறையில் எழுதி அழித்துக்கொண்டிருக்கும் இம்சை இதில் இருக்காது. ஷூட்டிங் பகலில் நடக்கிறதா, இரவில் நடக்கிறதா? இண்டோர் ஷூட்டிங்கா, அவுட்டோர் ஷூட்டிங்கா... போன்ற தகவல்களையும் சேர்த்துக்கொள்ளலாம்.

திரைக்கதை : 

திரைப்பட உருவாக்கத்தின் முதன்மைப் பணி திரைக்கதை அமைப்பது. முதுகு நோக உட்கார்ந்து விரல் தேய பேப்பரில் எழுதிக்கொண்டிருக்காமல், கேர்ள் ஃப்ரெண்டுடன் சாட்டிங் செய்வதுபோல எளிமையாக எழுதலாம் திரைக்கதை. அதற்குதான் `செல்டெக்ஸ்' என்ற அப்ளிகேஷன் உதவுகிறது. காட்சி அமைப்புக் குறிப்புகளைச் சேர்த்துக்கொள்வது என எளிமையான அதே சமயம் நேர்த்தியான திரைக்கதை அமைப்புக்கு இந்த அப்ளிகேஷன் உத்தரவாதம்.

தவிர, நாம் உருவாக்கிய திரைக்கதையை வேறு யாரும் மாற்றம் செய்யவோ, அழிக்கவோ முடியாதபடி திரைக்கதையை லாக் செய்துவைக்கும் வசதி இருக்கிறது. ஸ்டோரி டெவலப்மென்ட் ஃபார்ம், நாம் உருவாக்கும் காட்சிக்கு எப்படி ஒளியமைப்பு செய்யலாம் என்பதை விளக்கும் ஸ்கெட்ச் டூல், படப்பிடிப்புக்கு எந்தெந்தக் காட்சிகளுக்கு என்னென்ன பொருள்கள் தேவை என்பதைக் குறித்துவைத்துக்கொள்ளும் கேட்லாக்ஸ் வசதி, நாமே ஒரு தேவையை உருவாக்கிக்கொண்டு அதில் தகவல்களைச் சேகரித்துக்கொள்ளும் வசதியும் இதில் இருக்கிறது. முக்கியக் குறிப்பாக, திரைக்கதை எப்படி இருக்க வேண்டும் என்ற அடிப்படையைத் தெரிந்துகொள்ள புகழ்பெற்ற சில திரைப்படங்களின் திரைக்கதைகளும் இதில் இடம்பெற்றிருக்கும்.

பப்ளிசிட்டி :

குறும்படம், திரைப்படம், ஆவணப்படம், ஆல்பம், வீடியோ கவரேஜ்... என எந்த வகையான ஒளிப்படைப்புக்கும் `போஸ்டர் டிசைன்ஸ்' முக்கியம். முதல் கவனம் பெறும் அத்தகைய போஸ்டர்களுக்கு விதவிதமான வளைதளங்கள், சாஃப்ட்வேர்களைப் பயன்படுத்தவேண்டிய அவசியத்தைக் குறைக்கிறது `போஸ்டர் மேக்கர்' அப்ளிகேஷன். பெரிதுபடுத்திப் பார்க்கும்போது தெரியும் தரக்குறைபாடு தவிர, இது `ஓகே ரக' போஸ்டர்களை இந்த அப்ளிகேஷன் உதவியோடு உருவாக்கலாம் அல்லது உருவாக்கிய போஸ்டரின் தரத்தை மேம்படுத்தி, செலவையும் நேரத்தையும் குறைத்துக்கொள்ளலாம்.

இதுதவிர, டப்பிங் வசதிக்கு `வாய்ஸ் ரிக்கார்டர்', ஒலியமைப்புக்கு உதவும் `சவுண்ட் ரிக்கார்டிங்' அப்ளிகேஷன், ஒலிகளைத் திருத்திக்கொள்ளும் `ஆடியோ எடிட்டர்' செயலி... என ஒரே ஒரு மொபைல் போன் உதவியுடன் ஒரு திரைப்படத்தைச் செதுக்கலாம், குறும்படம்/ஆவணப்படங்களை எடுத்து அசத்தலாம்.

ஜோதிடங்களில் பலவகை இருப்பது நாம் அறிவோம், அதில் பலரும் அதிகம் நம்புவது கைரேகை ஜோதிடம்.

நமது உள்ளங்கை ரேகைகளை வைத்து செல்வம், தொழில், இல்வாழ்க்கை, தனிநபர் குணாதிசயங்கள் கூறப்படும்.

அந்த வகையில் ஒரு நபரின் உள்ளங்கை ரேகையில் H என்ற எழுத்தை போல ரேகை இருந்தால் அவரது குணாதிசயங்கள் எப்படி இருக்கும் என நாம் இனி இங்கு காணலாம்.

    "H" ரேகையானது மூன்று ரேகைகளின் இணைப்பில் உருவாகியிருக்கும் ரேகையாகும். இது இதயம், அதிர்ஷ்டம் மற்றும் தலை ரேகைகளின் இணைப்பை கொண்டது.

    இந்த "H" ரேகை கொண்டிருப்பவர்கள், அவர்களது வாழ்வில் நாற்பது வயதுக்கு மேல் வெற்றிகரமாக திகழ்வார்கள். நாற்பது வயதுக்கு பிறகு அவரது வாழ்வில் ஒரு பெரிய திருப்பம் உண்டாகும்.

    நாற்பது வயதுக்கு மேல் அவர்களது வாழ்வில் திடீர் பொருளாதார எழுச்சி காண்பார்கள். அவர்களது பெரும்பாலான முயற்சிகள் மற்றும் வேலைகள் அவர்களது எதிர்பார்ப்பை பூர்த்தி செய்யும்.

    தாங்கள் விரும்பும், காதலிக்கும் நபர்களுக்கு, எதிர்பார்ப்பை தாண்டி அதிகம் உதவுவார்கள். ஆரம்ப காலத்தில் இவர்களுக்கு அதிர்ஷ்டம் என்று எதவும் உதவி இருக்காது. ஆயினும் இவர்கள் தங்கள் நம்பிக்கையை இழக்க மாட்டார்கள்.

    நீங்க நாற்பது வயதுக்கு முன்னே முயற்சி செய்த கடின உழைப்பிற்கான பயன்கள் கூட நாற்பது வயதிற்கு பிறகு உங்களை வந்தே சேரும்.

    இந்த "H" ரேகை இருக்கும் நபர்கள் இயற்கையாகவே உணர்ச்சிவசப்பட கூடிய நபர்களாக இருப்பார்கள்.

    இவர்கள் எப்போதும் மற்றவர்களுக்கு உதவும் மனப்பான்மை கொண்டிருப்பார்கள். இவர்களது தாராள மனதால், மக்கள் இவர்களை ஏமாற்றவும் செய்வார்கள்.

    இந்த "H" ரேகை கொண்டிருப்பவர்கள் வாழ்வில் அதிக கடின சூழல்களை கடந்து வந்திருப்பார்கள். தடங்கல், இடையூறுகள் என இவர்கள் செல்லும் பயணத்தில் பல இடைஞ்சல்கள் கடந்திருப்பார்கள்.

    "H" ரேகை இருக்கும் நபர்கள் அதிக தன்னம்பிக்கை மற்றும் நேர்மறை எண்ணங்கள் கொண்டிருப்பார்கள். இதனால் இவர்கள் கடினமாக, விடாப்படியாக உழைத்து கொண்டே இருப்பார்கள்.

    அறிவாளி என்பதை தாண்டி, இவர்களிடம் புத்திகூர்மை சிறப்பாக இருக்கும்.

பிக்பாஸ் நிகழ்ச்சி மூலம் பிரபலங்களின் இன்னொரு முகம் தமிழ் ரசிகர்களுக்கு தெரிந்துள்ளது.

இதில் காயத்ரி சிலரை தொடர்ந்து காயப்படுத்தி வருகிறார். சமீபத்தில் இவர் தனக்கு கால்சியம் குறைபாடு இருக்கிறது சாக்லேட் பவுடர் வேண்டும் என்றார்.

மேலும், ரத்தப்பரிசோதனை செய்த டாக்டர் தனக்கு குறைபாடு இருக்கிறது என்பதை உறுதி செய்துள்ளதாகவும் அனைவரிடமும் கூறினார்.

ஆனால் இன்று உலகநாயகன் கமல்ஹாசன், பிக்பாஸ் காயத்ரியிடம் கால்சியம் சீராக இருக்கிறது என்று கூறியதை வெளியில் வந்து மாற்றி பொய் பேசியதை வெளிச்சம் போட்டுக் காட்டினார்.

இதை சற்றும் எதிர்பாராத காயத்ரி உடனே தனக்கு சீராக என்ற வார்த்தைக்கு அர்த்தம் தெரியாது என்று கூறி சமாளித்தார்.

பாலிவுட்டில் 10 சீசனுக்கு மேல் ஒளிபரப்பப்பட்டு ரசிகர்களிடம் வரவேற்றை பெற்ற ஒரு நிகழ்ச்சி BiggBoss. இந்த நிகழ்ச்சி தமிழில் கமல்ஹாசன் தொகுத்து வழங்க அண்மையில் ஆரம்பிக்கப்பட்டது.

இந்த நிலையில் நேற்று ஜுன் 16ம் தேதி தெலுங்கில் இந்த நிகழ்ச்சி தொடங்கியுள்ளது. இந்த நிகழ்ச்சியில் கலந்து கொள்ள போகும் 14 பிரபலங்களின் விவரம் வெளியாகியுள்ளது. இவர்கள் தான் அந்த 14 பிரபலங்கள்

    Archana aka Veda Sastry
    Sameer
    Mumaith Khan
    Prince Cecil
    Madhu Priya
    Sampoornesh Babu
    Jyothi
    Singer Kalpana Raghavendra
    Mahesh Kaththi
    Katti Karthika
    Shiva Balaji
    Hari Teja
    Adarsh Balakrishna
    Dhanraj

வெற்றிமாறனின் இயக்கத்தில் வட சென்னை படம் பார்க்க ரசிகர்கள் வெயிட்டிங். ஆனால் படத்தின் வேலைகள் நடக்கிறதா இல்லையா என்றே தெரியவில்லை.

இந்த நிலையில் வெற்றிமாறன் கன்னட சூப்பர் ஸ்டார் புனித் ராஜ்குமார் நடிக்கும் படம் ஒன்றை இயக்கயிருப்பதாகவும், அந்த படத்தை ராக்லைன் வெங்கடேஷ் தயாரிக்க இருப்பதாக கூறப்படுகிறது.

இந்த செய்தியை கேட்ட ரசிகர்கள் அப்போது தனுஷின் வட சென்னை படம் என்ன ஆனது என்று கேள்வி எழுப்பி வருகின்றனர்.

சினிமாவில் எதற்காக வந்தார்களோ அந்தத் தொழிலை மட்டும் செய்து வந்தாலே ஜெயிப்பது நிச்சயம். 'செல்லமே' படத்தில் அறிமுகமாகி  நடிகராக நடித்துக்கொண்டு இருந்தவரை விஷாலின் சினிமா வாழ்க்கை நன்றாகத்தான் போய்க்கொண்டு இருந்தது. எப்போது சொந்தமாகத் திரைப்படங்களைத் தயாரிக்க ஆரம்பித்தாரோ அப்போது முதல் கந்துவட்டிக்காரர்கள் கண்காணிப்பிலேயே இப்போதுவரை வாழ்ந்து வருகிறார் விஷால்.   

ஆரம்பத்தில் ஆர்யாவும் நடிப்பதை மட்டுமே கண்ணும் கருத்துமாகக் கவனித்து வந்தார். பெரும்பாலான நடிகர்கள் ஒரு படத்தில் ஒப்பந்தமான பிறகு, அந்தப் படத்துக்கான டப்பிங்பேசி கொடுப்பதற்கு முன்பே சம்பளமாகப் பேசிய மொத்த தொகையையும் செட்டில் செய்யச் சொல்லுவார்கள். ஒருவேளை தயாரிப்பாளர் பணத்தைத் தராவிட்டால் டப்பிங் பேசுவதற்கு வரவே மாட்டார்கள். அதுபோல ஆர்யாவை  ஒப்பந்தம் செய்த ஒருசில தயாரிப்பாளர்கள் பேசிய சம்பளத்தைத் தரமுடியாத சூழ்நிலை ஏற்பட்டு கைவிரித்து இருக்கிறார்கள். அப்போது எல்லாம் கறார் காட்டாமல் பல படங்களுக்குப் பணமே வாங்காமல் டப்பிங்பேசி கொடுத்து இருக்கிறார், ஆர்யா. 'மீகாமன்' படத்தைத் தயாரித்த ஜபக் அந்தப் படத்தை வெளியிட பணம் இல்லாமல் தவித்தபோது பைனான்ஷியர் ஒருவரிடம் சொந்தமாகப் பணம் வாங்கிக் கொடுத்து ரிலீஸ் செய்ய உதவினார்.

ஆர்யா சொந்தமாகப் படங்களைத் தயாரிக்க ஆரம்பித்த பிறகு, பெரும் சிக்கலில் சிக்கிக்கொண்டார்.  எதிர்பார்த்த அளவுக்கு 'சேட்டை' திரைப்படம் ஜெயிக்காததால் சிரமத்துக்கு ஆளானார். இப்போது  சொந்தமாக 'கடம்பன்' படத்தைத் தயாரித்து, அந்தப் பட கேரக்டருக்காக ஹோம்-ஒர்க் செய்து உடல் எடையைக்கூட்டி சிரமப்பட்டு நடித்தார். அந்தப் படம் பெரிதாக பிசினஸ் ஆகாததால் படத்தை ரிலீஸ் செய்ய முடியாமல் தவித்தார். அப்போது ஒரு பிரபல தயாரிப்பாளர் ரிலீஸ் செய்ய முன்வந்தார். 'உங்களோட 'கடம்பன்' ஜெயிச்சுட்டா ஒ.கே, தோத்து போயிட்டா என்ன பண்றது. முன்கூட்டியே உங்க அண்ணாநகர் வீட்டை என்பேர்ல எழுதிக் கொடுத்தா நானே 'கடம்பன்' படத்தை ரிலீஸ் செய்யறேன்' என்று சொல்ல வேறு வழியில்லாமல் அந்தத் தயாரிப்பாளரிடம் தன்னுடைய அண்ணாநகர்  வீட்டை முதலில் எழுதிக் கொடுத்தார், 'கடம்பன்' வணிகரீதியாக வெற்றி பெறாததால் இப்போது அந்தத் தயாரிப்பளரிடமே அண்ணாநகர் வீட்டை விற்றுவிட்டார்.  

                பிக்பாஸ் நிகழ்ச்சியில் 3வது வாரத்தில் நடிகை ஆர்த்தி வெளியேற்றப்பட்டார். அவரை அனுப்பாமல் நான் போகமாட்டேன் என ஜூலி முன்பே சபதம் போட்டிருந்தார், அதுபோலவே நடந்துவிட்டது.

                 வெளியேறும்முன் ஆர்த்தியிடம் ஜூலி "நான் வெளியில் வந்த பிறகு போன் செய்கிறேன். தயவு செய்து கால் அட்டென்ட் பண்ணுங்க" என கூறினார்.

                அதை கேட்டு கடுப்பான ஆர்த்தி "ஏம்மா இப்போவாவது நடிக்காமல் இரும்மா.. ப்ளீஸ்" என கூறி அவரை மீண்டும் அசிங்கப்படுத்திவிட்டார்.

👌👌👌🙏👍🙏👌👌👌

உணவு என்பது மருந்து

ஆடை என்பது  மானம்

பணம் என்பது  தேவை

ஆங்கிலம் என்பது மொழி

தமிழ் என்பது உயிர்.

அம்மா என்பது  பாசம் 

அப்பா என்பது ஆசான்

ஆனந்தம்  என்பது ஆயுள்

சினம் என்பது நோய்

துன்பம்  என்பது பரீட்சை

தோல்வி என்பது  பாடம்

வெற்றி என்பது தற்காலிகம்  

நட்பு  என்பது  இளமை

குடும்பம் என்பது பற்று

கர்மா என்பது தொடரும்

எண்ணம் என்பது வாழ்க்கை

உலகம்  என்பது மாயை

நான்  என்பது அறியாமை

ஆன்மா  என்பதே நிஜம்

இதை உணர்ந்து
கொண்டால்

நீ தான் கடவுள்!

பேரீச்சம்பழ கலரும் பிஸ்டலின் வேகமுமாக இருக்கிறார் விடியல் ராஜு. ‘ஆள்’ என்ற படத்தை பார்த்தவர்களுக்கு ‘அப்படியா?’ என்கிற ஆச்சர்யத்திற்கு வேலையில்லை. படம் பார்க்காதவர்களுக்குதான் இந்த முதல் வரி. ஒரு முக்கிய தகவல். அந்தப்படத்தில் இவர்தான் வில்லன். விதார்த்தை சுற்றோ சுற்றென்று சுற்றவிடும் கொடூரன். ஆ…ஊ… என்று அலறி தொண்டை காய்வதுதான் வில்லனின் ஸ்டைல் என்பதை அப்படியே ஓரம் கட்டிவிட்டு ஸ்மார்ட்டாக வில்லத்தனம் பண்ணிய விடியல் ராஜுவுக்கு தமிழக அரசின் விருது பட்டியலில் முக்கிய இடம்.

‘ஆள்’ படத்திற்காக தமிழக அரசின் சிறந்த வில்லன் விருதுக்கு தேர்வு செய்யப்பட்டிருக்கிறார் விடியல் ராஜு. அந்தப்படத்தின் தயாரிப்பாளரும் இவர்தான். அங்குதான் இவரது கலைவாழ்வுக்கு ஸ்பீட் பிரேக்கர் போட்டுவிட்டது கோடம்பாக்கம்.

சினிமாவின் மீது தீராக் காதலுடன் உள்ளே வந்து, கோடி கோடியாக செலவு செய்து ஆள் படத்தை தயாரித்தார் விடியல் ராஜு. அதற்கப்புறம் மீரா கதிரவன் இயக்கத்திலும், தயாரிப்பிலும் உருவான ‘விழித்திரு’ என்ற படத்தின் வெளியீட்டு உரிமையையும் வாங்கி ரிலீசுக்காக காத்திருக்கிறார். ஆள் படத்தில் சிறப்பாக நடித்திருப்பதை பாராட்டும் இயக்குனர்கள், தங்கள் படங்களில் இவருக்கு ஒரு கேரக்டர் கொடுக்கலாமே என்று நினைக்கும் போதுதான் அந்த ஸ்பீட் பிரேக்கர் இடறிவிடுகிறது அந்த எண்ணத்தை. எப்படி?

“இவரே ஒரு தயாரிப்பாளரா இருக்கார். அதுமட்டுமல்ல, அதிமுக வில் தென் சென்னை மாவட்டத்தின் முக்கிய பதவியிலேயும் இருக்கார். ஒழுங்கா ஷுட்டிங் வருவாரா? வந்தாலும் டென்ஷன் கொடுக்காம நடிப்பாரா?” இந்த சந்தேகத்தின் காரணமாகவே வாய்ப்பு கொடுப்பதை தவிர்க்கிறார்களாம்.

தயாரிப்பாளராகவும் விநியோகஸ்தராகவும் கோடிகளை கொட்டிக் கொண்டிருக்கும் விடியல் ராஜு வெள்ளை திரை மீதுதான் கொள்ளை காதலாகிக் கிடக்கிறார். நம்புங்க சார் நம்புங்க!

           இவிங்ய்ங்க நியாயத்தை எந்த மண் சட்டியில் போட்டுக் கிண்டுவது என்பதுதான் புரியவில்லை.
            ‘கருப்பன்’ என்ற படத்தில் நடித்து வருகிறார் விஜய் சேதுபதி. இதில் அவர் மாடு பிடி வீரராக வருகிறார். இவரை துளி கூட விரும்பாத தன்யாவுக்கு கல்யாணம் பண்ணி வைத்துவிடுகிறார்கள் சொந்தபந்தங்கள். இந்த கட்டாய கல்யாணம் தம்பதிகளுக்கு இடையே ஏற்படுத்தும் சலசலப்புகளும், தன்யா மீது விஜய் சேதுபதி கொண்டிருக்கும் மிதமிஞ்சிய காதலும்தான் படத்தின் கதை. கடைசியில் அவர் சொந்த மச்சானின் நல்ல மனசை அறிந்து முந்தானையை முழு மனசோடு விரிப்பார் என்பதுதான் முடிவாக இருக்க முடியும்.

போகட்டும்… பிரச்சனை அதுவல்ல. “அதெப்படி கருப்பன் என்ற பெயரை இந்தப்படத்திற்கும் விஜய் சேதுபதிக்கும் வைக்கப் போச்சு?” என்று குரல் எழுப்ப ஆரம்பித்துவிட்டது ஒரு கோஷ்டி. “கருப்பன் என்பது ஜல்லிக்கட்டு காளை ரகமாம். விஜய் சேதுபதி படத்திற்கு ‘கருப்பன்’ என்று பெயர் வைத்ததால், எங்கள் காளை இனத்துக்கே அவமானமாகிவிட்டது” என்று புகார் கொடுத்திருக்கிறார் ஜல்லிக்கட்டு பேரவை செயலாளர் காத்தான். இந்த பெயரை படத்திற்கு வைத்தால் போராட்டம் நடத்துவோம் என்பதுதான் அவரது ஸ்டேட்மென்ட்.

நல்லவேளை… எங்கள் காளை இனத்துக்கே அவமானமாகிவிட்டது என்று சொன்னவர், நாலு காளை மாடு கோவிச்சுக்கிட்டு ஆத்தா வீட்டுக்கு போயிருச்சு. ஒரு ஏழெட்டு காளைகள் தூக்கு மாட்டி தொங்கிருச்சு. விஷம் குடித்த நிலையில் நாலு மாடுகள் ஆஸ்பத்திரியில் அட்மிட் என்று சொல்லாமல் விட்டாரே…

                    நாட்ல பாதி பேருக்கு என்னமோ ஆகிருச்சு. அது மட்டும் ரொம்ப நல்லா புரியுது.🔻🔻😩😩😩😩😩😩😥

         வீடுகளில், அலுவலகங்களில், திருமண மண்டபங்களில்... ஏன் மருத்துவமனைகளில் கூட பிக் பாஸ் புராணம்தான். அரசியல் பேசும் இடமான டீக்கடைகூட இப்போது பிக் பாஸ் பாலைத்தான் காய்ச்சிக்கொண்டிருக்கிறது. அந்த நிகழ்ச்சியில் என்ன நடந்தாலும் அது தமிழ்நாடு முழுக்க விவாதிக்கப்படுவதற்கு இந்த ரீச்தான் காரணம். அப்படி இந்த நிகழ்ச்சியில் பேசப்பட்டு சோஷியல் மீடியாக்களில் வைரலான, விமர்சனத்துக்குள்ளான வார்த்தைகள் இவை!

'நாமினேஷன்னா என்னங்கய்யா?:

             இதுவரை நடந்த மொத்த எபிசோட்களிலும் அதிகம் ஹிட்டடித்த வார்த்தை இதுதான். கன்ஃபெஷன் ரூமில் கஞ்சா கருப்பு பிக் பாஸ் குரலிடம், 'நாமினேஷன்னா என்னங்கய்யா?' எனக் கை கட்டி கேட்பார். அவ்வளவுதான். மறுநாள் முதல் பறந்தன மீம்ஸ். 'அப்ரைசல்ன்னா என்னங்கய்யா?' என ஐ.டி பாய்ஸும், 'புராஜெக்ட்ன்னா என்னங்கய்யா?' என காலேஜ் பசங்களும் அடித்த லூட்டியில் சோஷியல் மீடியா மொத்தமுமே லகலகலக தான்.

க்ரீன் டீ வித் ஜிஞ்சர் கார்டமம்:

             ஓவியா வந்த முதல் நாளிலேயே 'எனக்கு க்ரீன் டீ கொடு' என கேமராவைப் பார்த்து கெஞ்சத் தொடங்கிவிட்டார். அதற்கடுத்த வாரம் நமீதா, 'எனிக்கு ஜிஞ்சர் கார்டமம் வேணும்' எனக் கேட்க, அதை தமிழில் கஞ்சா கருப்பு விளக்க, தமிழ் சிக்கி சின்னாபின்னமானது. இப்போது வரும் ட்ரோல் வீடியோக்களில் இந்த டயலாக்தான் பிரதானம்.

ஃபேக்கு ஃபேக்கு:

              ஆர்த்தி சினிமாவில் பேசிய வசனங்கள் ஹிட்டானதோ இல்லையோ, பிக் பாஸ் வீட்டில் ஜூலியைப் பார்த்து 'ஃபேக்கு ஃபேக்கு' என சொல்லும் பன்ச்சுக்கு ஆக்ரோஷ வரவேற்பு. பாவம், பாரபட்சம் எல்லாம் பார்க்காமல் திட்டிக் குவிக்கிறார்கள் நெட்டிசன்கள். 'என் தங்கச்சியா இருக்குறதுக்கும் ஒரு தகுதி வேணும்' என அடுத்த நாள் போறபோக்கில் சொல்ல, இன்னும் உக்கிரமாகிவிட்டார்கள் மீம் க்ரியேட்டர்கள்.

40 பேருக்கு சோறு போட்டோம்:

               சக்தி நடித்ததுதான் சின்னத்தம்பியில். ஃபீல் செய்வது நாட்டாமை சரத்குமார் ரேஞ்சில். முதல் வாரம் முழுக்க, 'நாப்பது பேருக்கு சோறு போட்டோம், நாப்பது பேருக்கு வெஞ்சனம் வச்சோம்' என்றே திரும்பத் திரும்ப சொல்லிக்கொண்டிருந்தார். அதுக்கும் ஷோவுக்கும் கடைசி வரை என்ன சம்பந்தம்னு சொல்லவே இல்லையே சின்னத்தம்பியண்ணே?

தமிழ்த்தாய் வாழ்த்தை எழுதியவர் தாயுமானவர்:

                 இந்த வசனத்தைக் கேட்ட தமிழறிஞர்கள் எல்லாருக்கும் பி.பி, சுகர் உள்ளிட்ட பத்துவகையான ப்ராப்ளங்கள் வந்திருக்கும். தமிழ்த்தாய் வாழ்த்தை பாட வைத்த புண்ணியத்திற்கு அதை எழுதியவர் தாயுமானவர் என சீரியஸாகவே சொல்லி சிரிக்க வைத்தார் ஜுலி. நீங்க தப்பா சொன்னதைக் கூட பொறுத்துக்கலாம். ஆனா அதுக்கு ஏதோ கோல்டு மெடல் வாங்குனமாதிரி விட்ட அந்த லுக்கைத்தான்...!

வெஷம்:

                 ஷோவில் காயத்ரி என்ன சொன்னாலும் அது வைரல், சர்ச்சை ஆகிறது. 'எச்சைங்க, சேரி பிஹேவியர்' போன்ற சொற்களுக்கு எதிராக கொதித்தெழுந்து வழக்குகள் வரை போய்விட்டார்கள். அடுத்தபடியாக அவர் உதிர்த்த முத்து - 'வெஷம்'. அதற்கு அவர் கொடுத்த ரியாக்‌ஷன்தான் வார்த்தைகளை விட பெரிய ஹிட்டு. வார்த்தைக்கு வார்த்தை வெஷத்தை கக்கிட்டு மத்தவங்களை வெஷம்னு சொல்றது என்ன லாஜிக் சர் ஜி?

பரணிப் பயதாங்க காரணம்:

                'வீட்டுக்குழாய்ல தண்ணி வரலையாம். அதுக்கு என்னையப் போட்டு அடிக்கிறாங்கய்யா' - கஞ்சா கருப்பு பேமஸ் ஆனதே இந்த வசனத்தைப் பேசித்தான். பழசை மறக்காமல் அதையே பிக் பாஸிலும் பேசிக்கொண்டிருந்தார். சோறு சரியா வேகலையா? என்னது மழை பெய்யுதா? இந்தப் பரணிப்பய தாங்க காரணம்' என சொல்லிச் சொல்லியே பாவம் எலிமினேட்டும் ஆகிவிட்டார்.

கொக்கு நெட்ட கொக்கு:


                 பிக் பாஸ் செட்டின் யோகி பி, ப்ளாஸி, லேடி காஷ் எல்லாமே ஓவியாதான். டங் ட்விஸ்டர் சுற்றில் 'கொக்கு நெட்ட கொக்கு நெட்ட கொக்கு இட்ட முட்ட கட்ட முட்ட' என்பதை ராப் ஸ்டைலில் அவர் பாடியதைக் கேட்க காது கோடி வேண்டுமய்யா! சும்மாவே திடீர் ஓவியா ரசிகர்கள் எகிறி எகிறி ஓட்டுப் போடுகிறார்கள். இப்போது கேட்கவும் வேண்டுமா என்ன?

ஆடி மாதத்தை அம்மன் மாதம் என்றும் அம்பாள் மாதம் என்றும் சிறப்பித்து கூறுவார்கள். ஏனெனில், இந்த மாதத்தில் அம்மன், அம்பாள், ஆண்டாள், சக்தி பீடங்களிலும் சிறப்பு பூஜைகள், ஹோமங்கள் நடைபெறுவது வழக்கம். திருவிழாக்களுடன் விரத வழிபாடுகளும் களை கட்டி விடும். மேலும், அம்மன் கோயில்களில் அலகு குத்தி காவடி எடுத்தல், பால்குடம் எடுத்தல், பொங்கல் வைத்து வழிபடுதல், சிறப்பு பூஜைகள் செய்தல், தீ மிதித்தல்... என பக்தர்கள்  விதவிதமான நேர்த்திக்கடன்களை செலுத்தி வழிபடுவார்கள். முக்கியமாக, கோயில்களிலும் வீடுகளிலும் கூழ் ஊற்றுதல் போன்றவையும் நடக்கும்.

இம்மாதத்தில் ஆடி வெள்ளி, செவ்வாய், ஞாயிறு சிறப்பான நாள்களாக கருத்தப்படுகிறது. இது, தவிர, ஆடி அமாவாசை, ஆடிப்பூரம், ஆடிக்கிருத்திகை, ஆடித்தபசு, ஆடி பவுர்ணமி, ஆடிப்பெருக்கு, வரலட்சுமி விரதம் என்று பல விசேஷ நாள்களும் இந்த மாதத்தில் வருகின்றன. இதில், ஆடி அமாவாசை வருகிற (ஜூலை) 23-ம் தேதி வருகிறது.  அன்றைய தினத்தில் கடல், நதிகள் போன்ற புனித நீர்நிலைகளில் நீராடி, முன்னோர்க்கு திதி கொடுப்பது மிகவும் சிறப்பானதாக கருதப்படுகிறது.  ஆடிப்பெருக்கு என்பது ஆடி மாதம் 18-ம் நாள் கொண்டாடுவது வழக்கம். அதன்படி, இந்தாண்டுக்கான ஆடிப்பெருக்கு ஆகஸ்ட் 3-ம் தேதி வருகிறது. அதேபோல, ஆடிப்பூரம் ஆண்டாள் அவதாரம் செய்த திருநட்சத்திரம். திருமண பாக்யம் கைகூடாமல் இருக்கும் பெண்களும் இந்த நாளில் விரதம் இருந்து பக்தியுடன் வழிபடுவார்கள். சிவன் கோவில்களிலும் ஆடிப் பூரம் அன்று அம்பாளுக்கு சிறப்பான வழிபாடுகள் நடக்கும். இத்தனை அற்புதங்கள் கொண்ட ஆடி மாதம் நாளை தொடங்குகிறது.

“சில வருஷங்களுக்கு முன்னாடி காலையில 8 மணிக்கு `மதுரையே என் குரலைக் கேட்டுத்தான் விடியும்'. அப்போ `Talk of the Town'  எதுவா இருந்தாலும், அதை ரேடியோவில் பேசுவேன். ரேடியோவுல ஆரம்பிச்ச பயணம் இப்போ `மாப்பிள்ளை' சீரியல்ல வந்து நிக்குது" -  `ரேடியோ ஜாக்கி' டோனில் பேசுகிறார் கமல் என்கிற கமல்ஹாசன்.

“அப்போ சீரியல் தவிர அரசியல், சினிமா, சமூகப் பிரச்னைனு எல்லாத்தைப் பற்றியும் உங்ககிட்ட பேசலாம்போல."

“தாராளமா... நான் ரெடி, கேள்வி கேட்க நீங்க ரெடியா?"ன்னு அசுரவேகத்துல பதில் வரவே, `பிக் பாஸ்' முதல் ஜிஎஸ்டி வரை `மாப்பிள்ளை' கமலுடன் ஒரு ஜாலி டாக்!

“சின்னத்திரைக்கு வர்றதுக்கு முன்னாடி என்ன பண்ணிட்டிருந்தீங்க?"

“ம்ம்ம்ம்ம்.. காலேஜ் சமயத்துல நான் ரொம்ப நீளமா முடி வளர்த்திருந்தேன். அது ‘அந்நியன்’ படம் ரிலீஸ் ஆன நேரமும்கூட. அப்போ எல்லாரும் `மச்சான்... நீ `ரெமோ' மாதிரி இருக்கடா. நீயெல்லாம் விஜே-வுக்கு ட்ரை பண்ணா, செம சான்ஸ் கிடைக்கும்'னு உசுப்பேத்திவிட்டாங்க. நானும் ட்ரை பண்ணேன். வாய்ப்பு கிடைச்சது. என்னோட முதல் ஷோவே `அந்நியன்' கான்செப்ட்தான். ஊரு முழுக்க `அந்நியன் அவதரிக்கிறான்'ன்னு போஸ்டர் ஒட்டியிருந்தாங்க. எனக்கு அப்போ தெரியாது, நான்தான் அந்த அந்நியன்னு. சேனலுக்குப் போன அப்புறம் `அந்நியன்' மாதிரி ஷோ பண்ணச் சொன்னாங்க. கொஞ்சகாலம் இப்படித்தான் காமெடியா போச்சு. அப்புறம் தொழில் தொடங்கலாம்னு முடிவெடுத்து, பனியன் வியாபாரத்துக்கான ஆரம்ப வேலைகள் எல்லாம் ஆரம்பிச்சேன். அந்தச் சமயத்துலதான் என்னோட நண்பன் ஒருத்தன் `நீதான் இவ்வளவு வாய் பேசுறியே... பேசாம எல்ஐசி ஏஜென்ட் ஆகிடு'ன்னு சொன்னான். நானும் கண்ணை மூடிக்கிட்டு ஓகே சொல்லிட்டேன். ஒவ்வொரு வீட்டுக் கதவைத் தட்டும்போதும், `தம்பி... நீங்க லோக்கல் சேனல்ல வர்ற அந்நியன்தானே?'ன்னு கலாய்ப்பாங்க."

“அப்போ ரேடியோ மிர்ச்சி பயணம்...”

“அதுவா... நியூஸ்பேப்பர்ல விளம்பரம் பார்த்து மதுரை மிர்ச்சி இன்டர்வியூக்குப் போனேன். அங்கே போன உடனே `உன் பேர் என்ன?'னு கேட்டாங்க. `கமல்ஹாசன்'னு சொன்னேன். உடனே `ஓய்ய்ய்ய்... கலாய்க்காதீங்க'ன்னு சொன்னாங்க. `நிஜம்மா என் பேரு அதாங்க'ன்னு சொன்னேன். உடனே `கமல் மாதிரி என்ன பண்ணுவீங்க?'னு கேட்டாங்க. `அவரு மாதிரி நல்லா அழுவேன்'னு சொன்னதும், பொசுக்குன்னு `எங்க... அழுதுகாட்டு'ன்னு கேட்டாங்க. நானும் `குணா' படத்துல வர்ற அபிராமி டயலாக்கைப் பேசி நடிச்சுக் காட்டினேன். `நடிச்சது போதும் வெளியே போ'ன்னு சொல்லிட்டாங்க. தவிர, நான் பேசுறதே ஏலேய்... இங்கே வாலேங்கிற எங்க ஊரு பாஷைதான். `அவசரப்பட்டு ஊர்ல பேசுற மாதிரி பேசிட்டோமா'ன்னு வருத்தப்பட்ட நேரத்துல மறுபடியும் என்னைக் கூப்பிட்டு, `எவ்வளவு சம்பளம் எதிர்பார்க்குறீங்க?'ன்னு கேட்டாங்க. எனக்கு ஒரு நிமிஷம் பயங்கர ஷாக். `சார்... இப்போ நான் 6,000 ரூபாய் வாங்குறேன். 2,500 ரூபாய் அதிகமா போட்டு 8,500 ரூபாயா கொடுங்க சார்'ன்னு கேட்டதும், அங்கே இருந்தவங்க எல்லாரும் விழுந்து விழுந்து சிரிச்சாங்க. கூடவே `உங்களுக்குச் சம்பளம் 15,000 ரூபாய்'னு சொன்னாங்க. அப்புறம்தான் ஆரம்பிச்சது பயணமே. ஐ மீன் என்னோட முதல் விமானப் பயணம்."



“எது... தூத்துக்குடி டு சென்னையா?"

“இல்லைங்க... என்னோடு செலெக்ட் ஆன எல்லாருக்கும் அகமதாபாத்ல ஆர்.ஜே ட்ரெய்னிங். ஆர்.ஜே பாலாஜி, ம.கா.பா. ஆனந்த், மிர்ச்சி செந்தில், மிர்ச்சி சிவா, சுசித்ரா எல்லாரும் சென்னை டு அகமதாபாத் ஃப்ளைட்ல போனோம். இதுல செந்தில், சுசித்ரா, சிவா இவங்க எல்லாரும் சீனியர் ஆர்ஜேஸ். இங்கேதான் எனக்கும் ஆர்.ஜே பாலாஜிக்கும் பெரிய சண்டை வந்துச்சு. ஒரு விண்டோ சீட்டுக்காக ரெண்டு பேரும் அடிச்சுக்கிட்டோம். கடைசியில `நீயும் உக்கார வேணாம்... அவனும் உக்கார வேணாம்'ன்னு அந்த சீட்ல ம.கா.பா வந்து உட்காந்துட்டார். `நீ உக்கார் மச்சான்... ஆனா, இந்த பாலாஜி மட்டும் உட்காரக் கூடாது'ன்னு சொல்ல, பயங்கரத் தகராறு. அப்புறம் ஒருவழியா சமாதானம் ஆகிட்டோம். அதை இப்போ நினைச்சாலும் சிரிப்பு வருது."

“சின்னத்திரை என்ட்ரி எப்படி?”

“ஒரு வருஷம் கழிச்சு என்னை ரேடியோ மிர்ச்சி வேலையிலிருந்து தூக்கிட்டாங்க. சூரியன் FM-ல சேர்ந்தேன். அப்போதான் `திருமுருகன்' சாரோட அறிமுகம் கிடைச்சது. சீரியல் ஆடிஷன் வெச்சப்போ என்னோட நடிப்பு அவருக்குப் பிடிச்சிருந்தது. அப்போ நாசர் சார்தான் கூத்துப்பட்டறைப் பயிற்சியாளர்களைக் கூட்டிட்டு வந்து நடிப்பு சொல்லிக்குடுத்தார். அப்போகூட எனக்கு சரியா நடிப்பு வரலை. `இந்தப் பையனைத் தேத்த முடியாது'ன்னு மௌலி சாரும், பாஸ்கர் சாரும் சொன்ன பிறகும்கூட திருமுருகன் சார் அதை ஏத்துக்கலை. என்மேல நம்பிக்கை வெச்சு சீரியல்ல நடிக்கக் கூப்பிட்டார். ஆனா, என்னோட நடிப்பு எதிர்பார்த்த அளவுக்கு இல்லாததுனால, எதுவுமே கைகூடி வரலை. இருந்தாலும் எனக்கு ஒரு வருஷமா சம்பளம் கொடுத்து சும்மா வேலைக்கு வெச்சிருந்தார் திருமுருகன். `என்னை நம்பி வேலையை விட்டுட்டு வந்திருக்க. நீ நடிக்கலைன்னாலும் சம்பளம் கரெக்ட்டா வந்திரும்'ன்னு சொன்னார். ஒரு வருஷமா நான் அவரோட ஆபீஸ்ல சும்மாதான் இருந்தேன். அப்புறமாத்தான் நடிக்க ஆரம்பிச்சேன்."



“செந்தில்-ஶ்ரீஜாவோடு நடித்த அனுபவம்..."

“செந்தில் சார் என்னோட அண்ணன் மாதிரி. இண்டஸ்ட்ரியில இருக்கிற ஒரே நண்பர் அவர்தான். அவரைப் பார்த்துத்தான் லவ் பண்ண கத்துக்கிட்டேன். அவங்க ஶ்ரீஜா  அக்காவைக் கவனிச்சுக்கிற விதம் வேற லெவல்."

“ `மாப்பிள்ளை' சீரியல்ல முத்தக் காட்சிகள் வருதே..."

“ஆமாங்க... ஜனனி எனக்கு கன்னத்துல முத்தம் குடுக்கணும்'கிறதுதான் கான்செப்ட். அது கதைக்குத் தேவையான காட்சிதான். அப்போ ஜனனி நிஜமாவே எனக்கு கன்னத்துல முத்தம் குடுத்துட்டாங்க. அங்கே இருந்த எல்லாரும் `நடிக்கிறப்போ இப்படியெல்லாம் முத்தம் கொடுக்க மாட்டாங்க. சும்மா பக்கத்துல வந்துட்டுப் போயிடுவாங்க'ன்னு சொன்னதும் `எனக்கு அதெல்லாம் தெரியாது. இது வெறும் நடிப்புதானே'ன்னு சொன்னாங்க ஜனனி. யூடியூப்ல `ஜனனி - கமல் கிஸ்ஸிங் சீன்'னு போட்டு பரப்பிவிட்டுப் படாதபாடு படுத்தீட்டாங்க. நாங்க ரெண்டு பேரும் அதை நினைச்சு நினைச்சு சிரிச்சுப்போம்."

“உங்களை `பிக் பாஸ்' நிகழ்ச்சிக்குக் கூப்பிட்டா போவீங்களா?"

“கமல் சாருக்காகவே போயிருப்பேன். கமல் சாரை நேர்ல பார்த்திருக்கேன். ஆனா, இதுவரை பேசியதில்லை. அவர் என்னைப் பார்த்து `உன் பேர் என்ன?'ன்னு கேட்கணும். அப்போ நான் `கமல்ஹாசன்'னு சொல்லணும். அந்த ஒரு தருணத்துக்காகத்தான் காத்துக்கிட்டிருக்கேன். `பிக் பாஸ்'ல கலந்துக்கிட்டா உண்மையா இருப்பேன். அப்போதான் நேயர்கள் என்னை ஏத்துக்குவாங்க. நான் பேரு வாங்கணும்னு நடிச்சா யாருமே ஏத்துக்க மாட்டாங்க. `வெளியே இருக்கிற மனுஷங்களைவிட காட்டுல இருக்கிற விலங்குகளே மேல்'னு சொல்வோம்ல அதுக்கு சரியான உதாரணம் `பிக் பாஸ்'தான். நீங்களே சொல்லுங்க, அங்கே உள்ள இருக்கிற யார்தான் உண்மையா இருக்கா?

“ ‘பிக் பாஸ்' நிகழ்ச்சியில் யார்தான் உண்மையா இருக்காங்க?"

“எல்லாருமே நடிக்கத்தான் செய்றாங்க. எல்லாரும் ஒருத்தரை அடிச்சு இன்னொருத்தர் எப்படி முன்னுக்கு வர்றதுன்னு நினைக்கிறவங்கதான். அங்கே கேமரா மட்டும்தான் உண்மையா இருக்கு."

“நீங்க பெரியாரைப் பின்பற்றுபவர்னு கேள்விப்பட்டோம்..."

“நான் அவரோட புத்தகங்கள் படிப்பேன். `தி.க'ன்னு சொல்றாங்களே அப்டீன்னா என்ன? கமல் சார் ஏன் தந்தை பெரியாரைப் பின்பற்றுகிறார்னு தெரிஞ்சுக்கணும்னு ஆசைப்பட்டேன். அவ்வளவுதான்.''



“நீங்க கமல் சாரோட ஃபேன். அவர் இப்போ சர்ச்சையில் சிக்கியத்தைப் பற்றி என்ன நினைக்கிறீங்க?”

“ ‘கமல் நல்ல நடிகரா... இல்லை நல்ல மனிதரா?'னு கேட்டா... நான் `நல்ல நடிகர்'னுதான் சொல்வேன். கமல் சாரைப் பார்த்து வளர்ந்த எனக்கு, அவர் என்ன சொன்னாலும் சரிதான். ஒரு நடிகர் என்ன செஞ்சாலும் அதை ஃபாலோ பண்ண நாலு பேரு இருப்பாங்க. அதுவே கமல் சார்னா எக்கச்சக்க ரசிகர்கள். அதனால அவரை வெச்சு தப்பான விஷயங்களை இந்தச் சமூகத்துக்குச்  சொல்லிடக் கூடாதுன்னு நினைக்கிறேன். தவிர, அரசியலும் சினிமாவும் வேற வேற இல்லை. அந்தக் காலத்துல இருந்து இந்தக் காலம் வரைக்கும் ரெண்டுலயுமே ஒரே ஆள்கள்தான் இருக்காங்க. `பிக் பாஸ்' நிகழ்ச்சியில் நமீதா `கோக கோலா' வேணும்னு கேட்டு குடிக்கிறாங்க. அப்போ ஜல்லிக்கட்டுல கோக கோலாவைத் தடைசெய்யணும்னு கோஷம் போட்ட ஜூலி சும்மாதான் இருந்தாங்க. இந்த நிகழ்ச்சியைப் பற்றி மக்கள் குற்றம் கண்டுபிடிக்கிறதுல தப்பே இல்லை. அரசியல்வாதி, சினிமாக்காரன், போலீஸ்காரன் எல்லாரும் வீட்டைவிட்டு வெளியே வந்தா பொதுச் சொத்துதான். அவங்க எல்லாரும் மக்கள் விமர்சனங்களைக் கேட்டுத்தான் ஆகணும். அதனால கமல் சாரும், அதுல இருக்கிற மற்ற பிரபலங்களும் மக்கள் கருத்தைக் கேட்டுத்தான் ஆகணும். கல்லடி கொடுத்தாலும் சரி, பூமாலை போட்டு வரவேற்றாலும் சரி, ஏத்துக்கிட்டுத்தான் ஆகணும். கமல் சார் இதெல்லாம் பெரிய விஷயமா எடுத்துக்க மாட்டார்னு நினைக்கிறேன். ஏன்னா... எந்த நடிகருக்குத்தான் `நான் ஜெயிலுக்குப் போறதைப் பற்றிக் கவலைப்படலை'ன்னு சொல்ற தில்லு வரும்?"

“ஜி.எஸ்.டி பிரச்னையால் சின்னத்திரையில் என்னவெல்லாம் பாதிப்பு வந்திருக்கு?"

“முன்னாடி சம்பளத்தைக் கையில கொடுத்தாங்க. இப்போ அக்கவுன்ட்ல போடுறாங்க. அதாங்க கொஞ்சம் கஷ்டமா இருக்கு. மற்றபடி ஜி.எஸ்.டி நாட்டுக்கு நிச்சயத் தேவை. வரி கட்டுறதுல இருந்து, சினிமாக்காரங்க இனி தப்பிக்கவே முடியாது" என்று சிரித்தபடி முடித்த கமல், நன்னன் எழுதிய `பெரியார் பதிற்றுப் பத்து' புத்தகத்தைக் கையில் கொடுத்து வழியனுப்பிவைத்தார்.

       பரப்பன அக்ரஹாரா சிறையில் இருக்கும் சசிகலாவுக்குத் தனி சமையல் அறை வைத்து சமையல் செய்து கொடுக்கப்படுகிறது. இதற்காக சிறை அதிகாரிகளுக்கு இரண்டு கோடி ரூபாய் லஞ்சம் தரப்படுகிறது என்று பகீர் புகாரைக் கிளப்பினார் டி.ஐ.ஜி ரூபா.

போலீஸாருக்கு நெருக்கடி

      இந்த நிலையில் ரூபாவுக்கு கர்நாடகா அரசின் சார்பில் நோட்டீஸ் அளிக்கப்பட்டுள்ளது. அதில் சிறையில் விசாரணை மேற்கொண்ட விவரங்களை மீடியாக்களிடம் ஏன் தெரிவித்தீர்கள் என்பதற்கு விளக்கம் அளிக்க வேண்டும் என்று கூறப்பட்டுள்ளது.
இரு மாநிலங்களிலும் ஒரு சேர புயலைக் கிளப்பிய இந்தச் சம்பவம் கர்நாடகா அரசுக்குக் கூடுதல் தலைவலியைக் கொடுத்திருக்கிறது. இந்தச் சம்பவம் குறித்து பேட்டியளித்துள்ள கர்நாடகா முதல்வர் சித்தராமைய்யா, "இது முழுக்க, முழுக்க விதிமுறைகளுக்கு மாறானது. இந்தக் குற்றசாட்டைக் கூறும் முன்பு ரூபா, தன்னுடைய உயர் அதிகாரிகளிடம் இது பற்றிப் பேசியிருக்க வேண்டும். மீடியாக்களிடம் தகவல்களை ரூபா வெளியிட்டதால், போலீஸ் துறைக்கு நெருக்கடி ஏற்பட்டுள்ளது" என்று கூறி இருக்கிறார்.

எனக்கு மட்டும் விதிமுறையா?

      முதல்வரின் குற்றச்சாட்டுகளை மறுத்துள்ள டி.ஐ.ஜி ரூபா, "உண்மையில் நான் மீடியாக்களிடம் பேசவில்லை. எனது விசாரணையின் விவரங்களை டி.ஜி தான் கொடுத்திருக்கிறார். விதிமுறைகள் என்பது எனக்கு மட்டும் விதிக்கப்பட்டது அல்ல. எல்லோருக்கும் அந்த விதிமுறைகள் பொருந்தும். இது குறித்த அரசின் எந்த வித விசாரணைக்கும் நான் சம்மதம் தெரிவிக்கிறேன். இந்த விவகாரத்தில் என்னை மட்டும் குறிவைக்கிறார்கள். இந்த விவகாரத்தில் என் மீது மட்டும் நடவடிக்கை எடுக்காமல், அனைவர் மீதும் நடவடிக்கை எடுக்க வேண்டும்" என்று கூறி இருக்கிறார்.

ரூபா-சத்யா நாராயண ராவ்

       சிறையில் ஆய்வு நடத்தியது குறித்த அறிக்கையை உள்துறை மற்றும் சிறைத்துறை டிஜிபி சத்யநாராயண ராவ் ஆகியோரிடம் ரூபா அறிக்கை அளித்திருக்கிறார். அந்த அறிக்கையில், சொத்துக்குவிப்பு வழக்கில் சிறையில் அடைக்கப்பட்டுள்ள சசிகலாவுக்குச் சிறை விதிமுறைகளை மீறி தனியாக சமைத்து உணவு வழங்கப்படுகிறது என்று குறிப்பிட்டுள்ளார்.

 மேலும் சில அதிர்ச்சித் தகவல்கள்

      சிறைத்துறை டிஐஜிக்கு ரூபா தாக்கல் செய்த அறிக்கையில் சசிகலா விவகாரம் மட்டும் இன்றி மேலும் பல அதிர்ச்சித் தகவல்களும் இடம் சசிகலாபெற்றுள்ளன. போலி ஸ்டாம்ப் பேப்பர் வழக்கில் பரப்பன அக்ரஹாரா சிறையில் அடைக்கப்பட்டுள்ள அப்துல் கரீம் தெல்கிக்கும் வி.ஐ.பி அந்தஸ்துடன் தனி கவனிப்பு செய்யப்படுகிறது என்றும் சொல்லப்பட்டுள்ளது. சிறைத் துறையில் உள்ள மருத்துவ அலுவலர்கள், கைதிகளுக்குப் போதைப் பொருள் விநியோகம் செய்வதாகவும் ரூபா கூறி இருக்கிறார்.

      இது குறித்து விளக்கம் அளித்துள்ள சத்யா நாராயண ராவ், சிறைத் துறையில் உள்ள சட்ட நடைமுறைகள் ரூபாவுக்குத் தெரியவில்லை. சிறையில் போதைப் பொருள் நடமாட்டம் இருப்பது புதிதாக அவர் கண்டுபிடித்த ஒன்றல்ல. ஒவ்வொரு நாளும் கைதிகள் கஞ்சா உள்ளிட்ட போதைப் பொருள்களைப் பெறுகின்றனர். அதைத் தடுப்பதற்கு நாங்கள் நடவடிக்கை எடுக்கிறோம்" என்றார்.

      சிறையில் நடக்கும் விதிமுறை மீறல்கள் பற்றி புகார் சொன்னவரையே கார்னர் செய்வது கர்நாடகா மாநில அரசு அதிகாரிகள் மத்தியில் அதிருப்தியை ஏற்படுத்தி உள்ளது. தினந்தோறும் சிறையில் கஞ்சா புழங்குகிறது என்று சிறைத்துறை டிஜிபி சத்ய நாராயண ராவே கூறி இருப்பதும் சிறை கண்காணிப்பைக் கேள்விக்குறியாக்கி இருக்கிறது.

 பணத்தை இழந்தவரும், தேவைப்படும் பணத்தை சம்பாதிக்கத் துடிப்பவரும் சந்திக்கும் புள்ளியே 'பண்டிகை'.

குடும்பச் சூழல், கடுமையான நெருக்கடியில் சூதாட்டத்தில் நம்பி பணத்தைப் போடுகிறார் சரவணன். அதில் தோல்வியே பரிசாகக் கிடைக்க பணத்தை இழந்து தவிக்கிறார். கர்ப்பிணி மனைவி இதனால் அவரை விட்டுப் பிரிகிறார். எல்லாவற்றையும் பறிகொடுத்துவிட்டு நிற்கும் சரவணன் கிருஷ்ணாவின் வலிமையை நேரில் காண்கிறார். பணத்துக்காக இன்னொருவனை அடிக்கலாம் என்று 'பண்டிகை' ஆட்டத்தை அறிமுகம் செய்கிறார். பாஸ்போர்ட் எடுக்க பணமில்லாமல் தவிக்கும் கிருஷ்ணா அந்த ஆட்டத்தில் கலந்துகொள்கிறாரா, சூதாட்டம் யாரை வென்றெடுத்தது, கிருஷ்ணாவின் காதல் என்ன ஆனது, இழந்ததை சரவணன் மீட்டாரா என்ற கேள்விகளுக்கு பதில் சொல்கிறது 'பண்டிகை'.

சூதாட்ட உலகில் நடக்கும் நிலவர கலவரங்களை கண்முன் நிறுத்தி இருக்கும் இயக்குநர் ஃபெரோஸுக்கு வாழ்த்துகள். கதைக் களத்துக்கேற்ப நுட்பமான பதிவுகள் மூலம் கவனிக்க வைக்கிறார்.

ரஜினியைப் போல நடிப்பது, நகைச்சுவை என்ற பெயரில் மிகையாக நடிப்பது என எந்த ரிப்பீட்டும் இல்லாமல் கதாபாத்திரத்துக்கு ஏற்ற பொருத்தமான நடிப்பை கிருஷ்ணா குறையில்லாமல் கொடுத்திருக்கிறார். அடிச்சாதான் கிடைக்கும் என்ற அனுபவப் பாடத்தின் எதிரொலி, உதவி செய்யப் போய் சிக்கலில் மாட்டிக்கொண்டாலும் கடைசி வரை உதவும் குணம், காதலில் நெகிழும் தருணம், போன் நம்பரைக் கண்டுபிடிக்க மெனக்கெடும் நாட்கள் என எல்லாவற்றிலும் தன் நடிப்பை இயல்பாக வெளிப்படுத்தியுள்ளார். இனி கிருஷ்ணா இதே பாதையில் பயணிப்பது அவருக்கு ஆரோக்கியத்தை அளிக்கும்.

ஆனந்தி குணச்சித்திர கதாபாத்திரத்துக்கே உரிய சில நிமிடங்களில் மட்டும் அவ்வப்போது தென்படுகிறார். அந்த கணங்களில் குறுநகையால் தன் இருப்பைப் பதிவு செய்கிறார்.

வீடு, சொத்து, கடை அடமானம் எல்லாவற்றையும் இழந்து நிர்க்கதியாய் நிற்கும் கனமான கதாபாத்திரத்தை சரவணன் மிகச் சிறப்பாகக் கையாள்கிறார். தோற்கும் போதெல்லாம் கலங்குவதும், துரோகம் உணர்ந்து கொதிப்பதும், இழப்பதை மீட்க வேண்டும் என்ற எண்ணத்தில் இயங்குவதுமாக முதிர்ச்சியான நடிப்பை வழங்கியிருக்கிறார்.

வித்தியாசமான கதாபாத்திரத்தில் நிதின் சத்யா தனித்துத் தெரிகிறார். கவுரவத் தோற்றம் என்றாலும் கருணாஸின் நடிப்பு சிறப்பு. அருள் தாஸ், மதுசூதனன் ராவின் நடிப்பு கன கச்சிதம். அந்த இரட்டையர்கள் யார்? தேர்ந்த நடிப்பை வழங்கியிருக்கிறார்கள்.

அரவிந்தின் கேமரா சில நேரங்களில் நம் தோள்களில் பரபரக்கிறதோ என்ற உணர்வை ஏற்படுத்துகிறது. பதற்றத்தையும், பயத்தையும் கடத்திய விதத்தில் விக்ரமின் பின்னணி இசைக்கு பெரும் பங்கு உள்ளது.

சூதாட்ட உலகத்தில் நடக்கும் நிகழ்வுகள், சொல்லிவைத்து தோற்பது, யார் வெற்றி பெறுவது என முன்கூட்டியே தீர்மானிப்பது உள்ளிட்ட உள்குத்து வேலைகளும், விவரணைகள் படத்தில் சரியாக உள்ளன.

மதுசூதனன் ராவ் வளர்த்துவிடும் நபர் அவரது பேச்சை மீறி முன் விரோதமே இல்லாத கிருஷ்ணாவை வீழ்த்தத் துடிப்பது ஏன், அவர் ஹோட்டல் காட்சியில் கிருஷ்ணாவை சீண்ட முயற்சிப்பது ஏன், சந்தேகம் வரும் என்று தெரிந்து கருணாஸ் எஸ்கேப் ஆகிறார். ஆனால், மற்றவர்களுக்கு அந்த எண்ணம் வராதது ஏன் என்ற சில கேள்விகள் எழுகின்றன. அந்த செஃல்பி விசாரணைக்கு எந்த விதத்திலும் உதவவே இல்லையா? இரண்டாம் பாதியின் நீளத்தைக் கொஞ்சம் குறைத்திருக்கலாம். குத்துப்பாடலைக் கத்தரி செய்திருக்கலாம்.

இவற்றை தவிர்த்துப் பார்த்தால் பண வேட்டைக்காக நடத்தப்படும் ஆட்டமாக 'பண்டிகை' உள்ளது

பத்து மணி ஆபிசுக்கு ஒன்பது மணிக்கு எழுந்துகொள்வதும், பரபரப்பாக கிளம்பி ஓடுவதும் இன்றைக்கு சகஜமாகி விட்டது. கடிகாரம் விரட்டும் இந்த விளையாட்டில் காலை உணவு என்பதை பலரும் மறந்து விடுகிறார்கள். ஒருவேளை கிள்ளும் வயிறு அதை ஞாபகப்படுத்தினாலும் ஏதோ ஜூஸ், கொஞ்சம் ஓட்ஸ் என எதையோ திணித்து பசியைப் போக்கிக் கொள்கிறார்கள். ஆனால், காலை உணவு கட்டாயம் என்று மருத்துவம் கடுமையாக எச்சரிக்கிறது. இரவு உணவுக்கும், காலை உணவுக்கும் இடையே நீண்ட இடைவெளி இருப்பதால்தான் காலை உணவை பிரேக் ஃபாஸ்ட் அதாவது விரதத்தை உடைப்பது என்றே பெயரிட்டுச் சொல்கிறோம். காலை உணவு சாப்பிடுபவர்கள் மட்டுமே நாள் முழுதும் வேகமாக செயல்படுவதோடு  மனஅழுத்தம் இன்றி மகிழ்ச்சியாகவும் இருக்கிறார்கள் என்று ஆய்வுகள் சொல்கிறது.

இரவு உண்ட உணவு செரித்து குளுக்கோஸாக மாறுகிறது. இந்த குளுகோஸ் கல்லீரலிலும் தசைகளிலும் கிளைகோஜனாக  மாறி தங்குகிறது. இரவு முழுக்க உள்ளுறுப்புகளை இந்த சக்தி இயக்குகிறது. இதனால், காலையில் இந்த கிளைகோஜன் தீர்ந்து விடுகிறது. இதனால்,  இழந்த சக்தியை மீண்டும் பெற காலையில் ப்ரோட்டீன், மாவுச்சத்து, விட்டமின்கள் அடங்கிய உணவை எடுத்துக்கொள்வது கட்டாயம். எளிதில் ஜீரணமாகும் உணவை விட நார்ச்சத்து கொண்ட  உணவை காலையில் சாப்பிட்டால் அது உடனே செரிமானம் ஆகாமல் அந்த நாள் முழுக்க சக்தியை கொடுக்கும். கோதுமை ரொட்டி, கஞ்சி, ஓட்ஸ் கஞ்சி, பிரெட் சான்ட்விச், உப்புமா, கொழுப்புச் சத்து குறைந்த பால், பயறு வகைகள், முட்டை, கேழ்வரகு அடை, தயிர், மோர், மக்காசோளம், பழங்கள் ஆகியவற்றையும் சேர்த்துக்கொள்வது சிறந்த காலை உணவாக இருக்கும்.


சர்க்கரை வியாதி வராமல் இருக்கவும், மயக்கம், மன அழுத்தம், சோர்வு, தலைவலி, மூட்டு வலிகள் வராமல் இருக்கவும், காலை உணவு அவசியமானது. காலை உணவை எடுத்துக்கொள்வதால் உடல் எடை சீராகவும் இருக்கிறது. நீண்ட ஆயுளும், அழகான பொலிவையும் காலை உணவு அளிக்கிறது என்று மருத்துவர்களும் உறுதி செய்கிறார்கள். எனவே எது நடந்தாலும் சரி, இனி காலை உணவை தவிர்க்கவே தவிர்க்காதீர்கள்.