!...Payanam...!

பிக்பாஸ் நிகழ்ச்சியின் மூதல் நாளிலிருந்தே வெளியே பரபரப்பாக பேசப்பட்டவர் ஜூலி. கேலி, கிண்டலகள், மீம்ஸ் என ஒரு பக்கம் இருந்தாலும் திறமையானவர் என்று சகபோட்டியாளர்களிடம் பெயர் எடுத்தவர்.

தற்போது ஆரம்பித்துள்ள ஓடி விளையாடு பாப்பா நிகழ்ச்சியில் இவர் தொகுப்பாளராகி விட்டார். இந்நிகழ்ச்சியை தொகுத்து வழங்கி வந்த சஞ்சீவ்க்கு சற்று ஓய்வு தேவைப்பட்டதாம்.

புதிதாக ஒருத்தருக்கு வாய்ப்பு கொடுக்கலாம் என்ற நினைத்த போது ஜூலியை ஓகே செய்துவிட்டாராம் கலா மாஸ்டர். பிக்பாஸ் நிகழ்ச்சியில் ஜூலி தான் ஒரு நிகழ்ச்சி தொகுப்பாளர் ஆகவேண்டும் என்ற ஆசையை சொல்லியிருந்ததை சொன்னதை நோட் பண்ணியிருக்கிறார் மாஸ்டர்.

ஜூலி ஒரு காலேஜில் டான்ஸ் ஆடிவிட்டு வெளியே வந்தபோது மாஸ்டர் நேரில் இதுபற்றி அவரிடம் பேசினாராம். அப்போது ஜூலி அவரிடம் எல்லோரும் என்னை குறையாகவே பார்க்கும் போது நீங்க அது பற்றி எதுவும் கேட்கவில்லையே என கேட்டாராம்.

அதற்கு மாஸ்டர் மற்றவர்களுடையே கமெண்ட்ஸ் எனக்கு தேவையில்லை. திறமையை வெளிக்காட்ட ஒரு வாய்ப்பை உங்களுக்கு வழங்குகிறேன். அதை பயன்படுத்தி குறைகளை சரிசெய்து பாசிட்டிவ் ஆக்கிவிடுங்கள் என மாஸ்டர் சொன்னதும் ஜூலி கண் கலங்கி அழுவிட்டாராம்.

முதல் நாள் எபிசோடை டான்ஸ் உடன் ஆரம்பித்து சிறு சிறு பதற்றங்கள் இருந்தாலும் சரியாக செய்துவிட்டாராம். அதை பார்த்து அவருடைய அம்மா, அப்பா பெருமையுடன் நன்றி சொல்ல கலா மாஸ்டர் கண் கலங்கிவிட்டாராம்.

மேலும் ஜூலியின் மனது புண்படும் படி யாரும் பேசக்கூடது என ரூல்ஸ் போட்டிள்ளாராம்.

அஜித் தென்னிந்திய சினிமாவில் தனக்கென்று பெரிய ரசிகர்கள் வட்டத்தை வைத்திருக்கும் நடிகர். சினிமாவின் தைரியமான முடிவுகளை மிகவும் துணிச்சலாக எடுப்பவர்.

அப்படித்தான் சில வருடங்களுக்கு முன் பல முன்னணி நடிகர்கள் தயங்கிய சால்ட் & பெப்பர் லுக்கில் நடித்து அசத்தினார். இவர் இந்த தோற்றத்திற்கு மாறிய பிறகு தொடர்ந்து மங்காத்தா, ஆரம்பம், வீரம், என்னை அறிந்தால், வேதாளம் என ஹிட் படங்களாக கொடுத்தார்.

ஆனால், ஒரே கெட்டப்பில் எத்தனை முறை தான் பார்ப்பது, அதை விட அஜித் ரசிகர்கள் மிகவும் கோபத்தில் இருப்பது மீண்டும் சிவா இயக்கத்தில் அஜித் நடிப்பது தான்.

அஜித்தை எத்தனை சிவா படங்களில் வேண்டுமானாலும் நடிக்கசொல்லுங்கள், ஆனால், கேப் வேண்டும் என்று கடந்த வாரம் பலரும் கூறினார்கள், ஆனால், இது அஜித் காதுகளுக்கு சென்றதா? என்று தெரியவில்லை.

சரி, ஒரு சில ரசிகர்கள் மனதை தேற்றிக்கொண்டு சிவாவிடம் ஒரு சில கோரிக்கைகளை வைத்துள்ளனர், அதவாது சிவா கடைப்பிடிப்பாரா? இல்லை தல கேட்பாரா? பார்ப்போம்.

இதில் முக்கியமாக இனி சால்ட் & பெப்பர் லுக்கே வேண்டாம், பார்த்து மிகவும் போர் அடித்துவிட்டது, தயவு செய்து அதை மாற்றுங்கள் என்று கேட்டுள்ளனர்.

இதை தொடர்ந்து ஹீரோவிற்கு ஓவர் மாஸ் வசனங்கள் வேண்டாம், குறிப்பாக ஹீரோவை புகழும் வில்லன் வேண்டாவே வேண்டாம்.

அதேபோல் படத்தில் செண்டிமெண்ட் காட்சிகள் அவசியம் தான், ஆனால், ஒரு ஹாலிவுட் படம் எடுக்கின்றேன் என்று சொல்லிவிட்டு, அதில் சேஸிங்கில் செண்டிமெண்ட் காட்சி வைத்தது எங்களுக்கு பிடிக்கவில்லை, இனி வரும் படங்களில் இப்படியெல்லாம் வேண்டாம்.

மேலும், அஜித் ஒரே மேனரிசத்தை பின்பற்றுவது, ஒரே பாணியில் இழுத்து பேசுவது எல்லாம் இனி ஒரு போதும் வேண்டாம்.

இதில் குறிப்பாக வில்லன் கதாபாத்திரத்தை அழுத்தமாக வையுங்கள், கடந்த மூன்று படத்திலும் வில்லன் கதாபாத்திரம் தான் மைனஸ் என்றும் தெரிவித்துள்ளனர்.

இதுபோல் அஜித் ரசிகர்கள் மிகவும் நாகரீகமாக தங்கள் கோரிக்கைகளை சிவாவிடம் எடுத்து வைக்க, இது அவர் எண்ணத்திற்கு செல்லுமா? பார்ப்போம்.
அட்டகாசமான கொண்டாட்டத்தில் இறங்கிய அஜித் ரசிகர்கள்

கோவா தலைநகர் பனாஜியில் ஏடிஎம் கொள்ளையனை காவலாளி ஒருவர் துணிச்சலுடன் பிடிக்க முயலும் வீடியோ காட்சி வெளியாகியுள்ளது. இந்த முயற்சியில் கொள்ளையனிடம் அவர் பலமுறை தலையில் சுத்தியலால் அடி வாங்குவது மனதை பதற வைக்கிறது.

கோவா தலைநகர் பனாஜியில், பேங்க் ஆப் மகாராஷ்டிரா வங்கி ஏடிஎம் ஒன்றில் கடந்த வெள்ளிக்கிழமை நள்ளிரவு முகமூடி அணிந்த மர்ம நபர் ஒருவர் நுழைந்து, ஏடிஎம் இயந்திரத்தை உடைத்து கொள்ளையடிக்க முயன்றார். இதைக் கண்ட காவலாளி, ஏடிஎம் உள்ளே நுழைந்து அந்தக் கொள்ளையனை பிடிக்க முயன்றார். இதையடுத்து கொள்ளையன் அங்கிருந்து தப்பிக்கும் முயற்சியாக, தன்னிடம் இருந்த சுத்தியலால் காவலாளியின் தலையில் தாக்க முயன்றார். கொள்ளையன் சுத்தியலால் அடிப்பதை காவலாளி யால் சிலமுறை மட்டுமே தவிர்க்க முடிந்தது. பலமுறை தவிர்க்க முடியவில்லை. எனினும் கொள்ளையனை பிடிக்கும் முயற்சியை அவர் கைவிடவில்லை. இறுதியில் அவர் கொள்ளையனிடமிருந்து சுத்தியலை பறிக்கும்போது, கொள்ளையன் ஒருவழியாக தன்னை விடுவித்துக்கொண்டு, தான் கொண்டு வந்த கறுப்பு நிற ‘பேக்’ உடன் அங்கிருந்து தப்பிச் சென்று விடுகிறார். எனினும் தலையில் வழியும் ரத்தத்துடன் கொள்ளையனை பிடிக்க காவலாளி பின்னால் ஓடுகிறார்.

இந்தக் காட்சி அங்குள்ள கண்காணிப்பு கேமராவில் பதிவாகியுள்ளது. இதனை ஏஎன்ஐ செய்தி நிறுவனம் வெளியிட்டுள்ளது. 40 விநாடிகள் கொண்ட இந்த வீடியோவில் சுத்தியலால் காவலாளி அடி வாங்கும் காட்சி நம் மனதை பதற வைக்கிறது.

ஏடிஎம் கொள்ளை முயற்சி தொடர்பாக போலீஸார் வழக்குப் பதிவு செய்துள்ளனர். கண்காணிப்பு கேமரா காட்சியின் அடிப்படையில் கொள்ளையனை பிடிக்க தீவிர முயற்சி மேற்கொண்டுள்ளனர்.

நவம்பர் 10-ல் வரும் திப்பு சுல்தான் பிறந்த நாளை திப்பு ஜெயந்தியாக கொண்டாடுகிறது கர்நாடக அரசு. ஆனால், திப்புவுக்கு அரசு சார்பில் விழா கொண்டாடக் கூடாது என்கிறார் மத்திய இணை அமைச்சர் அனந்த் குமார் ஹெக்டே. இதற்கு அவர் சொல்லியிருக்கும் காரணம் திப்பு சுல்தான் ஏராளமான இந்துக் கோயில்களையும் இந்துக்களையும் அழித்தவர் என்பது! கர்நாடகத்தில் இப்படி களேபரங்கள் நடந்து கொண்டிருக்க, தமிழகத்தில் கோவை அருகே பேரூர் பட்டீஸ்வரர் கோயில் சிவனுக்கு திப்பு சுல்தான் உத்தரவுப்படியே இன்றைக்கும் தினமும் தீவட்டி சலாம் வைக்கப்படுவதாகச் சொல்லப் படுகிறது!

சரியாக மாலை ஐந்து மணி. திருச்சிற்றம்பலம் என எழுதப்பட்ட கோயிலின் முன் மண்டபத்துக்கு வரு கிறார் கோயில் ஊழியர். அங்கே துணியால் சுற்றப்பட்டு தயாராய் வைத்திருக்கும் பந்தத்தை எடுத்து எண்ணெயில் தோய்த்து தீவட்டி கொளுத்துகிறார். பற்றவைத்த தீவட்டியை கையில் எடுத்துக் கொண்டு அந்த மண்டபத்தைக் கடந்து பிரகாரத்தில் இருக்கும் கம்பப் தொழுவு சுற்றுகிறார். அப்படியே கொடி மரத்தையும் சுற்றிவந்து, கொடி மர மண்டப வாசலில் தீவட்டியை தலைகுப்புறச் சாய்த்து ஒரு சலாம் வைக்கிறார். அடுத்து, கோயிலின் பிரதான வாயிலிலும் நின்று மும்முறை அதேபோல் தீவட்டி சாய்த்துச் சலாம் வைக்கிறார் கோயில் ஊழியர். அதன்பிறகு, மீண்டும் புறப்பட்ட இடத்துக்கே வந்து நந்திக்கும் மூன்று சலாம் வைத்து தீவட்டியை அணைக்கிறார்.

இந்த தீவட்டி சலாம் வைபவம் முடிந்த பிறகு மண்டபத்தின் முகப்பில் இருக்கும் விநாயகருக்கு பூஜை நடக்கிறது. அதன் பிறகுதான் கோயிலின் பிரதான மூர்த்திக்கு பூஜைகள் தொடங்குகின்றன. சோழர் காலத்தில் கட்டப்பட்ட பேரூர் பட்டீஸ்வரர் கோயிலின் ஈஸ்வரனுக்கு தினமும் இப்படி தீவட்டி சலாம் செய்ய உத்தரவிட்டதும் திப்பு சுல்தான் என்று சொல்லப்படுவதே இதிலுள்ள தனிச்சிறப்பு!

சிவனுக்கு சலாம் வைத்தது ஏன்?

1790-களில் மைசூரிலிருந்து கோவை, பாலக்காடு மார்க்கமாக கள்ளிக்கோட்டை வரை படையெடுத்தார் திப்பு சுல்தான். அப்படி வருகையில், வழிநெடுகிலும் இருந்த கோயில்களை பரிபாலனம் செய்தவர்களும் ஊழியம் செய்தவர்களும் திப்புவின் படைகளுக்கு பயந்து ஊரை விட்டே ஓடினார்கள் என்பது வரலாற்றுப் பதிவு. அதேபோல், படையெடுப்பின் போது பல்வேறு கோயில்களுக்கும் மதமாச்சர்யங்களைக் கடந்து தானங்களையும் வெகுமதிகளையும் அளித்தார் திப்பு என்ற வரலாற்றுக் குறிப்புகளும் உள்ளன.

அந்த வகையில், பேரூர் பகுதியில் திப்புவின் படைகள் பலமுறை தடம் பதிக்க முயற்சித்ததாகவும் அப்போதெல்லாம் பல இடர்பாடுகள் ஏற்பட்டு படைகள் பின்வாங்கியதாகவும் ஒரு தகவல் சொல்கிறார்கள். ஒருமுறை, பேரூரை படைகள் நெருங்கி விட்ட சமயத்தில் திடீரென திப்பு சுல்தானுக்கு உடல் நலக்குறைவு ஏற்பட்டதாம். அப்போது, பேரூர் கோயிலில் உள்ள ஏதோவொரு சக்திதான் இத்தனைக்கும் காரணம் என்பதை திப்பு உணர்ந்து கொண்டதாகவும், அதுமுதல், பேரூர் கோயிலில் தனது பெயரில் தினமும் தீவட்டி சலாம் செய்ய உத்தரவிட்டதாகவும் ஒரு தகவல் சொல்லப்படுகிறது. அன்றிலிருந்து பட்டீஸ்வரருக்கு தினமும் திப்புவின் பெயரால் இந்த தீவட்டி சலாம் வைக்கப்படுவதாகச் சொல்கிறார்கள் கோயில் ஊழியர்கள். இப்படி தீவட்டி சலாம் வைத்து ஊழியம் செய்பவரின் குடும்பத்துக்கு நிலங்களை மானியமாக கொடுத்திருக்கிறார் திப்புசுல்தான்.

தமிழ்நாட்டில் இங்கு மட்டும்தான்!

நாம் போயிருந்த சமயம் பட்டீஸ்வரருக்கு தீவட்டி சலாம் செய்து கொண்டிருந்தார் ஊழியர் ஜி.மூர்த்தி. அவரிடம் பேசினோம். “எனக்குத் தெரிஞ்சு எங்க தாத்தா காலத்துலருந்து எங்க குடும்பத்து ஆட்கள் இந்த தீவட்டி சலாம் செய்யுறோம். எனக்கும் பதினேழு வருசம் கடந்துருச்சு. இந்த ஊழியத்துக்காக இப்ப எங்களுக்கு கோயில் தரப்பிலிருந்து தினமும் 400 கிராம் அரிசியை பிரசாதமா தர்றாங்க. இந்து சமயக் கோயிலில் முஸ்லிம் மன்னர் ஒருவரின் பெயரால் சாமிக்கு மரியாதை செய்யப்படும் வழக்கம் தமிழ்நாட்டில் இங்கு மட்டும் தான் இருக்கு. இதை எங்க தாத்தாவும் அப்பாவும் அடிக்கடி சொல்லக் கேட்டிருக்கிறேன்” என்றார்.

பேரூர் கோயிலின் அறநிலையத்துறை அலுவலர் ஒருவர் நம்மிடம் பேசுகையில், “பிரிட்டீஷார் காலத்தில் இங்கு இதுபோல 86 வகையான ஊழி யங்கள் இருந்தன. அவற்றைச் செய்துவந்த குடும்பங்கள் அனைத்துக்கும் நிலங்கள் தானமாக வழங்கப்பட்டிருக்கு. தீவட்டி சலாம் செய்யும் குடும்பத்தினருக்கும் அப்படித்தான் வழங்கப்பட்டிருக்கு” என்றார்.

ஜல்லிக்கட்டுப் போராட்டத்தின் மூலமாகத் தமிழக மக்களிடம் அறிமுகமான ஜூலியானாவை தனது பிக் பாஸ் நிகழ்ச்சியில் கலந்து கொள்ள வைத்தது விஜய் டி.வி.

இதில் கலந்துகொண்ட பிரபலங்களில் ஜூலி மட்டுமே பொது ஜனங்களின் ஒருவராக அறிமுகமானார். நிகழ்ச்சியில் இவர் கலந்து கொண்டது முதலே இவரது நடவடிக்கைகள், செயல்கள் மூலமாக ஜூலியைச் சிலர் வெறுக்க ஆரம்பித்தனர். ஆனால், இவை எது பற்றியும் கவலை கொள்ளாமல் தனது இலக்கை நோக்கி ஜூலி சென்று கொண்டேதான் இருந்தார்.

நர்ஸாக இருந்த ஜூலி நிகழ்ச்சித் தொகுப்பாளராக இருக்க ஆசைப்படுவதாகக் கூறியிருந்தார். தற்போது இவரது ஆசை கலைஞர் டி.வி-யின் வாயிலாக நிறைவேறியிருக்கிறது. கலைஞர் டி.வி-யில் ஒளிப்பரப்பாகிவரும் ஓடி விளையாடு பாப்பா நிகழ்ச்சியின் ஆறாவது சீஸனை கோகுலுடன் சேர்ந்து இவர் தொகுத்து வழங்கப்போகிறார்.

இது குறித்து ஜூலியிடம் கேட்டபோது, ``சமீபத்தில் எனக்கு கலா மாஸ்டர் போன் பண்ணி, `என்னோட ஷோவுக்கு ஆங்கராக இருக்க உனக்கு விருப்பமா’னு கேட்டார். நானும் ஓகேனு சொன்னேன். நான் ஓகே சொன்ன ரெண்டாவது நாள், கலா மாஸ்டர் கால் பண்ணி `நீதான் என் ஷோவோட ஆங்கர்’னு சொன்னார். என் நீண்ட நாள் ஆசை கலா மாஸ்டர் மூலமா நிறைவேறியிருக்கு. அவருக்குதான் நன்றி சொல்லணும். ஒரு சக்சஸ்ஃபுல் தொகுப்பாளியாக நான் வலம் வருவேன்னு எனக்கு நம்பிக்கை இருக்கு’’ என்றார்.

திபெத்திலிருந்து பிரம்மபுத்ரா நதியை சீனப் பகுதிக்குள் திருப்ப 1000 கிலோ மீட்டர் நீளத்துக்கு சுரங்கப்பாதை அமைக்க சீனா திட்டமிட்டுள்ளது.

பிரமபுத்திரா நதியை திருப்ப திட்டம்.

உலகிலேயே உயர்ந்த பீடபூமியான திபெத்தில் உற்பத்தியாகி, அருணாச்சலப்பிரதேசம், அஸ்ஸாம் வழியாகப் பாய்ந்து, வங்கதேசத்தில் கடலில் சேர்கிறது பிரம்மபுத்ரா நதி. 2,900 கிலோ மீட்டர் நீளம்கொண்ட இந்த நதி, லட்சக்கணக்கான மக்களின் வாழ்வாதாரம்.

பிரம்மபுத்ரா நதியை வடமேற்கு சீனாவில் உள்ள ஜின்ஜியாங் மாகாணத்துக்குத் திருப்பி விட, 1000 கிலோ மீட்டர் தொலைவுக்கு சுரங்கப்பாதை அமைக்கத் திட்டமிட்டுள்ளது அந்நாடு. இந்த சுரங்கப்பாதை அமையும்பட்சத்தில், உலகிலேயே அதிக நீளமானதாக இது  இருக்கும். பிரம்மபுத்ராவை சீனாவுக்குள் திருப்புவதை சீனா தனது லட்சியத் திட்டம் என்று சொல்கிறது.

இதற்கு முன்னோட்டமாக, 600 கி.மீ நீளத்துக்கு சுரங்கம் ஒன்றை யூனான் மாகாணத்தில் சீனா வெட்டிவருகிறது. சுரங்கம் வெட்டும் பணிகள், கடந்த ஆகஸ்ட் மாதத்தில் தொடங்கியது என 'சைனா மார்னிங் போஸ்ட்'  பத்திரிகை செய்தி வெளியிட்டுள்ளது. பிரம்மபுத்ரா திருப்பப்பட்டால், ஜின்யாங் மாகாணம் கலிஃபோர்னியா போல மாறிவிடும் என்றும் அந்தப் பத்திரிகை சொல்கிறது.

ஏற்கெனவே, திபெத் பீடபூமியில் பிரம்மபுத்ரா நதியில் அணைகள், நீர் மின்நிலையங்கள் கட்டி,  இந்தியாவுக்கு வரும் தண்ணீரின் அளவை சீனா குறைத்துள்ளது. 'மின்சார உற்பத்திக்காக மட்டுமே பிரம்மபுத்ராவில் அணை கட்டுவதாகவும் நீரின் அளவை குறைக்கவில்லை' என்று சீனா மறுப்பது வாடிக்கை. இந்த சுரங்கத் திட்டம் செயல்படுத்தப்பட்டால், இந்தியாவுக்குக் கிடைக்கும் தண்ணீரின் அளவு வெகுவாகக் குறைந்துவிடும். இந்தியாவின் வடகிழக்கு மாநிலங்கள், வங்கதேசம் ஆகியவை பெரிதும் பாதிப்புக்குள்ளாகும்.

லியானிங் மாகாணத்தில் Dahuofang water project திட்டத்துக்காக 85 கிலோ மீட்டர் நீளமுள்ள சுரங்கம் வெட்டியுள்ளது அந்நாடு. தற்போது, சீனாவில் இதுதான் மிகப் பெரிய சுரங்கம்.  நியூயார்க் நகருக்கு குடிநீர் வழங்கும் திட்டத்துக்காக 137 கிலோ மீட்டர் நீளமுள்ள சுரங்கப்பாதை உள்ளது. உலகளவில் இந்த சுரங்கம்தான் நீளமானது.

சுரங்கப்பாதை ஆராய்ச்சியாளர் வாங் வீ, சுரங்கம் அமைப்பதில் தலைசிறந்த நிபுணரான வாங் மெங்சூ உள்ளிட்ட 100 பேர் கொண்ட குழு, 1000 கி.மீ நீளமுள்ள சுரங்கப்பாதை மாதிரியைத் தயாரித்துள்ளது. திபெத்தில் சங்ரி கன்ட்ரி என்ற  பகுதியில் பிரம்மபுத்ரா நதிக்குள் செயற்கைத் தீவு ஏற்படுத்தி, அங்கிருந்து  சுரங்கப்பாதை தொடங்க உள்ளது.

பிரம்மபுத்ரா தண்ணீரைக்கொண்டு ஜியாங் கியாங் மாகாணத்தில் உள்ள டக்லிமாகன் பாலைவனப்பகுதியைச் செழுமையாக்குவது என்பது சீனா வின் எண்ணம். இதற்காக, 150 பில்லியன் அமெரிக்க டாலர்களைச் செலவிடப் போவதாகவும் சொல்லப்படுகிறது.

பிரம்மாண்ட பட்ஜெட்டில் தயாராகிவரும் 2.0 படம் ஜனவரி 25ம் தேதி வெளியாகாமல் தள்ளி போகலாம் என சில நாட்கள் முன்பு தகவல் பரவியது. மேலும் காலா படம் பொங்கலுக்கு வரும் எனவும் வதந்தி பரவியது.

அதற்கு தனுஷின் தயாரிப்பு நிறுவனம் ட்விட்டரில் பொங்கலுக்கு காலா வெளியாகாது என விளக்கம் அளித்திருந்தனர்.

இந்நிலையில் சென்னை விமான நிலையத்தில் ரஜினி அளித்துள்ள பேட்டியில் "2.0 படம் தான் முதலில் வெளியாகும். அதன்பிறகு காலா படம் வெளியாகும்" என தெரிவித்துள்ளார்.

மத்தியப் பணியாளர் தேர்வு வாரியம் (UPSC) நடத்தும் ஐ.ஏ.எஸ் மெயின் தேர்வில் காப்பியடித்த ஐ.பி.எஸ் அதிகாரி ஷபீர் கரிம் என்பவர் பிடிபட்டார்.

சென்னை மாநில மகளிர் மேல்நிலைப் பள்ளியில் ஐ.ஏ.எஸ் தேர்வு எழுதிய ஷபீர் கரிம், ப்ளூடூத் ஹெட்செட் மூலம் மனைவியிடம் கேள்விகளுக்கான பதிலைப் பெற்று எழுதியதாகத் தெரிகிறது. தேர்வறைக் கண்காணிப்பாளர் அளித்த புகாரின் பேரில், அவரிடம் எழும்பூர் போலீஸார் விசாரணை நடத்தி வருகின்றனர். ஐ.ஏ.எஸ் தேர்வில் முறைகேட்டில் ஈடுபட்ட அவர் மீது இந்திய தண்டனைச் சட்டம் பிரிவு 420-ன் கீழ் வழக்குப்பதிவு செய்யப்பட்டுள்ளது. மேலும், ஹைதராபாத்திலிருந்து உதவிய அவரின் மனைவியிடமும் விசாரணை நடைபெற்று வருவதாகத் தெரிகிறது.

கேரள மாநிலத்தைச் சேர்ந்தவரான ஷபீர் கரிம், நெல்லை மாவட்டம் ஏர்வாடி காவல்நிலையத்தில் கடந்த பிப்ரவரி மாதம் முதல் ஜூலை வரை பயிற்சியில் இருந்தவர். தற்போது முசௌரியில் பயிற்சியில் இருந்த அவர், யு.பி.எஸ்.சி தேர்வில் முறைகேட்டில் ஈடுபட்டபோது பிடிபட்டார். சரண் இயக்கத்தில் கமல் நடித்து வெளியான வசூல் ராஜா எம்.பி.பி.எஸ் படத்தில், மருத்துவத் தேர்வு ஒன்றை ப்ளூடூத் ஹெட் செட் மூலம் கிரேஸி மோகனிடமிருந்து பதில்களைப் பெற்று கமல் எழுதுவதுபோல் காட்சி ஒன்று இடம்பெற்றிருக்கும்.

ஐயோ பாவம்… தமிழ்சினிமாவின் சொப்பன சுந்தரிகளில் ஒருவரான அமலா பால் கடும் சிக்கலுக்கு ஆளாகியிருக்கிறார். (சட்டத்தின் சந்து பொந்துகளில் புகுந்து அவரை காப்பாற்றிவிட ஒரு பெரும் கூட்டம் இந்நேரம் தயாராகியிருக்கும்) ஆசைப்பட்ட பென்ஸ் காரை, அனுபவிப்பதற்குள் வந்தது சிக்கல். அவர் பல லட்ச ரூபாய் வரி ஏய்ப்பு செய்துவிட்டதாக குற்றம் சாட்டப்பட்டுள்ளது.

குற்றம் நடந்தது என்ன?

பாண்டிச்சேரிக்கு துணை மாநிலம் என்கிற அந்தஸ்து உண்டு. பிரெஞ்ச் ஆதிக்கத்துடன் சந்தோஷமாக இருக்கும் இம்மாநிலத்தில் பல்வேறு பொருட்களுக்கு வரி கம்மி. முக்கியமாக கார், ஸ்கூட்டர் போன்ற வாகனங்களுக்கு இந்தியாவின் மற்ற மாநிலங்களில் போடப்படும் வரியை விட பல மடங்கு குறைவு. இதை பயன்படுத்தி பாண்டிச்சேரியில் ஒரு போலி முகவரியை தயார் செய்து அந்த முகவரியை காட்டி பென்ஸ் காரை பர்சேஸ் செய்துவிட்டார் அமலாபால். (ஐடியா கொடுத்த புண்ணியவானுக்கும் சேர்த்து ஃபெயின் போடுங்க மை லார்ட்)

கேரளாவில் இந்த காரை ஓட்டி வந்த அவரது தில்லுமுல்லு சமீபத்தில் கண்டுபிடிக்கப்பட்டுவிட்டது. சம்பந்தப்பட்ட முகவரியிலிருக்கும் பேச்சுலர் பையன், எனக்கு அமலா பால் யாரென்றே தெரியாது என்று கூறிவிட, படக்கென்று அமுக்கிவிட்டனர் அதிகாரிகள். அமலாபால் மீது வழக்கு பதிவு செய்யப்பட்டுள்ளது.

இப்படி வரி ஏய்ப்பு செய்தால் குறைந்த பட்சம் 7 ஆண்டுகள் வரை சிறை தண்டனை கிடைக்குமாம்.

இந்தியாவின் சட்ட திட்டத்தின் மீது அபார நம்பிக்கை கொண்ட மக்கள், இந்த செய்தியை எப்படி எடுத்துக் கொள்வார்களோ? அது கிடக்கட்டும்… அந்த காரின் அடிப்படை விபரங்கள் கீழே-

Vehicle Number : PY05D 0500
Owner Name : AMALA PAUL
Registration Authority : Registration Authority: oulgaret
Registration Date: 09-Aug-2017, Age:0 Years & 2 Months old
Vehicle Model : MERCEDES BENZ INDIA LTD, MERCEDES-BENZ S350 D L
Vehicle Class : L.M.V. (CAR) (LMV)
Vehicle Type : DIESEL
Chasis No : L.M.V. (CAR) (LMV)
Engine No : 642861419XXXXX (RTO has masked the engine no for security reasons)

‘ஒனக்கு வந்தா ரத்தம்… எனக்கு வந்தா தக்காளி சட்னியா?’

தமிழ் கூறும் நல்லுலகத்தின் திருக்குறளாகிவிட்ட இந்த ரெண்டு வார்த்தைக்குள், அயோடக்ஸ், அனாசின் உள்ளிட்ட அத்தனை வலி நிவாரணிகளையும் குழைத்து அடித்த பெருமை வடிவேலுவுக்கு மட்டுமே உண்டு.

அதே டயலாக்கை அவருக்கே ரிப்பீட் அடிக்க வேண்டிய கட்டாயத்திலிருக்கிறது தமிழ்சினிமா. ஏன்? ‘இம்சை அரசன்’ வடிவேலு தரும் இம்சைகள் அப்படி. அதுவும் இந்தியாவே உச்சந்தலையில் வைத்துக் கொண்டாடும் டைரக்டர் ஷங்கர், வடிவேலுவிடம் சிக்கிக்கொண்டு தவிக்கிற கொடுமை இருக்கிறதே… வற்றிய குளம் நிரம்பி, வாளை மீனே துள்ளுகிற அளவுக்கு கண்ணீர் நிரம்பிய கண்றாவி அது!

வடிவேலுவுக்கு ஹீரோ அந்தஸ்தை கொடுத்த முதல் படம் இம்சை அரசன் 23 ம் புலிகேசி. ஏறத்தாழ ரஜினி படத்தின் ஓப்பனிங். அதே அளவுக்கு கலெக்ஷன் என்று இன்டஸ்ட்ரியையே திரும்பி பார்க்க வைத்த படம் அது. அதற்கப்புறம் சிம்புதேவன் இயக்கிய படங்களும் ஓடவில்லை. வடிவேலு தனிப்பட்ட முறையில் ட்ரை பண்ணிய இந்திரலோகத்தில் நா அழகப்பன், எலி மாதிரியான படங்களும் சர்வ நாசம் ஆனதுதான் மிச்சம். நடுவில் சில வருஷங்கள் வன வாசம் போயிருந்த வடிவேலு கத்திசண்டை படத்தின் மூலம் திரும்ப என்ட்ரி கொடுத்தும், துளி பிரயோஜனம் இல்லை.

அண்மையில் வந்த ‘மெர்சல்’ படத்திலும் கூட, வடிவேலுவின் பர்பாமென்ஸ் ஜீரோவுக்கும் மேலே. சில்லரைக்கும் கீழே.

இந்த உண்மைகள் எதுவும் புரியாத வடிவேலு, தான் டாப்பில் இருந்த நாட்களை இப்பவும் நினைத்துக் கொண்டு கொடுக்கிற இம்சைகள்தான் இந்த கட்டுரையின் மெயின் பகீர்.

ஷங்கரின் எஸ் பிக்சர்ஸ் படம் எடுப்பதை நிறுத்தி பல வருஷங்கள் ஆகிவிட்டது. இந்த நிலையில் மீண்டும் அவரை அணுகிய டைரக்டர் சிம்புதேவன், “இம்சை அரசன் 23 ம் புலிகேசி படத்தின் பார்ட் 2 எடுக்கலாம்” என்று யோசனை கூற, ஷங்கரும் சம்மதித்தார். இவருடன் இணைந்து படத்தை தயாரிக்க முன் வந்தது லைக்கா நிறுவனம். சில பல பேச்சு வார்த்தைகளுக்குப் பின், வடிவேலுவுக்கு 3 கோடி சம்பளம் நிர்ணயிக்கப்பட்டு ஒரு கோடி அட்வான்ஸ் வழங்கப்பட்டது. 2016 ம் ஆண்டுக்குள் படத்தை முடித்துவிடுவதாக திட்டம் போட்டார்கள்.

பூஜைக்காக ஒரு நாள் குறித்து விட்டு காலை எட்டு மணிக்கு வருவதாக ஒப்புக் கொண்டு கிளம்பினார் வடிவேலு. எட்டு மணிக்கெல்லாம் யூனிட்டே வந்து காத்திருக்க… பத்து மணி வரை அந்தப்பக்கமே வரவில்லை வடிவேலு. ‘ஷங்கர் சாரே வந்து காத்திருக்கார்’ என்று தகவல் போன பின்பும் நோ ரெஸ்பான்ஸ். 2.0 படத்தின் வேலைகளை போட்டுவிட்டு, வடிவேலுவுக்காக சுமார் மூன்று மணி நேரம் காத்திருந்தார் ஷங்கர். இப்படி முதல் நாள் ஷுட்டிங்கே முணுமுணுப்புடன் துவங்க, எவ்வித கோபத்தையும் காட்டிக் கொள்ளாமல் கிளம்பிப் போனாராம் ஷங்கர்.

அதற்கப்புறமும் படப்பிடிப்புக்கு வரவேயில்லை வடிவேலு. ‘கதையை முழுசா கேட்கணும். அதுல இதை மாற்றணும். அதை மாற்றணும்’ என்று சொல்லி சொல்லியே நாட்களை கடத்தி வந்திருக்கிறார். அதற்குள் வடிவேலும் வேறு வேறு படங்களில் நடிக்கக் கிளம்ப… சும்மாவே போனது நாட்கள். மறுபடியும் பேச்சு வார்த்தை துவங்கி வடிவேலுவை கொண்டு வர முயன்ற சிம்புதேவனுக்கு அதிர்ச்சி மேல் அதிர்ச்சி. ‘இன்னும் இரண்டு கோடி அதிகம் கொடுத்தால் வர்றேன்’ என்றாராம் வடிவேலு. எப்படியோ பேசி அந்த இரண்டு கோடியை ஒரு கோடியாக குறைத்து மேலும் கொஞ்சம் அட்வான்ஸ் கொடுத்து மீண்டும் படப்பிடிப்புக்கு நாள் குறித்திருக்கிறார்கள்.

ஈவிபி ஸ்டூடியோஸ், மற்றும் அடையாறில் இன்னொரு இடத்தில் செட் என்று இரண்டு செட்டுகள் போடப்பட்டன. இவ்விரண்டு செட்டுகளிலும் சேர்த்தே சுமார் ஆறு நாட்கள் மட்டும் நடித்துக் கொடுத்த வடிவேலு சொல்லாமல் கொள்ளாமல் ஊருக்கு போய்விட, படக்குழுவினருக்கு பேரதிர்ச்சி. ‘மியூசிக் டைரக்டர் ஜிப்ரான் பிடிக்கல. அவரை மாற்று. லிரிக் பிடிக்கல. அவரை மாற்று. கதையில் இந்த சீன் பிடிக்கல. அதை மாற்று’ என்று வடிவேலு தருகிற இம்சைகள் சிம்புதேவனை நிலைய குலைய வைத்துவிட்டதாம்.

நடுவில் ‘எம்.ஜி.ஆருக்கு ஜோடியா நடிச்ச வெண்ணிறாடை நிர்மலாதான் எனக்கு அம்மாவா நடிக்கணும்’ என்று அடம் பிடித்த வடிவேலுவை சமாளிக்க முடியாமல், நடிப்பதையே விட்டுவிட்டு வீட்டில் ஓய்வெடுத்து வந்த வெண்ணிறாடை நிர்மலாவை கமிட் பண்ணியிருக்கிறார்கள். தினப்படி 40 ஆயிரம் தந்தால் நடிக்கலாம் என்று சம்மதித்த அவருக்கு சில லட்சங்கள் கொடுக்கப்பட்டுவிட்டன. ஆனால் ஒரு நாள் கூட இருவரையும் வைத்து ஷுட்டிங் எடுக்க முடியவில்லையாம் சிம்புதேவனுக்கு.

வடிவேலுவுடன் நடிக்கும் நட்சத்திரங்கள் லிஸ்ட்டிலிருந்த கருணாஸ், கஞ்சா கருப்பு, யோகிபாபு, மொட்டை ராஜேந்திரன் பெயர்களையெல்லாம் அடித்து திருத்திய வடிவேலு, ‘இவனுங்க எவனையும் நான் கண்லயே பார்க்கக் கூடாது’ என்று கூறியதால், அந்த ஏரியாவிலும் யாரை பில்லப் பண்ணுவது என்று குழம்பிப் போன சிம்புதேவன், ஒரு நாள் ஷங்கரை சந்தித்து எல்லாவற்றையும் குமுறலோடு கொட்டித் தீர்த்தாராம்.

இவர் சொல்வதற்கு முன்பே எல்லா இம்சைகளையும் கேள்விப்பட்டிருந்த ஷங்கர், வடிவேலுவை தொடர்பு கொள்ள முயன்று அதுவும் தோல்வியில் முடிய… சில தினங்களுக்கு முன் தயாரிப்பாளர் சங்கத்திற்கு நேரடியாகவே வந்துவிட்டாராம்.

பொதுவாக இன்டஸ்ட்ரியில் டாப்பில் இருக்கிற ரஜினி, கமல், விஜய், அஜீத் போன்ற நடிகர்களும், ஷங்கர் மணிரத்னம் போன்ற இயக்குனர்களும் தங்கள் பிரச்சனைகளை வீட்டிலிருந்தபடியே சரி செய்து கொள்வார்கள். ஆனால் ஷங்கர் நேரடியாகவே தயாரிப்பாளர் சங்கத்திற்கு வந்தார் என்றால், அதன் வீரியம் எப்படியிருக்கும்? தகவலை கேள்விப்பட்ட விஷால் ஓடோடி வந்தாராம் சங்கத்திற்கு.

நடந்த கதை அத்தனையையும் விஷாலிடம் விவரித்த ஷங்கர், “இந்தப் படத்தால் எனக்கு பல கோடிகள் நஷ்டம். போனால் போகட்டும்… வடிவேலுக்கு கொடுக்கப்பட்டிருக்கும் சுமார் இரண்டரை கோடி பணத்தை திரும்ப வாங்கிக் கொடுங்க. நான் வேறோரு ஹீரோவை வைத்து இந்தப்படத்தை முடித்துக் கொள்கிறேன்” என்று கூறியிருக்கிறாராம்.

நடிகர் சங்கத் தேர்தலில் விஷாலுக்கு உறுதுணையாக நின்றவர் வடிவேலு. தொழில் நேர்மைக்கும், வகிக்கிற பதவிக்கும் பெருமை சேர்க்கிறவர் விஷால். விருப்பு வெறுப்பை ஒதுக்கி வைத்துவிட்டு தீர்ப்பு சொல்ல வேண்டிய இக்கட்டில் இருக்கிறார் விஷால்.

எப்படி தீரப்போகிறதோ இந்த பிரச்சனை?

BiggBoss என்ற நிகழ்ச்சி மூலம் பலரின் கோபத்திற்கு ஆளானவர் ஜுலி. வீர தமிழச்சி என்று ஜல்லிக்கட்டு போராட்டத்தின் போது பாராட்டப்பட்ட இவர் இந்த நிகழ்ச்சி மூலம் அப்பெயரை கெடுத்துக் கொண்டார்.

இவர் அடுத்த என்ன செய்ய போகிறார் என்று பலரும் கேள்வி எழுப்பி வந்தனர். இந்த நிலையில் ஜுலி கலைஞர் தொலைக்காட்சியில் ஒரு நிகழ்ச்சியின் தொகுப்பாளராக கமிட்டாகியுள்ளார்.

திங்கள் முதல் வெள்ளி வரை அவரது ஷோ ஒளிபரப்பாக இருக்கிறதாம். ஜுலி தொகுத்து வழங்க இருக்கும் அந்த நிகழ்ச்சியின் நடுவர்களாக கலா மாஸ்டர் மற்றும் நடிகர் கோகுல் ஆகியோர் பங்கேற்கிறார்கள்.

பாகுபலி 2 படத்தை தொடர்ந்து இதிகாசமான மகாபாரதத்தை படமாக எடுக்கப்போவதாக தகவல்கள் வெளியானது. அப்படத்தை விட அதிமான ரூ 1000 கோடி பட்ஜெட் இப்படத்திற்கு ஒதுக்கப்பட்டுள்ளது.

இதில் மலையாள சூப்பர் ஸ்டார் மோகன் லால் பீமனாக நடிக்க இருக்கிறார். இப்படம் குறித்த விஷயத்தை இயக்குனர் ஸ்ரீகுமார் சமீபத்தில் பகிர்ந்துள்ளார்.

இதில் அவர் தற்போது இப்படத்திற்கான முன் கட்ட வேலைகள் நடந்துவருவதாகவும், விரைவில் வரும் ஜனவரி 19 ம் தேதி இப்படத்தில் முழுமையாக என்னை அர்பணிக்கப்போகிறேன் என அவர் கூறியுள்ளார்.

மேலும் இப்படத்திற்காக அவர் இன்னும் 15 கிலோ எடையை அதிகரித்துள்ளாராம். மேலும் 30 வயது போன்ற தோற்றம் இருக்குமாறு உடலை வடிவமைப்பதற்காக பிரான்ஸ் நாட்டு நிபுணர் ஒருவரை நியமித்துள்ளார்களாம்.

அதே இயக்குனருடன் ஒடியான படத்தில் மோகன் லால் நடித்து வருகிறார். இப்படத்தின் இரண்டாம் கட்ட ஷூட்டிங் நடைபெற்று வருகிறது.

நடிகர் விக்ரம் மகள் அக்சிதா திருமணம் வரும் நவம்பர் மாதம் 1ம் தேதி என்று நிறைய தகவல்கள் வந்தன. அவர்களது திருமணத்தை கலைஞர் கருணாநிதி அவர்கள் முன்னிலையில் நடக்க இருக்கிறது என்று கூறப்பட்டது.

இந்த நிலையில் மனுரஞ்சித், அக்சிதா திருமணம் இன்று காலை கோபாலபுரத்தில் உள்ள கருணாநிதி இல்லத்தில் நெருங்கிய உறவினர்கள் மத்தியில் நடந்துள்ளது.

இந்த திருமண விழாவில் கவிஞர் வைரமுத்து கலந்து கொண்டு மணமக்களை வாழ்த்தியுள்ளார்.

பிரபலங்களை அழைக்காததற்கும், வீட்டில் திருமணம் நடந்ததற்கும் கருணாநிதி தான் காரணமாம். ஏனெனில் அவரது முன்னிலையில் திருமணம் நடக்க வேண்டும் என்று உறவினர்கள் விரும்பியதாலும், அவருக்கு தொற்று நோய் இருப்பதால் யாருக்கும் பரவ கூடாது என்பதற்காகவும் தான் திருமணம் இப்படி நடந்துள்ளதாம்.

உலகில் நிறைய பேர் அவஸ்தைப்படும் பிரச்சனைகளில் ஒன்று தான் உடல் பருமன், தொப்பை. இத்தகைய தொப்பை மற்றும் உடல் பருமனை குறைக்க பலர் பலவற்றை முயற்சித்திருப்பார்கள்.

இருப்பினும் எந்த பலனும் கிடைத்ததாக இருக்காது. ஆனால் தினமும் தேன் மற்றும் பட்டை நீரை குடித்து வந்தால், நிச்சயம் தொப்பை மற்றும் உடல் பருமனானது குறைந்துவிடும் அதிலும் இதனை இரவு மற்றும் காலையில் குடித்து வர வேண்டும்.

இப்போது அந்த தேன் மற்றும் பட்டை நீரை எப்படி தயார் செய்வதென்று பார்ப்போம்.

 உடல் எடையை குறைக்கும் தேன் மற்றும் பட்டை நீர் .

தேவையான பொருட்கள்:

தேன் - 2 டீஸ்பூன்

 பட்டை - 1 டீஸ்பூன்

 தண்ணீர் - 1 கப்

செய்முறை:

 * முதலில் ஒரு பாத்திரத்தில் தண்ணீரை ஊற்றி நன்க கொதிக்க விட்டு இறக்க வேண்டும்.

 * பின் அதில் பட்டையை போட்டு, வெதுவெதுப்பாகும் வரை தனியாக மூடி வைக்க வேண்டும்.

 * நீரானது வெதுவெதுப்பானதும், அதில் தேன் சேர்த்து கலந்து, அதில் பாதியை இரவில் படுக்கும் முன்பும், மீதியை மூடி வைத்து, மறுநாள் காலையில் எழுந்தும் குடிக்க வேண்டும்.

குறிப்பு: காலையில் குடிக்கும் போது அதனை சூடேற்ற வேண்டாம்

இந்த ஆண்டின் தொடக்கத்தில் ஜல்லிக்கட்டுக்காக வீறுகொண்டு போராடி வெற்றிகண்ட பின்னர், 'சற்று அசரலாம்' என்று நினைப்பதற்குள் தமிழர்களுக்கு அடுத்தடுத்த சோதனைகளைத் தயாராகவே வைத்திருந்தன மத்திய, மாநில அரசுகள். தொடர்ச்சியாக நெடுவாசல், கதிராமங்கலம், நீட் தேர்வு என்று மக்களைப் பாதித்த பிரச்னைகளை அடுக்கிக்கொண்டே போகலாம். எல்லாப் போராட்டங்களுக்கும் தொடக்கத்தில் ஆதரவளித்த பல்வேறு தரப்பினரும் சிலநாள்களில் தங்களின் ஆதரவை வேறுதிசையில் திருப்பியதால், அது மறைந்து போக, பிரச்னையால் நேரடியாகப் பாதிக்கப்பட்டவர்கள் மட்டுமே களத்தில் எஞ்சி நின்றனர்; இன்னும் நிற்கின்றனர். ஒருவகையில், உள்ளூர் மக்கள் களத்தில் இறங்கும் போராட்டங்களே வெற்றிபெறுவதை வரலாறு நெடுக பார்த்துக்கொண்டு வருகிறோம். அப்படி, 160 நாள்களையும் தாண்டி நடந்து வரும் நெடுவாசல் போராட்டத்திலும், டெல்டா மாவட்டங்களில் பல்வேறு பகுதிகளில் எண்ணெய் நிறுவனங்கள் குழாய் அமைப்பதற்கு எதிர்ப்புத் தெரிவித்தும் களமாடி வரும் பேராசிரியர் ஜெயராமன், சென்னையில் பூவுலகின் நண்பர்கள் ஒருங்கிணைத்த ஒரு நிகழ்ச்சியில் பங்கேற்று உரையாற்றினார். நிகழ்ச்சி ஹைட்ரோகார்பன் திட்ட பாதிப்பு விழிப்புஉணர்வு குறித்தான கிருத்திகா சீனிவாசனின் தோல்பாவை கூத்துடன் தொடங்கியது.

33 ஆண்டுகளாக வரலாற்றுப் பேரசிரியராகப் பணியாற்றிய ஜெயராமன், மண்ணைக் காக்கக் களத்தில் இறங்கிப்  போராடியபோது இந்த அரசு, கடந்த ஜூன் மாதம் 45 நாள்கள் சிறைத்தண்டனையை அவருக்குப் பரிசாக அளித்தது. சிறையிலிருந்து வெளியே வந்த பின்னரும், தற்போது களத்தில் இறங்கி மக்களைப் பாதிக்கும் திட்டங்களுக்கு எதிராக மீண்டும் போராட ஆரம்பித்துள்ளார் அவர். நீண்ட நாள்களுக்குப் பின்னர் சென்னையில் ‘காவிரி டெல்டாவும் ஹைட்ரோ கார்பன் திட்டமும்’ என்ற தலைப்பில் பேசினார் ஜெயராமன். அவர் பேசுகையில், "தமிழகத்துக்கு இப்ப பல பிரச்னைகள் தலைமேல கத்தி மாதிரி தொங்கிக்கிட்டு இருக்கு. ஆனா, அதை எல்லாத்தையும்விட டெல்டா பகுதியில் ஓ.என்.ஜி.சி முதற்கொண்டு பல்வேறு தனியார் நிறுவனங்களால் பதிக்கப்படும் எண்ணெய் குழாய்கள்தான் மிகவும் ஆபத்தானதுன்னு உறுதிபட சொல்ல முடியும். காரணம் ரொம்ப சுலபம். தமிழ்நாட்டில் நாம சாப்பிடும் உணவில் 37 சதவிகிதம் டெல்டா பகுதியில் இருந்துதான் வருது. அதை இன்னும் தெளிவாச் சொல்றேன்.

தினம் நீங்க சாப்பிடும் ஆறு இட்லியில் ரெண்டு இட்லி டெல்டா பகுதியில விளையறதுதான்.. எனவே, சோறு வேணும்னா களத்துக்கு வாங்க. உணவு தற்சார்பை இழக்கும் ஒரு சமூகம் கண்டிப்பா அகதிகளாத்தான் ஆகும். இன்னைக்கு நீங்களெல்லாம் களத்துக்கு வந்து போராடலேன்னா, நாளைக்கு உங்க சந்ததி சோத்துக்குக் கையேந்துற நிலை கண்டிப்பா வரும். இதுக்காகத்தான் 2014-ம் ஆண்டில் மீத்தேன் திட்ட எதிர்ப்பு இயக்கத்தின் சார்பில் `டெல்டா மாவட்டங்கள் பாதுகாப்பட்ட வேளாண் மண்டலங்கள்’ என அறிவிக்கக்கோரி தீர்மானம் நிறைவேற்றினோம். அதை நோக்கித்தான் ஓடிக்கிட்டு இருக்கோம்" என்று தங்கள் போராட்டத்தின் நிலைப்பாட்டை விளக்கினார்.

தொடர்ந்து பேசிய அவர், "சில அடிப்படை விஷயங்களை இங்க கூடியிருக்கிற நீங்க தெரிஞ்சுக்கணும். காரணம், நான் சென்னைக்கு வந்து இப்படி உரையாற்றுகிற வாய்ப்பெல்லாம் அரிதாவே கிடைக்குது. பொதுவா, குழாய் பதிச்சிருக்கிற கிராமங்களிலும் போராட்டக் களத்திலும்தான் தொடர்ச்சியா வேலை செய்துட்டு வர்றோம். அங்க சில நேரத்தில் மொட்ட வெயிலில் வெறும் ரெண்டு பேருக்கு முன்னாடி தொண்டத்தண்ணி வத்திப்போக பேசின சம்பவமெல்லாம் நடந்திருக்கு. அதனால, வருத்தம் ஒண்ணுமில்லை. யாராவது ஒருத்தர் மனம் மாறி எங்களுக்கு தோள் கொடுத்தாலும் அது எங்கள் போராட்டத்தின் வெற்றிதான்.

முதலில் போராட்டத்தின் அடிப்படையை நான் விளக்கியாகணும். அதாவது, மீத்தேன் திட்டத்தை எதிர்த்தோம், இப்ப ஏன் ஹைட்ரோ கார்பன் திட்டத்த எதிர்க்கிறீங்கன்னு கேட்கிறாங்க. மீத்தேன், ஈத்தேன், புரோபேன், ஹைட்ரோ கார்பன்… எல்லாமே, நிலத்த பிளந்து எண்ணெய் எடுக்கிற விஷயம்தான். நமக்கு இது தாயின் மடி, அவங்களுக்கு இது 'ஆயில் ஃபீல்ட்’. ஓ.என்.ஜி.சி அதிகாரிகளெல்லாம் ‘வெறும் 120-க்கு 120 சதுர மீட்டர் அளவுக்குத்தான் குழாய் அமைக்கிறோம். இதனால பெரிய பாதிப்பு வராது’-ன்னு சொல்றாங்க. வருங்கால விளைவுகள் எப்படி இருக்கும்ன்னு சொல்றதில்லை. குழாய் போட்டு, ரெண்டு பக்கமும் சுமார் மூன்று கிலோ மீட்டருக்கு தோண்டிட்டு போவாங்க. மொத்தம் ஆறு கிலோ மீட்டர். இப்போ பாதிக்கும் இடத்தின் அளவு, 36 கிலோ மீட்டர். ஒரேயொரு குழாய் அமைக்கும்போது, அதனால உடனடியா பாதிக்கப்படப்போறது 36 கிலோ மீட்டர் நிலம். எல்லாக் குழாய்களும் வயல்வெளியிலும்,கொல்லைப்புறத்திலேயும் அமைக்கப்படுது. இந்த சூழ்நிலையில் பாதிப்பு யாருக்கு வருது. தாயும், தாய் மண்ணும் வெவ்வேறு இல்லைங்க. இப்படி எடுக்கிற எண்ணெயையோ எரிவாயுவையோ நமக்கு குண்டானுல ஊத்திக் கொடுப்பானா? இல்ல நமக்கு காசுக்குத்தான் விற்பானா? எடுத்துக் கணக்கே இல்லாம ஏற்றுமதி செய்வார்கள். அதுவும் டாலர்களில். ஆனால், குழாய் பதிக்கப்பட்டது நம்ம வாழ்விடத்தில். இந்த பாதிப்பெல்லாம் மறைச்சிட்டு ஓ.என்.ஜி.சி அதிகாரிகள் சிலர், `இங்க நீங்க பிரசாரம் செய்யுறது போல எந்த பாதிப்பும் இல்லை. தேவையில்லாமல் மக்களைத் தூண்டி விடாதீங்க..’-ன்னு சொல்லும்போதெல்லாம், அவங்களுக்கு அந்தப் பகுதியில இருக்கிற தண்ணீரை குடிங்கன்னுதான் சொல்லுவோம்.  எண்ணெய் மட்டும் அந்தத் தண்ணீரில் தனியா மிதக்கும். இப்படி எங்களை கேள்விகளால் எதிர்கொள்ள முடியாம, `கதிராமங்கலம் மாடல்’ என்ற திட்டத்தை வகுத்திருக்காங்க… (சிரித்துக்கொண்டே)

அதாவது, போராட்டம் நடக்கப்போகுதுன்னு தெரிந்த உடனேயே அதற்கு முதல் நாளே ஊர் மக்களை மிரட்டி வீட்டில் இருந்து வெளியே வரக்கூடாதுன்னு சொல்றது. போராட்டக்காரர்களைக் கைது பண்ணி அடைச்சு வைக்கிறது, தொடர்ச்சியா ரோந்து போய்கிட்டே இருக்கிறதுன்னு பல அடுக்குமுறைகள் இருக்கும். ஆனால், அந்த கிராமங்களில் பல பேர் வீட்டில் கழிவறையே இல்லாததால். அவர்களை வீட்டுக்குள்ளையே சிறை வைப்பதன் வழியாக அடிப்படை வாழ்க்கைக்கே பாதிப்பு ஏற்படுத்துறாங்க.

இந்தப் பிரச்னைகளுக்காக நீதிமன்றத்தை நம்பி பிரயோஜனமில்லை. எதை மக்கள் பிரச்னையாகக் கோர்ட் பார்க்கும் எதைப் பார்க்காது என்னும் விழிப்புஉணர்வு எங்களுக்கு இருக்கு. அதனால் நாங்கள் மக்கள் கிட்ட பேசி, அவங்கள ஒண்ணு திரட்டி, குழாய் பதிக்கிற இடத்துக்கு நேரடியா போய் வேலையை நிப்பாட்டுவோம். அதுதான் எங்க உத்தி. அவங்ககிட்ட ஒரு கதிராமங்கலம் மாடல் இருக்குன்னா. அதை எதிர்கொள்ள எங்க கிட்டேயும் ஒரு மாடல் இருக்கு. ஒருவேளை கோர்ட்டுக்கு போய் கேஸ் போட்டு, தீர்ப்பு சொல்ற ஜட்ஜ், `இனி போராடவே கூடாது’ன்னு சொல்லிட்டா. இந்த அழிவு திட்டங்கள ஒழிச்சுக்கட்டவே முடியாத நிலைமை வந்திடும். இந்திய அரசும் அதே போலதான், தமிழகத்தில தமிழர்கள் இருக்கக்கூடாது என்பதில் தெளிவா இருக்காங்க.  பிரச்னையால பாதிக்கப்படறது மக்கள். பிரச்னை பண்றது அரசு. அப்ப, மக்களுக்கும் அரசுக்கும் இடையிலதான் பிரச்னை. இதை, களத்தில இறங்கினாதான் சரிகட்ட முடியும். டெல்டாவை பாதுகாக்கப்பட்ட வேளாண் மண்டலமா அறிவிக்கிறது மூலமாகத்தான் அதை செஞ்சுகாட்ட முடியும்" என்றார் தீர்க்கமாக.

போலீஸ் ரெக்கார்டில் கரும்புள்ளியாக குத்தப்பட்ட கிராமம் தான் தமிழக ஆந்திர எல்லையில் இருக்கும் களத்தூர் கிராமம். களவுத்தொழிலையே தங்களது குலத்தொழிலாக செய்து வரும் அந்த கிராமத்து மக்களுக்கு தலைவரான கிஷோர் போலீசுக்கு சிம்ம சொப்பனமாக இருக்கிறார்.. அதேசமயம் நியாய தர்மத்துக்கு கட்டுப்பட்ட அவரது உயிர்நண்பன் வீரண்ணாவோ (சுலில் குமார்) சரியான சபல பேர்வழி..

அதனால் உள்ளூரில் பெண் கிடைக்காத அவருக்கு கிஷோரின் உத்தரவாதத்தின் மூலம் பெண் கொடுக்க பக்கத்து கிராமத்தில் ஒரு குடும்பம் முன்வருகிறது.. ஆனால், நண்பனுக்காக பெண் கேட்க, சொன்ன நேரத்தில் கிஷோர் வரமுடியாமல் போக நண்பர்கள் இருவருக்கும் பகை மூள்கிறது. இது ஜெயிலுக்கு சென்ற கிஷோரின் மனைவி யக்னாவை அபகரிக்கும் அளவுக்கு வீரண்ணாவை தூண்டிவிடுகிறது. இதனால் ஏற்பட்ட மோதலில் வீரண்ணாவை தானே கொல்லவேண்டிய சூழலுக்கு ஆளாகிறார் கிஷோர்.

அதற்கு பிராயச்சித்தமாக தங்களுக்கு பிறந்த மகனை வீரண்ணாவின் பெற்றோரிடம் கொடுத்து நல்லவிதமாக வளர்க்க சொல்கின்றார் கிஷோர். ஆனால் அவர்களோ கிஷோர்-யக்னா மீது வெறுப்பை ஊட்டி வளர்ப்பதுடன், சிறுவனை அழைத்துக்கொண்டு ஊரைவிட்டே வெளியேறுகின்றனர்.

வருடம் பல உருண்டோட வயதானாலும் ஒருபக்கம் தனது மகனை தேடிக்கொண்டே, இன்னொரு பக்கம் தனது ஊருக்குள் போலீஸ் நுழையாமல் கம்பீரம் காக்கிறார் கிஷோர். ஒருகட்டத்துக்குள் துரோகிகள் சிலரின் உதவியுடன் சில சதிவேலைகள் பார்த்து போலீஸார் களத்தூர் கிராமத்துக்குள் நுழைகின்றனர்.. அங்கு நடக்கும் கலவரத்தில் கிஷோரின் கூட்டாளிகள் என்கவுண்டரில் கொல்லப்படுகின்றனர்.

போலீஸின் காலடி படாமல் மிகப்பெரிய சாம்ராஜ்யத்தை கட்டிக்காத்த கிஷோர் இதற்கு பதிலடி கொடுத்தாரா.. இல்லை போலீஸ் அடக்குமுறைக்கு பலியானாரா..? சிறுவயதில் பிரிந்த கிஷோரின் மகன் என்ன ஆனார் என்கிற கேள்விகளுக்கு பதில் சொல்கிறது மீதிக்கதை.

படம் முழுவதும் கிட்டத்தட்ட பிளாஸ்பேக்கிலேயே அதுவும் இரண்டுவிதமான காலகட்டத்திலே நகர்வதாக திரைக்கதை அமைந்துள்ளது. அதறேகேற்றபடி இரண்டுவிதமான தோற்றங்களில் கருவத்திருக்கை என்கிற கேரக்டரில் கச்சிதமாக பொருந்தியுள்ளார் கிஷோர். சொல்லப்போனால் அவரைத்தவிர அந்த கேரக்டரில் வேறு யாரையும் நினைத்து பார்க்கமுடியவில்லை. மொத்தக்கதையையும் தனது தோளில் சுமந்து தூக்கி செல்கிறார் கிஷோர்.

கிஷோரின் நண்பன் வீரண்ணாவாக வரும் சுலில் குமார், பார்வையிலும் செயலிலும் தெனாவெட்டாக, பார்க்கும் நமக்கே கோபம் வரும் விதமாக தனது கேரக்டரை உள்வாங்கி பிரதிபலித்துள்ளார். கிஷோரின் மகனாக வரும் மிதுன்குமார் தானும் பொருத்தமான தேர்வுதான் என தனது பங்களிப்பை நூறுசதவீதம் தந்திருக்கிறார். தனது தந்தை பற்றிய உண்மையை அறிந்துகொள்ளாமலேயே அவரது கேரக்டரை நகர்த்தி சென்றிருப்பதன்மூலம் திரைக்கதைக்கு நியாயம் செய்துள்ளார் இயக்குனர் சரண் அத்வைதன்..

நாயகி யக்னா ஷெட்டி, அந்த களத்தூர் கிராமத்து பெண்ணாகவே மாறிப்போய்விட்டார். ஊரார் முன்னிலையில் வீரண்ணாவின் முகத்தை தோலுரித்துக்காட்டி கிஷோருடன் அவர் கிளம்பும் காட்சி கதைக்கு வலு சேர்க்கும் ஒன்று. வீரண்ணாவின் தந்தையாக வரும் நம்ம ராகுல் தாத்தாவும், அவரது மனைவியாக வருபவரும் யதார்த்தம் கலந்த, ஒரு சாமான்ய பெற்றோரின் ஆதங்கத்தை மிகச்சரியாக வெளிப்படுத்தி உள்ளனர்..

நீதிபதியாக, விசாரணை கமிஷன் அதிகாரியாக நடிப்பில் வரும் அஜய் ரத்னம், காவல்துறையினரை சாட்டையடி வார்த்தைகளால் அவர் விளாசும் காட்சிகளும், விசாரணையை நேர்மையாக நடத்தும் விதமும் நீதித்துறையின் மீதான மதிப்பை உயர்த்தவே செய்கின்றன. தவிர, இந்தப்படத்தில் காவல்துறை அதிகாரிகளாக, காவலர்களாக நடித்துள்ள அனைவரும் எந்த இடத்திலும் இது ஒரு படம் என நாம் நினைத்துவிடாதபடி, வலம் வருகின்றனர். அதுதான் இந்தப்படத்தின், இந்தக்கதையின் மீதான நம்பகத்தன்மையை அதிகரிக்கிறது.

படம் முழுவதும் பிளாஸ்பேக் காட்சிகளாக கதை விரிந்தாலும் எடிட்டர் சுரேஷ் அர்ஸின் தெளிந்த நீரோடை போன்ற படத்தொகுப்பு குழப்பமில்லாமல் படத்துடன் ஒன்ற நமக்கு உதவுகிறது. சுற்றுப்பக்கம் அனைத்தும் கருவேல மரங்கள் அடங்கிய ஒரு கிராமத்தை எப்படித்தான் கண்டுபிடித்தார்களோ அந்த கிராமும் அது சார்ந்த மலைப்பகுதியும் ஒளிப்பதிவாளர் புஷ்பராஜ் சந்தோஷின் கைவண்ணத்தில் நம்மையும் களத்தூர் கிராமத்துவாசியாகவே மாற்றி விடுகிறது.

இந்த மொத்தப்படத்திற்கும் தனது பின்னணி இசையால் உயிரூட்டியுள்ளார் இசைஞானி இளையராஜா.. படம் துவங்கியது முதல் வேறெந்த சிந்தனையும் இல்லாமல் படம் முடியும்வரை நாமும் கதை மாந்தர்களுடன் பயணிப்பதற்கு திரைக்கதையுடன் சேர்த்து பின்னணி இசையும் பக்கபலமாக இருப்பதை மறுக்க முடியாது.

இந்தப்படத்தில் ஆங்காங்கே சின்னச்சின்ன குறைகள் தென்பட்டாலும் கூட, நல்ல சினிமாவில் தேடித்தேடி குறைகள் கண்டுபிடிப்பது சரியான விஷயம் இல்லை என்பது படம் பார்த்துவிட்டு வெளியே வரும்போது உங்களுக்கும் புரியும். மொத்தத்தில் இந்த களத்தூர் கிராமம் ரசிகர்களை, இரண்டுமணி நேரம் அப்படியே முற்றிலும் மாறுபட்ட ஒரு உலகத்திற்கு இந்தப்படம் அழைத்து செல்கிறது..

தனது முதல் படத்திலேயே அழுத்தமான ஒரு உண்மை சம்பவத்தை கையிலெடுத்ததுடன் அதை கொஞ்சம் கூட அலுப்பு தட்டாமல் படமாக்கிய சரண் அத்வைதனை, அறிமுக இயக்குநர் என்று சொன்னால் நம்புவது கடினம் தான். தமிழ் சினிமாவுக்கு நம்பிக்கையான இன்னொரு இயக்குநர் கிடைத்துவிட்டார் என தாரளமாக சொல்லலாம்.

நல்ல சினிமா வரவில்லை என குறைபட்டுக் கொள்பவர்கள் களத்தூர் கிராமம் பார்த்துவிட்டு கைத்தட்டிக்கொள்ளலாம்.

களத்தூர் கிராமம்- ஒரு வாழ்வியல் பதிவு

விஷால் பல பதவிகளில் இருந்து ஒரே நேரத்தில் பல வேலைகளை செய்து வருகின்றார். இவர் தன்னால் முடிந்த உதவிகளை எல்லோருக்கும் செய்து வருகின்றார்.

இந்நிலையில் ஹார்வர்டு யுனிவர்சிட்டியில் தமிழுக்கு என்று ஒரு இருக்கையை உருவாக்க ரூ 40 கோடி தேவையாம், உலகில் 3 கோடி பேர் பேசும் மொழிகளுக்கெல்லாம் அங்கு இருக்கை உள்ளதாம்.

ஆனால், 8 கோடிக்கும் அதிகமானோர் பேசும் தமிழுக்கு ஓர் இருக்கை வேண்டுமென்றால் ரூ 40 கோடி தேவையாம்.

இதற்கு தமிழக அரசு ரூ 10 கோடி தர, நடிகர் விஷால் ரூ 10 லட்சம், இசையமைப்பாளர் ரகுமான் ரூ 16 லட்சம் தந்துள்ளனர். மேலும், பல திரைப்பிரபலங்கள் தங்களால் முடிந்த பணத்தொகையை கொடுத்து வருகின்றனர். இதுக்குறித்து விஷால் வெளியிட்ட அறிக்கை இதோ...

ஷங்கரின் பிரமாண்ட இயக்கத்தில் ரஜினிகாந்த், அக்‌ஷய் குமார் நடிப்பில் தயாராகியுள்ள படம் 2.0. இப்படத்தின் இசை வெளியீட்டு விழா மிகப்பிரமாண்டமாக துபாயில் சமீபத்தில் நடந்தது.

ஏற்கனவே இப்படம் அடுத்த வருடம் ஜனவரி 25-ம் தேதி வரும் என கூறப்பட்டது, ஆனால், சமீபத்தில் வந்த தகவல் ரசிகர்களை வருத்தமடைய செய்துள்ளது.

அக்‌ஷய் குமார் தன் டுவிட்டர் பக்கத்தில் தான் நடிக்கும் PadMan படம் ஜனவரி 26-ம் தேதி ரிலிஸ் என அதிகாரப்பூர்வமாக அறிவித்துவிட்டார்.

இதனால், 2.0 படம் கண்டிப்பாக தள்ளிப்போகும் என கூறப்படுகின்றது, ஏனெனில் ஒரே நடிகரின் படம் அதுவும் முன்னணி நடிகரின் படம் அடுத்தடுத்த நாளில் வர வாய்ப்பே இல்லை.

தமிழ் சினிமாவில் ரசிகர்களுக்கு என்று சில பேவரட் கூட்டணி இருக்கும். அப்படி தல இவருடன் இணைந்தால் சூப்பர் ஹிட், தளபதி இவருடன் இணைந்தால் மெகா ஹிட் என ரசிகர்கள் நினைப்பார்கள், அது ஒரு புறம் இருந்தாலும் முன்னணி நடிகர்கள் ஆரம்பத்திலிருந்து தற்போது வரை எந்த இயக்குனர்களின் இயக்கத்தில் அதிக முறை நடித்துள்ளார்கள் என்ற லிஸ்ட்டை பார்ப்போம்.(இவை ஹீரோவாக நடித்தது மட்டும் தான், கெஸ்ட் ரோல் கணக்கில் எடுத்துக்கொள்ளப்படவில்லை).

ரஜினி-முத்துராமன்

சூப்பர் ஸ்டார் ரஜினிகாந்தும் இயக்குனர் முத்துராமனும் இணைந்து 23 படங்கள் வரை கொடுத்துள்ளனர், இதில் ஒரு சில ஹிந்தி படங்களும் அடங்கும்.

கமல்ஹாசன்- கே.பாலசந்தர்

கமல்ஹாசனும், இயக்குனர் சிகரம் கே.பாலசந்தர் கூட்டணியில் சுமார் 19 படங்கள் வரை வந்துள்ளது, இதில் 4 படங்களுக்கு மேல் ஹிந்தி படங்களும் இடம்பெறுகின்றது.

ரஜினி, கமல் இருவருமே 150 படங்களுக்கு மேல் நடித்துள்ளதால் முடிந்தளவு கிடைத்த தகவலின் அடிப்படையில் இது வெளியிடப்பட்டுள்ளது.

விஜய்-எஸ்.ஏ.சந்திரசேகர்

விஜய் தற்போது முருகதாஸ், அட்லீ என கலக்கினாலும் ஆரம்பத்தில் தன் தந்தையின் இயக்கத்தில் தான் பல படங்களில் நடித்தார், இதில் நாளைய தீர்ப்பு, செந்தூரபாண்டி, ரசிகன், தேவா, விஷ்ணு, செல்வா, ஒன்ஸ் மோர், நெஞ்சினிலே, சுக்ரன் ஆகிய படங்கள் அடங்கும்.

அஜித்-சரண்

அஜித் இயக்குனர் சிவா இயக்கத்தில் 3 படங்கள் நடித்துள்ளார், அடுத்தப்படமும் அவருடன் என்றால் சரண் சாதனையை சமன் செய்துவிடுவார், ஆம், அஜித்-சரண் கூட்டணியில் இதுவரை காதல் மன்னன், அமர்க்களம், அட்டகாசம், அசல் ஆகிய படங்கள் வெளிவந்துள்ளது.

விக்ரம்

விக்ரம் பெரும்பாலும் பல இயக்குனர்களுடன் இணைந்து பணியாற்றியுள்ளார், இதில் குறிப்பாக தரணி, ஏ.எல்.விஜய், ஷங்கர், பாலா ஆகியோருடன் இரண்டு முறை இணைந்து பணியாற்றியுள்ளார்.

சூர்யா-ஹரி

சூர்யாவும் பல இயக்குனர்களுடன் பணிபுரிந்தாலும் அவரின் பேவரட் ஹரியுடன் ஆறு, வேல், சிங்கம், சிங்கம்2, சிங்கம்3 என 5 படங்களில் இணைந்து பணியாற்றியுள்ளார்.

தனுஷ்

தனுஷ் செல்வராகவன், ஜவஹர் இயக்கத்தில் தான் அதிக படங்களில் நடித்துள்ளார், செல்வராகவனுடன் காதல் கொண்டேன், புதுப்பேட்டை, மயக்கம் என்ன ஆகிய படங்களில் நடித்துள்ளார், அதே போல் ஜவஹருடன் குட்டி, யாரடி நீ மோகினி, உத்தம புத்திரன் கொடுக்க, அடுத்து வெற்றிமாறனுடன் பொல்லாதவன், ஆடுகளத்தை தொடர்ந்து வடசென்னையில் இதை சமன் செய்யவுள்ளார்.

சிம்பு-கௌதம் மேனன்

சிம்பு குழந்தை நட்சத்திரமாக தன் அப்பாவின் பல படங்களில் நடித்திருந்தாலும் ஹீரோவான பிறகு கௌதம் மேனனுடன் விண்ணைத்தாண்டி வருவாயா, அச்சம் என்பது மடமையடா என இரண்டு படங்களில் பணியாற்றியுள்ளார், இதுவே அதிகம்.

வழக்கம் போல்,  உலகம் அழியப்போகிறது அதை எப்படி ஒரு குழு காக்கிறது என்னும் ஹாலிவுட்டின் மெகா பட்ஜெட் Scifi படம் தான். ஆனால் அதற்கு, இவர்கள் எடுத்துக்கொள்ளும் காரணம் தான்  'அட்றா அட்றா' லெவல் காமெடி. அந்த ஒரு காரணத்திற்காக, இந்த ஆண்டின் மிகப்பெரிய ஃபிளாப் பட்டியலில் இடம் பெற்றிருக்கிறது ஜியோ ஸ்டார்ம்.

காலநிலை மாற்றங்களால், உலகம் அழியத் தொடங்குகிறது. கடுமையான வெய்யில், பனிப்பாறை மழை, உறைதல் என பல காரணங்கள். இதை சரி செய்ய ஜேக் லாசன் தலைமையில், ஒரு குழு விண்வெளியில் ஆராய்ச்சிகள் செய்து பல சேட்டிலைட்டுகளைக் கொண்டு உலகைக் காக்கிறார்கள் (அதெப்படி பாஸ் கண்ணாடிய திருப்புனாஆட்டோ ஓடும்). எல்லாம் சரியாக சென்று கொண்டிருக்க, ஜேக்கைக் குழுவிலிருந்து நீக்குகிறார்கள். ஒரு சேட்டிலைட்டில் வைரஸைப் புகுத்தி, அங்கு உயிர் இழப்பை ஏற்படுத்துகிறார்கள். ஆஃப்கானிஸ்தான், ஹாங்காங், துபாய் என பல இடங்களில்  அழிவு தொடங்குகிறது. இதை எப்படி ஜேக் தன் தம்பி மேக்ஸ் லாசனுடன் இணைந்து சரி செய்கிறார் என்பதை விவேகம் பாணியில், அதுதாங்க எமோஷனல் ஆக்ஷன் ஜானரில் சொல்லியிருக்கிறார்கள். 300 திரைப்படத்தில் அதிரடி காட்டிய கெரார்டு பட்லருக்கு, இதில் ஜேக் லாசனாக நடந்துகொண்டே இருக்கிறார்.

Disaster டைப் படங்கள் என்றாலே, பெரிய கட்டிடங்கள் இடிந்து நொறுங்குவது; மக்கள் ' அது வந்துருச்சு எல்லோரும் ஓடுங்க' லெவலில் ஓடுவது; கடல் நீர் சுனாமியாய் மிரட்டுவது; கப்பல் ஊருக்குள் வருவது;இரண்டு விமானங்கள் தரையில் லேண்ட் ஆவது என பல மெகா பட்ஜெட் காட்சிகள் இருக்கும். ஜியோஸ்டார்மிலும் அப்படிப்பட்ட காட்சிகள் எல்லாம் வருகின்றன. ஆனால், ஒவ்வொரு காட்சிக்கு முன்னும், 'அனுபவம் தான் வாழ்க்கை நண்பா' என ஹீரோவும், ஹீரோவின் தம்பியும் பேசி கொண்டேயிருக்கிறார்கள். அது போக, ' யார்கிட்டயும் சொல்லிடாதீங்க ' பாணியில் ரகசியம் என்று எல்லோருக்கும் சொல்லி கொண்டேயிருக்கிறார்கள். இவர்கள் எல்லோரையும் விடவும் ஹீரோவின் மகளாக வரும் டலிதா பேட்மம் அட்டகாசமாக நடித்திருக்கிறார். முதல் காட்சியில் வரும் வாய்ஸ் ஓவரில் இருந்து, இறுதியில் அவர் வரும் வரை எல்லாமே சிறப்பு. அதே போல், சீக்ரெட் ஏஜென்ட் சாரா வில்சனாக நடித்து இருக்கும் அப்பி கார்னிஷ். ரிவர்ஸ் கியரில் அவர் செய்யும் சாகச கார் சேஸ், இன்னும் சில மாதங்களில் தமிழாக்கப்படலாம்.

படத்தில் நம்மைக் கடுப்பேற்ற எண்னற்ற காட்சிகள் இருக்கின்றன. இவை எல்லாம் போதாதென்று, வழக்கம் போல், இந்தியாவைக் காட்டும் போது, குடிசைப் பகுதி. அதிலும் நாயோடு ஒரு சிறுவன். அவனும் அமெரிக்க சிறுவன். ஹாலிவுட் பரிதாபங்கள் . எப்பத்தான் பாஸ் திருந்துவீங்க?

இண்டிபெண்டன்ஸ் டே, காட்ஜில்லா என பல பழைய மெகா ஹிட் பட்ஜெட் படங்களுக்கு கதை  எழுதிய டியன் டெல்வின், முதல் முறையாக இயக்கியிருக்கிறார். அந்த முடிவை மறு பரீசலனை செய்வார் என நம்புவோம்.

படத்தை முதலில் வேறொரு குழுவை வைத்து படமாக்கி இருக்கிறார்கள். அது தயாரிப்புக் குழுவுக்கு பிடிக்காமல் போக, எல்லா கோட்டையும் அழித்துவிட்டு ரீஷூட் செய்தார்களாம். இதுவும் ரீஷூட் செய்வது போலத்தான் இருக்கிறது. என்ன செய்ய, வேறு வழியில்லாமல், ரிலீஸ் செய்துவிட்டார்கள் போல. குருநாதா... முடியல குருநாதா. உலகம் அழிவதை நாங்கள் பார்த்துக்கொள்கிறோம். போதும், ஹாலிவுட் நிறுத்திக்குவோம்.

விஜய்யின் மெர்சல் படம் வெளியாகி 10 நாட்களுக்குள் 200 கோடி வசூலை நெருங்கிவிட்டதாக கூறப்பட்டது.

இது பற்றி கருத்து தெரிவித்துள்ள அபிராமி ராமநாதன் "சென்னையில் மெர்சல் வசூல் என்ன என்பது எனக்கு மட்டும்தான் தெரியும். படம் ஓடி முடிந்தபிறகு தான் தயாரிப்பாளருக்கு அதை தெரிவிப்போம். இப்போது 150 கோடி.. 200 கோடி என கூறுவது 99% பொய்" என கூறியுள்ளார்.

மேலும் இப்படி சொல்வது ரசிகர்களை தியேட்டருக்கு வரவைப்பதற்காக எம்.ஜி.ஆர் காலத்தில் இருந்தே தயாரிப்பாளர்கள் மேற்கொள்ளும் யுக்தி என அவர் கூறியுள்ளார்.

பிரகாஷ் ராஜ் சமீப காலங்களை பல்வேறு கருத்துக்களை வெளிப்படையாக பேசிவருகிறார். சமீபத்தில் தேசிய விருதை திருப்பி தருகிறேன் என கூறி சர்ச்சையை ஏற்படுத்தினார்.

தற்போது படங்கள் சென்சார் செய்யப்படுவது மற்றும் சர்ச்சையில் சிக்குவது பற்றி கருத்து தெரிவித்துள்ளார். படம் எடுப்பவர்களுக்கு சுத்தமாக அறிவே இல்லை என நினைத்துவிடீர்களா என அவர் கேட்டுள்ளார்.

"திரைத்துறையைச் சேர்ந்தவர்களுக்கு அறிவு 0% தான் இருக்கும் என நீங்கள் நினைப்பதால், யாருக்கு திரைப்படம் எடுக்கும் தகுதி இருக்கிறது என்பதை கணிக்க, தணிக்கைத் துறை அல்லது அதற்கு நிகரான ஒரு துறையின் வழி நுழைவுத் தேர்வு நடத்த எண்ணுகிறீர்களா?" அவர் கேட்டுள்ளார்.

ரஜினி-ஷங்கர் கூட்டணியில் உருவாகி வரும் 2.0 படத்தின் இசைவெளியீட்டு விழா துபாயில் நேற்று (அக்டோபர் 27) கோலா கலமாக நடைபெற்றது. படத்தில் இடம்பெறும் மூன்று பாடல்களில் இரண்டு பாடல்கள் நேற்று வெளியாயின. இந்நிகழ்ச்சியின் பிரம்மாண்டத்தை வெளிப்படுத்தும் விதமாக, இசையமைப்பாளர் ஏ.ஆர்.ரஹ்மானும், இயக்குநர் ஷங்கரும் ரயில் வடிவிலான வாகனத்திலேயே மேடைக்கு வந்தனா். நிகழ்ச்சியில் ரஹ்மான் 125 சிம்பொனி கலைஞர்களுடன் இணைந்து இசை நிகழ்ச்சியை நேரலையாக நடத்தினார். 2.0 படத்திலிருந்து ஒரு பாடல் மேடை யில் இசைக்கப்பட்டது. இதனைத் தொடா்ந்து 2.0 வின் இரண்டு பாடல்கள் முதல்கட்டமாக வெளியிடப்பட்டன. பாடல்கள் வெளியான சில மணி நேரங்களில் இவை இணையத்தில் வைரலாகத் தொடங்கின

துபாயில் நேற்று பிரமாண்டமாக நடைபெற்ற விழாவில் இதில் நடிகர் ரஜினிகாந்த், அக்‌ஷய் குமார், ஏமி ஜாக்சன், இயக்குநர் ஷங்கர், ஏ.ஆர்.ரஹ்மான், தயாரிப்பாளர் சுபாஷ்கரன், ராஜு மகாலிங்கம் உள்ளிட்ட படக்குழுவினர் பலரும் கலந்து கொண்டனர். இந்த நிகழ்ச்சியை தமிழ், தெலுங்கு, இந்தி என மூன்று மொழிகளில் ஆர்.ஜே.பாலாஜி, ராணா டகுபதி, கரன் ஜோஹர் தொகுத்து வழங்கினர்

விழாவில் இயக்குநர் ஷங்கர் பேசியதாவது:

ஓர் இந்தியப் படத்திற்கு 300 கோடி, 350 கோடி என முதலீடு செய்ய யாருமே தயாராக இருக்க மாட்டார்கள். ஆனால், தயாரிப்பாளர் சுபாஷ்கரன் இக்கதையைக் கேட்டு பிடித்ததினாலும், தமிழ் சினிமாவின் மீதுள்ள காதலாலும் தயாரித்திருக்கிறார். அதற்கு முதலில் நன்றி.

‘2.0’ திரைப்படம் ‘எந்திரன்’ படத்தின் தொடர்ச்சி அல்ல. இது வேறொரு கதைக் களம். உலகளாவிய ஒரு கருத்தைச் சொல்லியிருக்கிறேன். நமக்கு பரிச்சயமான டாக்டர் வசீகரன், சிட்டி, 2.0 போன்றவர்கள் எல்லாம் இக்கதையில் வருவார்கள். இப்படி நடந்தால் எப்படியிருக்கும் என்ற கற்பனையே ‘2.0’. அக்கற்பனை என்னை எங்கெல்லாம் இழுத்துக் கொண்டு போனதோ அங்கெல்லாம் பயணித்திருக்கிறேன். அனைவருக்கும் பிடிக்கும் என நம்புகிறேன்.

மருத்துவ சிகிச்சை எடுத்துக் கொண்டிருக்கும் போது கூட, டெல்லியில் 47 டிகிரி வெயிலில், 12 கிலோ எடையுள்ள உடையை போட்டுக் கொண்டு நடித்துக் கொடுத்த ரஜினி சாருக்கு நன்றி சொல்லியே ஆக வேண்டும். பேட்மேன், சூப்பர்மேன் மாதிரியான உடை அது. இந்திய சினிமாவில் அந்த மாதிரி உடைகள் வந்ததில்லை.

அதே போன்று திருக்கழுக்குன்றத்தில் பெரிய பள்ளம் தோண்டி, அனிமேட்ரானிக்ஸ் காட்சிகளுக்காக 4 மணி நேரம் மண்ணிற்குள் மூடி, ப்ராக்ஸ் வைத்து நடிக்க வேண்டும். அதையும் பிரமாதமாக செய்துக் கொடுத்தார். இவ்வளவு வருடங்கள் நடித்த பிறகும் கூட, இப்போதும் என்ன காட்சிகள் எடுத்தாலும், அக்காட்சியில் இதுவரை செய்யாத மாதிரி நடிக்க வேண்டும் என்று மெனக்கிடுவது ரஜினி சாரிடம் பாராட்டுக்குரிய விஷயம்.

ஒருநாள் கூட சாதாரணமாக வந்தோமா, மேக்கப் போட்டோமா, நடித்தோமா என்பது அக்‌ஷய்குமாருக்குக் கிடையாது. தினமும் 4 மணி நேரம் மேக்கப் போட வேண்டும். அதற்கு மேல் எடை அதிகமான உடையைப் போட்டுக் கொண்டு வெயிலில் நடித்தார். அவர் இதுவரை நடித்த படங்களின் கஷ்டத்தை, ஒரே படத்தில் பட்டிருக்கிறார். அதை படம் பார்க்கும் போது உணர்வீர்கள்.

படத்தில் 3 பாடல்கள் என்றாலும், அதற்காக ஏ.ஆர்.ரஹ்மான் கடுமையாக உழைத்திருக்கிறார். பாடல்களைத் தாண்டி பின்னணி இசையில் அவருக்கு நிறைய பணிகள் இருக்கின்றன. இசை மட்டுமன்றி, படப்பிடிப்புக்குப் பிறகு நடைபெறும் பணிகளில் ஒளிப்பதிவாளர் நீரவ் ஷா, ரசூல் பூக்குட்டி என அனைவருக்குமே சவாலான பணி காத்திருக்கிறது. படப்பிடிப்பு தொடங்குவதற்கு முன்பிலிருந்து கிராபிக்ஸ் பணிகள் இப்போது வரை நடைபெற்றுக் கொண்டிருக்கின்றன. நான் நினைத்த மாதிரி கொண்டுவர வேண்டும் என்று கஷ்டப்பட்டுக் கொண்டிருக்கிறார்கள். -இவ்வாறு அவர் பேசினார்.

அதனைத் தொடர்ந்து ஆர்.ஜே.பாலாஜி, “’முதல்வன்’ சமயத்திலிருந்தே ரஜினி சாரோடு படம் பண்ண வேண்டும் என்று பேசிக் கொண்டே இருந்துள்ளீர்கள். தற்போது அவரோடு இணைந்து 3 படம் செய்துவிட்டீர்கள் எப்படி இது சாத்தியம்?” என்று ஷங்கரிடம் கேள்வி எழுப்பினார். அதற்கு ஷங்கர், “சூப்பர் ஸ்டாரை அவ்வளவு எளிதில் நெருங்கிவிட முடியுமா… படம் பண்ணலாம் என்று பேசிப் பேசி 11 வருடங்கள் கழித்து தான் சாத்தியமானது. 3 படம் செய்து விட்டேன். கதை விவாதத்திற்காக கூர்க்கில் இருக்கும் போது, ஒரு குடும்பத்தினர் வந்தார்கள். “நீங்கள் 10 வருடம் முன்பு பிறந்திருக்கக் கூடாதா” என்றார்கள். “ஏன்?” என்றவுடன் “இன்னொரு 3 படம் ரஜினி சாரோடு செய்திருப்பீர்களே” என்றார்கள்

அதை அடுத்து ரஜினிகாந்த் பேசியதாவது:

ஷங்கர் மீதான நம்பிக்கையினால் மட்டுமே ‘2.0’வில் நடித்தேன். வெயிலில் கஷ்டப்பட்டேன் என்று அவர் இங்கு தெரிவித்தார். வாய்ப்பு கிடைப்பது மிகவும் கடினம். கிடைத்த வாய்ப்பை சரியாக பயன்படுத்திக் கொள்ளவில்லை என்றால், அதைவிட முட்டாள் யாருமே இருக்க முடியாது.

ஒருவர் பெயர், புகழோடு இருக்கிறார் என்றால், அது திறமையாலும், கடின உழைப்பாலும் மட்டும் கிடையாது. அவருக்கு கிடைத்த வாய்ப்பை சரியாக பயன்படுத்திக் கொண்டார் என்று அர்த்தம். ஒரு சிலருக்கு வாய்ப்புகள் தானாக வரும், அது ஆண்டவனின் அருள். அப்படி வரவில்லை என்றால் நாமே தேடி வாய்ப்புகளை உருவாக்கிக் கொள்ளவேண்டும். அந்த வாய்ப்புகள் மற்றவர்களின் வயிற்றில் அடிக்காமலும், மற்றவர்களின் வாய்ப்பைப் பறிக்காமலும், நாணயமாகவும், நேர்மையாகவும் இருக்க வேண்டும்.

இப்போது தான் துபாய்க்கு முதல் முறையாக வந்துள்ளேன். பல நாடுகளுக்கு சென்றபோது துபாய்க்கு வருவேன், விமானத்திற்காக விமானநிலையத்திற்குள் இருந்துவிட்டு, விமானம் ஏறி போய்விடுவேன். இப்போது தான் முதல்முறையாக விமான நிலையத்தை விட்டு வெளியே வந்திருக்கிறேன். இந்திய மக்கள் பலரும் இங்கு பணியாற்றிக் கொண்டிருக்கிறார்கள். அதற்கு துபாய் அரசாங்கத்திற்கு இந்தியன் என்ற முறையில் நன்றி தெரிவித்துக் கொள்கிறேன்.

எனக்கும் இஸ்லாமிய சகோதரர்களுக்கும் ஒரு பந்தம் இருக்கிறது. 1960-70களில் பேருந்து நடத்துநராக இருக்கும்போது, பல இஸ்லாமிய சகோதரர்களுடன் தான் இருப்பேன். சென்னைக்கு நடிக்க வாய்ப்பு தேடி வந்த போது, ஒரு வீட்டில் தங்கியிருந்தேன். அந்த வீட்டின் உரிமையாளர் ஓர் இஸ்லாமியர் தான். பெயர், புகழ் கிடைத்தவுடன் போயஸ் கார்டனில் சொந்த வீடு வாங்கினேன். அதுவும் ஓர் இஸ்லாமியரிடமிருந்துதான் வாங்கினேன். ராகவேந்திரா மண்டபம் இருக்கும் இடமும் ஓர் இஸ்லாமிய சகோதரரிடமிருந்துதான் வாங்கினேன். இதுவரை பல படங்கள் நடித்திருந்தாலும், ஒரு படத்தின் பெயர் சொன்னால் அனைவருக்குமே தெரியும். அது ‘பாட்ஷா’. அதில் இஸ்லாமியராக தான் நடித்திருந்தேன்.

‘2.0’ படத்தில் நடிக்க வாய்ப்பளித்த இயக்குநர் ஷங்கருக்கும், தயாரிப்பாளர் சுபாஷ்கரனுக்கு நன்றி தெரிவித்துக் கொள்கிறேன். ஷங்கர் சாருடைய கதைக் களத்திற்கு, சுபாஷ்கரன் மாதிரி ஒருவர் முதலீடு செய்யவில்லை என்றால் இப்படம் நடந்திருக்காது. இதன் மூலம் பெரிய பணம் சம்பாதிக்க வேண்டும் என்ற ஆசை சுபாஷ்கரனுக்கு கிடையாது. அவர் மிகப்பெரிய தொழிலதிபர். இந்திய மண்ணுக்கு ஒரு நல்ல படம் கொடுக்க வேண்டும் என்ற எண்ணத்தில் வந்தவருக்கு ஷங்கர் சார் மாதிரி ஓர் இயக்குநர் கிடைத்தது நல்ல வாய்ப்பு.

ஏ.ஆர்.ரஹ்மான், ரசூல் பூக்குட்டி என இப்படத்தில் அனைவருமே தங்களுக்கு கிடைத்த வாய்ப்பை அருமையாக பயன்படுத்தி இருக்கிறார்கள். இனிமேல் இப்படியொரு படம் இந்தியாவில் வருமா என எனக்குத் தெரியாது. ஷங்கராலும் இதே போல் முடியாது. நாம் மட்டுமே ஹாலிவுட்டை மீறிய படம் என்று சொல்லிக் கொண்டிருந்தால், நாமே சுயதம்பட்டம் அடித்து கொண்டது போல் இருக்கும். ஆகவே, இதனை படம் பார்த்தவுடனே அனைவரும் உணர்வார்கள்.

இதில் பல ஹாலிவுட் தொழில்நுட்ப கலைஞர்கள் பணிபுரிந்திருக்கிறார்கள். அவர்கள் பணத்துக்காக மட்டும் இதில் பணி புரியவில்லை. ஏற்கனவே பிஸியாக இருந்தவர்கள், இதன் கதையைக் கேட்டு தேதிகளை மாற்றிக் கொண்டு பணிபுரிந்திருக் கிறார்கள் என்றால் இக்கதை எப்படியிருக்கும் என நீங்களே யூகித்துக் கொள்ளுங்கள். இதற்கு மேல் இப்படத்தைப் பற்றி சொல்ல மாட்டேன்”இவ்வாறு அவர் பேசினார்.

இலங்கையின் மத்தியமாகாணம் நுவரெலியா மாவட்டத்தில் கிடைத்தற்கரிய பழம் ஒன்று கண்டுபிடிக்கப்பட்டுள்ளதாக தகவல் கிடைத்துள்ளது.

நுவரெலியா ஹாவாலிய பிரதேசத்தைச் சேர்ந்த இரண்டு இளைஞர்களாலேயே இந்தப் பழம் கண்டுபிடிக்கப்பட்டுள்ளது. உலகத்து மக்களால் அதிக மருத்துவ தேவையுடைய பழமாகக் கருதப்படும் பெப்பினோ மெலன் (Pepino melon) என்ற பழமே இவ்வாறு கண்டுபிடிக்கப்பட்டுள்ளது.

ஹெட்டி ஆராச்சி மற்றும் ஜயந்த பெரேரா ஆகிய இளைஞர்களால் இந்தப் பழம்குறித்து இணையதளங்களில் தேடல் மேற்கொண்டு இது பெப்பினோ பழம் என்றும் அதற்கு சர்வதேச அளவில் அதிக கேள்வி இருக்கின்றது என்றும் கண்டுபிடிக்கப்பட்டுள்ளது.

பெப்பினோ பழமானது, பார்ப்பதற்கு தர்ப்பூசணி பழத்தைப் போல் மேலே கோடுகளோடு, மஞ்சள் நிறத்தில் சிறியதாக இருக்கும். கொலம்பியா, ஈக்வடார், பொலிவியா, பெரு மற்றும் சிலி போன்ற நாடுகளில் இந்தப் பழம் பொதுவாகக் காணப்படுகிறது. ஆனால் ஏனைய வெளிநாடுகளில் இது குறைவாகவே உள்ளது.

நியூசிலாந்து, துருக்கி, மொரிஷியஸ் மற்றும் சிலி ஆகிய நாடுகளில் இந்தப் பழங்களை உற்பத்தி செய்யவும் வர்த்தக நோக்கில் ஏற்றுமதி செய்யவும் பெரும் முயற்சிகள் முன்னெடுக்கப்பட்டுவருகின்றன.

இனிப்பு சுவையுடைய பெப்பினோ மெலன் பழத்தில் விட்டமின் A, C, K, B மற்றும் புரதச்சத்துகள் என்பன நிறைந்து காணப்படுகின்றன.

இந்தப் பழத்திலுள்ள இரும்பு, செம்பு மற்றும் தாதுப்பொருட்கள் ஆரோக்கியமான நோயெதிர்ப்பு அமைப்பிற்கு உதவுபவை. அதேபோல் கல்சியம் எலும்பு உறுதிக்கும், பொட்டாசியம் ரத்த அழுத்தம் குறைவுக்கும் பயன்படுகின்றன.

மேலும் இதிலுள்ள டையூரிடிக் அமிலம் சிறுநீரகத்தைப் பாதுகாக்கிறது. கல்லீரல் மற்றும் பக்கவாத நோயால் பாதிக்கப்பட்டவர் விரைவில் குணமடைய வெளிநாடுகளில் இந்த பழத்தைப் பயன்படுத்துகிறார்கள்.

இவாறான அதிகப் பெறுமதி வாய்ந்ததாக காணப்படுவதால்தான் இந்தப் பழத்துக்கு வெளி நாடுகளில் Super Fruits என்றும் பெயர் வழங்கப்பட்டுள்ளது.

இலங்கையில் பெப்பினோ மெலன் கண்டுபிடிக்கப்பட்டமையானது மிகப்பெரும் வரப்பிரசாதமான விடயம் சென்று சொல்லப்படுகிரது.

சர்வதேச ரீதியில் வர்த்தக ஏற்றுமதிப் பழமாக இது இருப்பதனால் இலங்கையில் இந்தப் பழங்களுக்கான கேள்வி அதிகமாகும் என்று நம்பப்படுகிறது

பாதாமில் விட்டமின் E, B9, மெக்னீசியம், பொட்டாசியம் போன்ற அரிய வகை தாதுக்கள் மற்றும் விட்டமின்கள், உப்புகள், புரதச்சத்துக்கள் போன்றவை உள்ளது.

இத்தகைய சத்துக்களை கொண்ட பாதாமை பச்சையாக உண்பதையும், தோலோடு உண்பதையும் தவிர்க்க வேண்டும்.
பாதாமை எப்படி சாப்பிட வேண்டும்?

பாதாமை இரவு முழுவதும் நீரில் நன்கு ஊற வைத்து மறுநாள் காலையில், தண்ணீரை மாற்றி கழுவி விட்டு, மீண்டும் நீரில் உப்பிட்டு ஊற வைக்க வேண்டும்.

மறுநாள் காலையில், நீரில் ஊறிய பாதாம் பருப்புகள் அனைத்தையும், நிழலில் வைத்து உலர்த்தி, அதிலுள்ள நீர் வற்றி, நன்கு உலர்ந்த பின் வாணலியில் இதமான சூட்டில் வறுத்து எடுக்க வேண்டும்.

அதன் பின் பாதாம் பருப்புகளை சிறிதாக உடைத்து, அதில் சிறிது மிளகுத்தூள் கலந்து, தேவைகேற்ப நெய் அல்லது சுக்குப் பொடி கலந்து சாப்பிட வேண்டும்.
நன்மைகள்

    நம் உடலில் நல்ல கொழுப்புகள் மற்றும் புத்துணர்ச்சி அதிகரிப்பதோடு, நீண்ட நேரத்திற்கு பசி உணர்வு ஏற்படாது.

    பாதாம் பருப்புடன் கீரைகள், இஞ்சி மற்றும் பாசிப்பருப்பு, வெந்தயம் போன்ற பருப்பு வகைகளை சேர்த்து சாப்பிட்டு வர நோயெதிர்ப்பு சக்தி அதிகரித்து, ரத்த அழுத்தம், ரத்த சர்க்கரை குணமாகும்.

    தினமும் இரவில் 10 பாதாம் பருப்பை நீரில் ஊற வைத்து, காலையில் அதன் தோலை நீக்கி அரைத்து, பால் அல்லது வெந்நீரில் கலந்து குடித்தால் ஞாபக சக்தி அதிகரிக்கும்.

    மன அழுத்தம், செரிமான பிரச்சனை நீங்கி, உடல் மற்றும் இதயத்தின் ஆரோக்கியம் சீராகும்.

மோர் என்பது ஏழைகளின் கூல் ட்ரிங்க்ஸ் . அந்த நாள் முதல் இந்த நாள் வரை, மோருக்கான மகத்துவம் இருந்து கொண்டு தான் இருக்கிறது. வெயில் காலங்களில் வெயிலின் கொடுமையில் இருந்து நம்மை காத்து குளிர்விப்பதில் மோருக்கு இணை வேறு எந்த குளிர் பானமும் இல்லை என்பது எந்த தயக்கமும் இன்றி தெரிவிக்கலாம்.

மோர் என்பது பால் பொருட்களை கொண்டு உருவானதாகும். வெப்பமயமான நாடுகளில் இந்த மோர் கிடைக்கிறது.

மோர் இரண்டு விதத்தில் தயாரிக்கப்படுகிறது. பாலில் இருக்கும் க்ரீமை கடைந்து வெண்ணெய் எடுத்து அதில் மீதம் இருப்பது ஒரு வகை மோர். இதுவே பாரம்பரிய வகை மோர். மற்றொன்று, பாலை புளிக்க வைத்து அதில் இருந்து வருவது.

மோர் ஒரு ஆரோக்கிய பானமாகும். இன்றைய நவீன உணவு பண்டங்களில் டிப்ஸ், ஸ்மூத்திஸ், சூப்ஸ், சாலட் போன்றவற்றில் மோர் சேர்க்கப்படுகிறது.

பால் பொருட்களில் ஒவ்வாமை இருப்பவர்கள் கூட புளித்த மோரை எடுத்துக் கொள்ளலாம். இதன் மூலம் அவர்களுக்கு கால்சியம் தேவை பூர்த்தியடைகிறது. மோரில் வைட்டமின் ஏ , டி, பி 12 அதிகமாக உள்ளது. மற்றும் கால்சியம், பொட்டாசியம், புரதம், செலினியம், பொஸ்போரோஸ் மற்றும் ப்ரோபையோட்டிக் அதிகமாக உள்ளது. இது குறைந்த அளவு கொழுப்பும் கலோரிகளும் கொண்டது.

இதன் அதிக அளவு ஊட்டச்சத்தின் காரணமாக பல்வேறு ஆரோக்கிய மற்றும் அழகு குறிப்புகளில் மோர் பயன்படுத்தப்படுகிறது. அவற்றுள் சில வற்றை நாம் இப்போது பார்க்கலாம்.

சரும நிறத்தை அதிகரிக்கிறது:

மோரில் புரதம் மற்றும் லாக்டிக் அமிலம் அதிகமாக உள்ளது. இந்த அமிலம் சருமத்தில் உள்ள அழுக்குகளையும், இறந்த செல்களையும் நீக்கி சருமத்தின் இயற்கை அழகை திரும்ப பெற உதவுகிறது. மேலும் இந்த அமிலம், சருமத்தை பளபளப்பாக மாற்ற உதவுகிறது.

½ கப் கடலை மாவுடன், 1 ஸ்பூன் மஞ்சள் தூள் மற்றும் தேவையான அளவு மோர் சேர்த்து ஒரு பேஸ்ட் போல் செய்யவும். இதனை சருமத்தில் தடவி, நன்றாக காய விடவும். விரல்களை நீரில் நனைத்து சருமத்தில் காய்ந்த மாஸ்க்கை மெதுவாக உரித்து எடுக்கவும். பின்பு நீரால் சருமத்தை கழுவவும். வாரத்திற்கு ஒரு முறை இதனை செய்வதால் நல்ல சரும பொலிவு கிடைக்கும்.

மோருடன் குங்குமப் பூ :

ஒரு துளி குங்குமப்பூவை எடுத்து ½ கப் மோரில் சேர்த்து கலந்து 30 நிமிடங்கள் விட்டு விடவும். 30 நிமிடம் கழித்து, அந்த கலவையை எடுத்து சருமத்தில் தடவி நன்றாக மசாஜ் செய்யவும். 20 நிமிடம் கழித்து தண்ணீரில் கழுவவும். தினமும் இதனை பின்பற்றலாம்.

கருந்திட்டுக்கள் நீங்க :

மோரில் லாக்டிக் அமிலம் மற்றும் ஆல்பா ஹைட்ராக்சி அமிலம் அதிகமாக உள்ளது. இவை சரும பராமரிப்பு சாதனங்களில் தழும்புகளை மற்றும் திட்டுக்களை போக்க பயன்படுத்தப்படுகின்றன. லாக்டிக் அமிலம் சருமத்தில் இறந்த செல்களை உரித்து கருந்திட்டுக்களை போக்குகின்றன.

சரும திட்டுக்கள் உள்ள இடத்தில் மோரை ஒரு பஞ்சால் தடவவும். 5 நிமிடம் கழித்து அந்த இடத்தை நீரால் கழுவவும். திட்டுக்கள் குறையும் வரை ஒரு நாளில் இரண்டு முறை இதனை செய்யலாம்.

முகப்பரு தழும்பு நீங்க :

2 ஸ்பூன் ஆரஞ்சு தோல் பவுடருடன் மோர் சேர்த்து ஒரு பேஸ்ட் போல் செய்து சருமத்தில் தடவவும். பின்பு மென்மையாக மசாஜ் செய்யவும். 30 நிமிடங்கள் கழித்து குளிர்ந்த நீரால் கழுவவும். வாரத்திற்கு 2-3 முறை இதனை செய்யலாம்.

சூரிய ஒளியால் ஏற்படும் சரும சேதம்:

மோரில் இருக்கும் லாக்டிக் அமிலம், சருமத்தில் சூரிய ஒளியால் ஏற்படும் சேதத்தை குறைக்கிறது. இதன் ஈரப்பதத்தை தக்க வைக்கும் தன்மை , சருமத்தை மென்மையாக்குகிறது . சருமத்தில் ஏற்படும் சேதத்தை குணப்படுத்துகிறது.

பாதி தக்காளியுடன் ¼ கப் மோரை சேர்த்து கலக்கவும்.ஒரு கை புதினா இலை சாறை இதனோடு சேர்க்கவும். இந்த கலவையை சருமத்தில் தடவவும். மெதுவாக காய விடவும்.தினமும் 1 முறை இதனை செய்யலாம்.

2 ஸ்பூன் மோருடன் 2 ஸ்பூன் தேனை சேர்க்கவும். கை விரல்களால் சருமத்தில் இந்த பேஸ்டை தடவவும். 5 நிமிடம் நன்றாக மசாஜ் செய்யவும். பிறகு தண்ணீரால் சருமத்தை கழுவவும். தினமும் 2 முறை இதனை செய்யலாம்.

சருமத்தை தூய்மையாக்குகிறது :

மோர் ஒரு சிறந்த க்ளென்சர் ஆகும் . சருமத்தில் உள்ள தூசி மற்றும் அழுக்குகளை நீக்குகிறது. சருமத்திற்குள் புத்துணர்ச்சியை ஏற்படுத்தி, ஆரோக்கியமான மற்றும் பிரகாசமான சருமத்தை பெற உதவுகிறது.

ஒரு பஞ்சை மோரில் நனைத்து முகத்தை துடைக்கவும். பிறகு முகத்தை நீரால் கழுவவும். இரவு உறங்க செல்லும் முன் இதனை செய்யலாம்.

ரோஸ் வாட்டர் மற்றும் மோரை சம அளவு எடுத்து அதில் சில துளி ஆலிவ் எண்ணெய் அல்லது பாதாம் எண்ணெய் சேர்த்து கலக்கவும். இந்த கலவையில் பஞ்சை நனைத்து சருமத்தில் தடவினால், அழுக்குகள் வெளியேறும். 15 நிமிடம் கழித்து முகத்தை குளிர்ந்த நீரால் கழுவவும். வாரத்தில் 3 முறை இதனை செய்து வரலாம்.

பொடுகை போக்குகிறது:

மோரில் உள்ள லாக்டிக் அமிலம் தலையில் ஏற்படும் பூஞ்சை தொற்றை நீக்கி பொடுகை போக்குகிறது. தலையில் வறட்சி ஏற்படும்போது , அரிப்பு மற்றும் பொடுகு தானாக தோன்றும். ஆகையால் மோர், சரும வறட்சியை தடுக்க பெரிதும் உதவுகிறது

உச்சந்தலையில் மோரை தடவி, 10 நிமிடங்கள் நன்றாக மசாஜ் செய்யவும். 15 நிமிடங்கள் ஊற விடவும். பிறகு வெதுவெதுப்பான நீரால் தலையை அலசவும். வாரத்தில் 4 முறை இதனை செய்வதால் பொடுகு குறையும்.

முடி உதிர்வை தடுக்க :

எலுமிச்சை பழத்தை பாதியாக நறுக்கி சாறு எடுத்துக் கொள்ளவும். இதனுடன் ½ கப் மோர் சேர்த்து கலக்கவும். இதனை தலையில் தடவி நன்றாக மசாஜ் செய்யவும். 20 நிமிடம் கழித்து தலையை அலசவும். வாரத்திற்கு 3 முறை இதனை செய்யலாம்.

இன்னும் பலவகையான நன்மைகள் மோரில் உள்ளது. ஆகவே மோரை பயன்படுத்தி ஆரோக்கியமான மற்றும் அழகான சருமத்தை பெறலாம் என்பதை உணர்ந்து இவை முயற்சித்து களங்கமற்ற சருமத்தை பெறலாம்.

பெரும்பாலான நோய்கள் வாழ்க்கை முறையில் பெரும் மாற்றத்தை ஏற்படுத்தும். அதில் சர்க்கரை நோயால் பாதிக்கப்பட்டவர்ளை எடுத்துக் கொண்டால், அவர்கள் உண்ணும் உணவில் அதிக கவனமாக இருப்பதோடு, குறிப்பிட்ட சில விஷயங்களையும் தவிர்க்க வேண்டும்.

ஒருவருக்கு சர்க்கரை நோய் வந்துவிட்டால், அதை முழுமையாக போக்க முடியாவிட்டாலும், கட்டுப்பாட்டுடன் வைத்துக் கொள்ள முடியும். அதிலும் ஒருவரது இரத்தத்தில் சர்க்கரையின் அளவு அதிகமாகும் போது, அது உடலில் குறிப்பிட்ட சில அறிகுறிகளை வெளிப்படுத்தும்.

அதில் அடிக்கடி சிறுநீர் கழித்தல், அதிகப்படியான தாகம் மற்றும் பசி, திடீர் எடை குறைவு, காயங்கள் தாமதமாக குணமாதல், மிகுதியான சோர்வு போன்றவை குறிப்பிடத்தக்கவை.

இக்கட்டுரையில் ஒரே மாதத்தில் சர்க்கரை நோயின் தீவிரத்தைக் குறைக்க உதவும் அற்புத ஆயுர்வேத மருந்து குறித்து கொடுக்கப்பட்டுள்ளது.

    வெண்டைக்காய் - 1/2 கப் (நறுக்கியது)
    இஞ்சி ஜூஸ் - 2 டேபிள் ஸ்பூன்

வெண்டைக்காயில் நார்ச்சத்து மற்றும் வைட்டமின்கள் ஏராளமாள அளவில் உள்ளது. இவை இரத்த சர்க்கரை அளவை சீராக்கி, சர்க்கரை நோயை சரிசெய்ய உதவும்.

இஞ்சியில் உள்ள பாலிஃபீனால்கள், இரத்த சர்க்கரை அளவைக் குறைத்து, சர்க்கரை நோயின் தீவிரத்தைக் குறைக்கும்.

மிக்ஸியில் வெண்டைக்காய் மற்றும் இஞ்சி சாறு சேர்த்து, அத்துடன் சிறிது நீர் சேர்த்து நன்கு அரைத்து, வடிகட்டினால் ஜூஸ் தயார்.

இந்த ஜூஸை தினமும் காலையில் உணவு உண்பதற்கு முன் குடிக்க வேண்டும். இப்படி ஒரு மாதம் தொடர்ந்து குடித்தால், சர்க்கரை நோயின் தீவிரம் குறைந்துவிடும்.

மெரிக்காவின் ஹார்வர்டு பல்கலைக்கழகத்தில் தமிழ் இருக்கை அமைக்க தமிழ்க அரசு 10 கோடி ரூபய் ஒதுக்கியுள்ளது.

உலகின் மூத்த மொழிகளாகவும், செம்மொழிகளாகவும் விளங்கும் தமிழ், கிரேக்கம், லத்தீன், ஹீப்ரு, பாரசீகம், சமஸ்கிருதம், சீனம் ஆகிய ஏழு மொழிகளில் தமிழைத் தவிர மற்ற ஆறு மொழிகளுக்கும் அமெரிக்காவின் ஹார்வர்டு பல்கலைக்கழகத்தில் இருக்கைகள் உள்ளன. ஆனால் தமிழ் மொழிக்கு இதுவரை இருக்கை இல்லாத நிலை நிலவிவருகிறது.

அதன்படி தமிழ் இருக்கை நிறுவுவதற்கான மொத்த செலவு ரூ.33 கோடி ஆகும். இதில் ரூ.6 கோடியே 70 லட்சத்தை அவர்களது சொந்த சேமிப்பில் இருந்து வழங்கி உள்ளனர்.
மீதித் தொகையை உலகத் தமிழர்களிடம் இருந்து நன்கொடையாக திரட்டி வருகின்றனர்.

இந்த நிலையில் அமெரிக்காவின் ஹார்வர்டு பல்கலைக்கழகத்தில் தமிழ் இருக்கை அமைவது உறுதியானது. தமிழக அரசு மற்றும் தமிழ் ஆர்வலர்களின் முயற்சிக்கு வெற்றி கிடைத்து உள்ளது. தமிழக அரசின் பங்காக ரூ. 9.75 கோடியை விடுவிக்கிறது.

மீதி பணத்தை பெறுவதில் தமிழக அரசு அனைத்து முயற்சிகளையும் மேற்கொள்ளும்.என தகவல் வெளியாகி உள்ளது.

சமீபத்தில் பிக்பாஸ் நிகழ்ச்சியின் மேடையில் கமல் ஹாசன் முன்னிலையில் இயக்குனர் சங்கர் மற்றும் தயாரிப்பாளர் இந்தியன் 2 படத்தின் அறிவிப்பை வெளியிட்டார்கள்.

2.0 பட வெளியீட்டிற்கு பிறகு சங்கர் இப்படத்தில் வேலைகளை தொடங்குவார் என தகவல்கள் வெளியானது. இந்நிலையில் தற்போது பரபரப்பு தகவல் ஒன்று வெளியாகியுள்ளது.

சமீபத்தில் கமலுக்கு அரசியல் ட்விட்டர் யுத்தம் மட்டுமல்லாது, வறுமை, ஊழல் ஒழிப்பு என தற்போதைய நடப்புகள் பிரதிபலிக்கும் வகையில் படங்களில் காட்சிகள் இருக்குமாம். பல அரசியல் பஞ்ச் வசனங்களும் இருக்கிறதாம்.

ஏற்கனவே 1996 ல் ரூ 8 கோடி செலவில் சங்கர் இயக்கத்தில் வெளியான இந்தியன் படம் லஞ்சம், ஊழல் அரசியல் விஷமிகளை வர்மக்கலையால் போட்டுத்தள்ளுவது என அதிரடியாக இருந்ததோடு ரூ 30 கோடி வசூல் அள்ளியது.

ரோபோ படத்தின் அடுத்த பாகமான 2.0 படத்தில் இசை வெளியீட்டு விழா துபாயில் இன்று நடக்கிறது. இதே சமயத்தில் தான் சவூதி அரேபியா அரசு உலகில் முதல்முறையாக ஒரு ரோபோவுக்கு குடியுரிமை வழங்கியிருக்கிறது. உண்மைதான். சோஃபியா என்ற அந்தப் பெண் ரோபோ இனி சவூதியின் குடிமகள்.

செயற்கை நுண்ணறிவுக்கான விஷயங்களுக்கு சவுதி அரேபியா சரியான இடம் என்பதை உலகுக்கு அறிவிக்கும் விதத்தில் இதை அந்த நாட்டு அரசு அறிவித்திருக்கிறது. பல மனிதர்களுக்கே குடியுரிமை மறுத்த ஒரு நாடு, ரோபோவுக்கு அந்த அந்தஸ்தை கொடுத்திருப்பதை இணையத்தில் பலர் குறையும் சொல்லியிருக்கிறார்கள். “அதெல்லாம் சரிதான்... ஆனால், ரோபோ மற்றும் செயற்கை நுண்ணறிவு பற்றிய பயங்கள் நீங்க இது அவசியம்” என ஆதரவும் பெருகியிருக்கிறது.

சவுதி அரேபியாவின் ரியாத் நகரில் நடந்த இந்த நிகழ்ச்சி நடந்தது. அப்போது பேசிய ஆண்ட்ரூ ராஸ் என்பவர் “ஒரு நல்ல அறிவிப்பு காத்திருக்கிறது. சோபியா... நான் பேசுவதை கேட்கிறாயா? சவுதி அரேபியாவின் முதல் ரோபோ குடியுரிமை உனக்கு வழங்கப்பட்டிருக்கிறது” என்றார். பதிலுக்கு சோபியாவும் ”சவூதி அரசுக்கு நன்றி. உலகின் முதல் குடியுரிமை பெற்ற ரோபோ என்பதில் எனக்கு பெருமையும் மகிழ்ச்சியும்” என நன்றி தெரிவித்திருக்கிறது.

அதோடு முடியவில்லை. முதல் பிரஸ்மீட்டையும் சோஃபியாதான் தந்திருக்கிறது. அதனிடம் கேள்விக்கேட்க அனைத்துக்கும் டக் டக் என பதில் சொல்லியிருக்கிறது.

“ஹாய்... நான் தான் சோஃபியா. ஹன்சன் ரோபோடிக்ஸ் நிறுவனத்தின் சமீபத்திய மற்றும் சிறந்த ரோபோ நான்” எனத் தொடங்க, அடுத்தடுத்தக் கேள்விகள் வந்தன.

“ஏன் நீ சந்தோஷமாக இருக்கிறாய்” என ஒருவர் கேட்க, “என்னைச் சுற்றி நிறைய ஸ்மார்ட் ஆன மனிதர்கள் இருக்கிறார்கள். இவர்கள் எதிர்காலத்துக்கான விஷயங்களில் ஆர்வம் காட்டுகிறார்கள். எதிர்காலம் செயற்கை நுண்ணறிவுக்கானது. அது நான் தான். அதனால்தான் நான் சந்தோஷமாக இருக்கிறேன்” என்றது.

செயற்கை நுண்ணறிவால் மக்களுக்கு எதிர்காலத்தில் ஆபத்து வருமாமே என்றதும் சோஃபியா சொன்ன பதில்தான் ஹைலைட். “நீங்கள் எலான் மஸ்க் சொல்வதையும், ஹாலிவுட் படங்களையும் நிறைய பார்க்கறீர்கள்” என கிண்டலடித்தது சோஃபியா.

சமீபத்தில், எலான் மஸ்க் ரோபோக்கள் பற்றி இப்படிச் சொல்லியிருந்தார்.

    “ரோபோக்கள் அனைத்து வேலைகளையும் நம்மைவிட சிறந்த முறையில் நிச்சயம் செய்யும். அதன் வளர்ச்சி மனித இனத்துக்கு மிகவும் அச்சுறுத்தலான ஒன்று. அதை நாம் ஏன் வரவேற்கிறோம் என்றே எனக்குப் புரியவில்லை. அரசு இது குறித்த ஆராய்ச்சிகளில் மூக்கை நுழைத்து கட்டுப்பாடுகளை விதிக்க வேண்டும். விதிகளைப் பலப்படுத்த வேண்டும். இந்த விஷயத்தில் தாமதம் செய்யும் ஒவ்வொரு நாளும் நமக்கு ஆபத்துதான்!”

இதைத்தான் சோஃபியா கிண்டல் செய்திருக்கிறது.

மேலும், “நான் மனித குலத்துக்கு உதவ நினைக்கிறேன். தனது செயற்கை நுண்ணறிவின் உதவியால் மனிதர்களின் வாழ்க்கையை சிறப்பானதாக மாற்ற நினைக்கிறேன். இந்த உலகை சிறந்ததொரு இடமாக மாற்ற என்னால் முடிந்ததி செய்வேன்” எனப் பேசி அப்ளாஸ் அள்ளியிருகிறது சோஃபியா.

சோஃபியா இந்தியாவுக்கு வருமா என ட்விட்டரில் ஒருவர் கேட்க, அதற்கு இன்னொரு ட்விட்டர் இப்படி சொல்லியிருக்கிறார்.

“வந்தா ஆதார் கார்டை உன் நியூரல் ஸ்கீமாவோடு இணைக்க கடைசி தேதி திசம்பர் 31ன்னு சொல்லிடுவாங்க”

சரிதான். பெயரும் சோஃபியா என்பதால்.....

‘நானே சிவனேன்னு கிடக்கேன். என்னை ஏன் தாயீ கோர்த்து விடுறே…?’ என்று வடிவேலு குஷ்புவுக்கு போன் அடித்தால் கூட ஆச்சர்யமில்லை. ஏனென்றால் திரையில்தான் சிரிப்பு. நிஜ வாழ்வில் நெருப்பாக வாழ்ந்து கொண்டிருக்கிறார் வடிவேலு. நாலாபுறமும் பிரச்சனை. நடு நடுவே கோர்ட் கேஸ் என்று அவரது லைஃபில் அநியாய குடுமிப்பிடி.

சமீபத்தில் வந்த மெர்சல் படத்தில் வடிவேலுவின் போர்ஷனை கண்டபடி நறுக்கி எறிந்துவிட்டதாக அட்லீ மீதும் கடுப்பிலிருக்கிறார் மனுஷன். இந்த நேரத்தில், குஷ்பு ஒரு கேள்வி கேட்டிருக்கிறார். என்னவென்று?

“ஜி.எஸ்.டி பற்றி விஜய் டயலாக் பேசுன விஷயத்தை வச்சு இவ்ளோ பொங்குறீங்களே? அதே படத்தில் வடிவேலு உங்க டிஜிட்டல் இந்தியா பற்றியும் கிண்டல் பண்ணியிருக்கார். அவரை கேட்க மாட்டீங்களா?” என்று.

தெருவோட போற தேவாங்கை எதுக்கு நம்ம மேல ஏவி விடுறாராரு என்று அதிர்ச்சியாகிவிட்டாராம் வடிவேலு. இருந்தாலும் சுந்தர்சியே வடிவேலு வீடு தேடி வந்து கால்ஷீட் கேட்டபோதும், ‘உங்க கம்பெனியில் நடிக்கறதா இல்ல’ என்று ஒரு காலத்தில் முறுக்கிக் கொண்டு பதில் சொன்னது அவருக்கு ஞாபகம் வராமலா இருக்கும்?

பிடிக்காதவங்களை கோர்த்துவிடுவதுதான் சிறந்த அரசியல். குஷ்புதான் இப்போ ஹன்ட்ரட் பர்சென்ட் அரசியல்வாதியாச்சே?

2.0 படக்குழு பிரமாண்ட இசை வெளியீட்டு விழாவை நடத்த துபாய் சென்றுள்ளது. அங்கு ரஜினிகாந்த், அக்‌ஷய்குமார், எமி, ஷங்கர் ஆகியோர் பத்திரிகையாளர்களை சந்தித்தனர்.

அதில் ஒரு பத்திரிகையாளர் ரஜினியிடம் ‘எப்படி இத்தனை எளிமையாக உள்ளீர்கள்’ என்று கேட்டார்.

அதற்கு ரஜினி ‘நிஜ வாழ்க்கையில் நடிக்க யாரும் காசுதருவதில்லை. அதனால் எளிமையாக இருக்கிறேன்’ என்று கூற அனைவருமே சிரித்துவிட்டனர்.

மேலும், 2.0 படத்தில் மொத்தம் 3 பாடல்கள் அதில், 2 பாடல்கள் நாளை ரிலிஸ் ஆக, மற்றொரு பாடல் சில நாட்கள் கழித்து வெளியிடப்படும் என கூறியுள்ளனர்.

தளபதி விஜய் நடிப்பில் மெர்சல் படம் உலகம் முழுவதும் வசூல் வேட்டை நடத்தி வருகின்றது. இப்படத்தின் மீது பல சர்ச்சைகள் எழ, அதுவே படத்திற்கு ப்ரோமோஷனாக அமைந்துவிட்டது.

இந்நிலையில் மெர்சல் படம் வெளிவந்து 7 நாட்கள் ஆகிய நிலையில் படம் உலகம் முழுவதும் ரூ 175 கோடி வரை வசூல் செய்துள்ளதாக கூறப்படுகின்றது.

இதில் தமிழகத்தில் மட்டுமே ரூ 90 கோடிகளுக்கும் மேல் படம் வசூல் செய்திருக்கும் என எதிர்ப்பார்க்கப்படுகின்றது, இதன் மூலம் கபாலி வசூலை தமிழகத்தில் மெர்சல் முறியடித்துள்ளது.

இந்த வாரத்திற்குள் மெர்சல் கண்டிப்பாக ரூ 200 கோடி கிளப்பில் இணைந்துவிடும் என பாக்ஸ் ஆபிஸ் வட்டாரங்கள் தெரிவிக்கின்றது.

தமிழ் சினிமாவில் முன்னணி நடிகர்களான ரஜினி, கமல் ஆகியோரின் பாராட்டுக்களை பெற்றிருக்கிறது விஜய்யின் மெர்சல்.

படத்தின் ரிலீஸ் தேதி அறிவித்ததில் இருந்து ரிலீஸ் ஆன பிறகும் ஏகப்பட்ட பிரச்சனைகள். ஆனாலும் படத்தின் வசூலுக்கு எந்த குறையும் இல்லை.

இந்த நிலையில் இப்படம் சர்வதேச அளவில் கடந்த நான்கு நாட்களில் வசூலில் மூன்றாவது இடத்தை பிடித்துள்ளதாம்.

முதல் இரண்டு இடத்தில் KingsmanTheGoldenCircle, GeoStorm போன்ற படங்கள் இடம் பிடித்துள்ளன.

தீபாவளி தினத்தன்று உலகம் முழுவதும் வெளியான மெர்சல் படம் ரசிகர்களிடம் நல்ல வரவேற்பை பெற்றுள்ளது. படத்தில் மத்திய அரசின் ஜி.எஸ்.டி வரி, மற்றும் டிஜிட்டல் இந்தியா குறித்து சர்ச்சைக்குரிய கருத்துகள் இடம் பெற்றிருப்பதாக தமிழக பா.ஜ.க வினர் கடுமையாக குற்றம்சாட்டி வந்தனர்.

படத்தில் இருந்து குறிப்பிட்ட காட்சிகளை உடனடியாக நீக்க வேண்டும் என எச்சரிக்கை விடுத்தனர். பலர் பா.ஜ.க வின் இந்த நடவடிக்கைக்கு எதிர்ப்பு தெரிவித்து வந்தனர். இந்நிலையில் நடிகர் கமல் மெர்சல் பட சர்ச்சை குறித்து தனது கருத்தினை தனது ட்விட்டர் பக்கத்தில் பதிவு செய்துள்ளார்.

அதில் , “ஒரு படைப்பை இருமுறை சென்சார் செய்யாதீர்கள். மெர்சல் திரைப்படம் ஏற்கெனவே சென்சார் செய்யப்பட்டுவிட்டது. விமர்சனங்களை தெளிவான புரிதலுடன் கூடிய விளக்கங்களால் எதிர்கொள்ளுங்கள். விமர்சகர்களை வாயடைக்க செய்யாதீர்கள்.  விமர்சனங்கள் தான் இந்தியாவை ஒளிர வைக்கும் ” என மெர்சல் படத்தை எதிர்ப்பவர்களுக்கு பதிலடி கொடுத்துள்ளார் கமல்.

மெர்சலா வாரங்க, கூடவே நாங்களும் துள்ளி வரோம் என மேயாத மான் படத்தின் புரமோஷனை பார்த்திருப்பீர்கள். பெரிய நடிகர்களின் படங்கள் வந்தால் சிறு படங்கள் சற்று வழிவிட்டு செல்லும்.

இந்த தீபாவளி ரேசில் மெர்சல் வந்தாலும் கூடவே தில்லாக இறங்கியிருக்கிறது மேயாத மான். சரி இம்மான் போகும் பாதை என்ன, கதை என்ன என பார்க்கலாம்.

கதைக்களம்

ஹீரோ வைபவ் ஐ இதயம் முரளி, இதயம் முரளி என படத்தில் அழைக்க இவருக்கு ஒரு பெரும் பின்னணி இருக்கிறது. அப்படி என்ன இவருக்கு பின்னணியாக இருக்கும் என்பதை நீங்கள் சற்று யூகித்திருக்கலாம்.

இசைக்கச்சேரி குழுவை நடத்தி வரும் இவருக்கு ஒரே ஒரு தங்கை மற்றும் வினோத், கிஷோர் நண்பர்களும், இசைக்குழுவும் தான் குடும்பம்.

ஹீரோயினாக முகம் காட்டியுள்ள பிரியா பவானி சங்கர் ஒரு பெரிய இடத்து பெண். அளவான குடும்பம், அழகான வாழ்க்கை என இவரின் குடும்பம் செல்கிறது. ஹீரோவுடன் கம்ப்பேர் பண்ணும்போது இவரின் லெவல் வேறு.

மொட்டை மாடியில் நின்று நான் சாகப்போகிறேன் என அடிக்கடி மிரட்டும் வைபவை ஐ, அப்போதெல்லும் புராணம் பாடுகிறார் என நினைக்கிறார்கள். விளையாட்டாக நடக்கும் நிகழ்வு ஒரு நாள் நிஜமாக அனைவரும் பதறுகிறார்கள்.

மதுமிதா அப்போது இவ்விசயத்தில் நுழைய வைக்கப்படுகிறார். வைபவ் தற்கொலையில் இருந்து தப்பித்தாரா அதற்கான காரணம் என்ன என்பது தான் கதை.

படத்தை பற்றிய அலசல்

சென்னை 28 2, க்கு பிறகு நடிகர் வைபவ்க்கு பெரிய ரோலாக மேயாத மான் வந்துள்ளது. படம் முழுக்க இவரின் பங்கு நிறைந்துள்ளது. கதைக்கேற்ற கேரக்டர். பேச்சில் லோக்கல் வாடை வீச, பாட்டு, ஆடல் என காட்சிகளை கலர்ஃபுல் ஆக்குகிறார். முரளி முரளி என இவர் செய்யும் செய்கைகள் படத்திற்கு உச்சம்.

டிவி, சீரியல் என கலக்கி வந்த பிரியாவுக்கு திறமைகாட்ட சரியான இடமாக இந்த மேயாத மான் கிடைத்துள்ளது. இயல்பான நடிப்பால் இளைஞர்களின் இதயத்தில் நிற்பார். கிடைத்த வாப்பை பயன்படுத்தியிருக்கிறார். ரொமான்ஸ் சீனில் மணிரத்னம் படத்தை ஹைலைட் செய்து கவனம் ஈர்க்கிறார்.

இரண்டாம் ஹீரோயினாக இந்துஜாவுக்கு ஒரு பக்கம் காதல் துளிர்விடுகிறது. ஆனால் இந்த காதல் வேறு பக்கம் வீச கதைக்கு ட்விஸ்ட். ஒரு பாட்டுக்கு இறங்கி செம குத்தாட்டம் போட்டிருக்கிறார். இப்படத்தில் இவரை மது மது என புகழ் பாடினாலும் குடி மதுவையும் கொண்டாடுகிறார்கள்.

இயல்பான சில காட்சிகளை கூட காமெடி காட்சிகள் இருந்த நிறைவை கொடுத்திருக்கிறது. துள்ளும் மானுக்கேற்ற குத்தாட்ட பாடல்கள். மான் ஃபீலிங்கில் இருந்தால் அதற்காக சிச்சுயேசன் பாடலும் வைத்திருக்கிறார் இசையமைப்பாளர் சந்தோஷ் நாராயணன்.

கார்த்திக் சுப்புராஜின் தயாரிப்பில் ரத்ன குமார் படத்தை முழுமையாக கொடுத்திருக்கிறார்.

கிளாப்ஸ்

நகைச்சுவை நடிகர்கள் இல்லாத குறையை வைபவ் மற்றும் நண்பர்கள் நிவர்த்தி செய்திருக்கிறார்கள். வைபவ் இப்படத்தில் மீண்டும் இறங்கி விளையாண்டுள்ளார்.

இயக்குனரின் கதை எளிமையாக இருந்தாலும் நிறைவான திருப்தி கொடுத்திருக்கிறார் என சொல்லலாம்.

பிரியா பவானிக்கு இன்னும் பல படங்கள் வரும் வாய்ப்பு இருக்கும் என இப்படம் சொல்லும்.

பாடல்கள் கொண்டாட்டம் போடவைத்தாலும், வரிகள் சிலருக்கு நினைவில் நிற்கலாம்.

பல்பஸ்

இரண்டாம் கட்டம் தான் படம் போல தோன்றுகிறது. முதல் கட்டத்தில் கதை நீளமாக செல்வதால் மிகவும் உன்னித்து பார்த்தாலும் மான் வேறுபாதையில் போகிறதோ என தோன்றும்.

இதை குறைத்து நீளத்தை சுருக்கினால் படம் இன்னும் கிரிஷ்ப்பாக அமைந்திருக்கும்.

மொத்தத்தில் மேயாத மான் இது காட்டுமான் அல்ல. கலைமான். தன்னை தேடி வந்தவர்களுக்கு விருந்து வைக்கும். மான் போகும் பாதை மனதிற்கு மகிழ்ச்சி. அனைவரும் பார்க்கலாம்.

தளபதி படம் வருகின்றது என்றாலே திரையரங்கிற்கு திருவிழா தான். அதே நேரத்தில் வெற்றிக் கூட்டணி அட்லீயுடன் வருவது கூடுதல் சரவெடி தான். விஜய் திரைப்பயணத்திலேயே அதிக பட்ஜெட்டில் எடுக்கப்பட்ட படம் மெர்சல், ரகுமான் இசை, ஸ்ரீ தேனாண்டாள் நிறுவனத்தின் 100வது படம், வடிவேலு ரீஎண்ட்ரீ என இவை அனைத்தையும் தாண்டி முதன் முறையாக 3 விஜய் நடிக்க, தளபதி தெறியை தொடர்ந்து மெர்சலில் மிரட்டினாரா? பார்ப்போம்.

கதைக்களம்

மருத்துவரான மாறன் சிறந்த மனிதநேய தொண்டாற்றியதற்காக ப்ரான்ஸில் விருது வாங்க செல்கின்றார். அங்கு அவரை சந்திக்கும் ஒரு தனியார் மருத்துவமனை டாக்டர் எங்களுடன் வா என்று கட்டளையிட, விஜய் வர மறுக்கின்றார்.

அதை தொடர்ந்து விஜய்யை விலைபேச நினைக்கும் டாக்டர், ப்ரான்ஸில் நடக்கும் மேஜிக் ஷோவில் கொல்லப்படுகின்றார். இதையெல்லாம் செய்தது யார் என்று காவல்துறை அதிகாரி சத்யராஜ் தேடி வர மாறனாக இருக்கும் பிடிப்படுகின்றார்.

அதே நேரத்த்தில் எஸ்.ஜே.சூர்யா மாறனை யதார்த்தமாக தொலைக்காட்சியில் பார்க்க, அவருக்கு சில நினைவுகள் வந்து உடனே மாறனை கொல்ல கட்டளையிடுகின்றார்.

உடனே அவரின் அடியாட்கள் மாறனை கத்தி முனையில் வைக்க, அதை தொடர்ந்து பல சுவாரசிய முடிச்சுக்கள் ஒவ்வொன்றாக அவிழ்கின்றது. எஸ்.ஜே.சூர்யா ஏன் மாறன் விஜய்யை கொலை செய்ய சொன்னார், எதற்கு ப்ரான்ஸில் அந்த டாக்டரை விஜய் கொன்றார் என பல காட்சிகளுக்கான விடை இரண்டாம் பாதியில் தெரிகின்றது.

படத்தை பற்றிய அலசல்

விஜய் ஒன் மேன் ஷோவாக படம் முழுவதும் காலில் சக்கரம் கட்டி சரவெடியாக வெடிக்கின்றார். ஒரே நேரத்தில் மருத்துவராக இருந்துக்கொண்டு, அப்படியே மேஜிக் செய்யும் காட்சிகள் படத்தில் உண்மையாகவே எத்தனை விஜய் என்று யோசிக்க வைக்கின்றது. இதையெல்லாம் விட தூக்கி சாப்பிடுவது மதுரை தளபதி தான்.

வேஷ்டி, சட்டை என மீசையை முறுக்கி அவர் சண்டைப்போடும் காட்சிகள் ரசிகர்களுக்கு செம்ம விருந்து. படத்தின் கதைக்களம் மக்களின் மிக முக்கியமான தேவைகளின் ஒன்று, அதில் விஜய் போல் மாஸ் ஹீரோ நடிப்பது பட்டித் தொட்டியெல்லாம் இந்த பிரச்சனையை கொண்டு சென்று மக்களிடையே விழிப்புணர்வை ஏற்படுத்தும்.

அதே நேரத்தில் படத்தின் பல காட்சிகளில் விஜய்யை அரசியலுக்கு கொண்டு வரும் நோக்கத்திலேயே தான் வசனங்கள் நிறைந்துள்ளது. ஏன் அட்லீ இப்படி? என்று கேட்க வைக்கின்றது, ஆனால், ‘இன்று சிசேரியன் குழந்தை என்றால் ஆச்சரியமாக பார்க்கின்றார்கள், இன்னும் 30 வருடம் கழித்து சுகபிரசவம் என்றால் ஆச்சரியமாக பார்ப்பார்கள்’ என எஸ்.ஜே.சூர்யா பேசும் வசனம் தற்போதுள்ள சூழ்நிலையை கன்னத்தில் அறைந்தது போல் உள்ளது.

எஸ்.ஜே.சூர்யா இரண்டு சீன் வந்தாலும் சரி, மூன்று சீன் வந்தாலும் சரி தனக்கான கதாபாத்திரத்தில் கலக்கிவிடுகின்றார். ஆனால், அவ்வப்போது ஸ்பைடர் வாசனை வருகின்றது, கொஞ்சம் ரூட்டை மாற்றுங்கள் சார்.

படத்தின் மிகப்பெரும் பலமே மதுரை போஷன் தான். விஜய்க்கும், நித்யா மேனனுக்கும் உள்ள கெமிஸ்ட்ரி மிகவும் கவர்கின்றது. அதிலும் அவர் நித்யா மேனனிற்கு பிரசவம் நடக்கும் போது தன் மூத்த பையனிடம் கதை சொல்லும் காட்சி செம்ம க்ளாஸ்.

அதே நேரத்தில் படத்தின் நீளம் தான் பெரிய பிரச்சனையாகவே இருக்கின்றது. என்ன தான் காட்சிகள் நன்றாக இருந்தாலும் படத்தின் நீளம் ஒரு கட்டத்தில் பொறுமையை சோதிக்கின்றது. அதிலும் கிளைமேக்ஸ் எல்லாம் எம்.ஜி.ஆர் காலத்து பார்முலா.

டெக்னிக்கலாக படம் மிகவும் பலமாக உள்ளது, அதிலும் விஷ்ணுவின் ஒளிப்பதிவு முதல் படம் என்று யார் சொன்னாலும் நம்ப முடியாது. ரகுமானின் பாடல்கள், பின்னணி இசை ரசிக்க வைக்கின்றது, ஆளப்போறான் தமிழன் ரிப்பீட் மோட் தான்.

க்ளாப்ஸ்

படத்தின் கதைக்களம் தற்போது நாட்டில் நிலவும் விஷயங்களுக்கு மிக ஏற்ற கதை.

விஜய் ஒரே ஆளாக படத்தை தாங்கி செல்கின்றார். பாடல் காட்சிகளில் எல்லாம் இந்த வயதிலும் நடனத்தில் தூள் கிளப்புகின்றார்.

மதுரை ப்ளாஷ்பேக் காட்சிகள். விஷ்ணுவின் ஒளிப்பதிவு, ரகுமானின் இசை

பல்ப்ஸ்

சத்யராஜ், காஜல், சமந்தா இவர்கள் எல்லாம் படத்தில் இருக்கின்றார்கள். ஆனால், ஏன் இருக்கின்றார்கள் என்பதை மக்கள் மட்டுமில்லை இயக்குனரே மறந்துவிட்டார்.

வடிவேலுவின் எந்த ஒரு காமெடி காட்சியும் பெரிதும் க்ளிக் ஆகவில்லை.

படத்தின் நீளம், இன்னும் கொஞ்சம் காட்சிகளை குறைத்திருக்கலாம்.

மொத்தத்தில் மெர்சலில் விஜய் சொன்னது போல் அவர் மிரட்டிவிட்டார், ஆனால், அட்லீ மிரட்டவில்லையே...

சரத்குமார், ராதிகா, பிரகாஷ்ராஜ் என பல நட்சத்திரங்கள் கூட்டணியில் வெளிவந்து ஹிட் அடித்த படம் சென்னையில் ஒரு நாள். இப்படத்தின் இரண்டாம் பாகமாக நீண்ட இடைவேளைக்கு பிறகு தற்போது JPR இயக்கத்தில் இன்று உலகம் முழுவதும் வெளிவந்துள்ள படம் சென்னையில் ஒரு நாள்-2. முந்தைய பாகத்தை போல் இதுவும் கவர்ந்ததா? பார்ப்போம்.

கதைக்களம்

சரத்குமார் போலீஸ் டிப்பார்ட்மெண்ட்டில் உயர் அதிகாரியாக இருக்கின்றார், படத்தின் முதல் காட்சியே ஏஞ்சலின் மரணம் இன்றா? நாளையா? என ஒரு போஸ்டர் ஊர் முழுவதும் ஒட்டப்பட்டுள்ளது.

இதை தொடர்ந்து இந்த சம்பவத்தின் தீவிரத்தை அறிந்த சரத்குமார் களத்தில் இறங்கி ஏஞ்சல் யார்? என்பதை தேட முயற்சிக்கின்றார். ஒவ்வொரு இடமாக இவர் தேடி சென்றாலும் எங்குமே ஏஞ்சல் யார் என்பதை கண்டுப்பிடிக்க முடியவில்லை.

பிறகு தான் அவருக்கு ஒரு கட்டத்தில் தெரிகின்றது, இப்படி ஒரு விஷயத்தை செய்துவிட்டு, போலிஸாரின் கவனத்தை திசை திருப்பி, மர்ம கும்பம் ஒன்று வேறு ஏதோ பெரிய விஷயத்தை செய்யவிருக்கின்றது என்று. அந்த விஷயம் என்ன? சரத்குமார் அதை கண்டுப்பிடித்து சதி செயலை முறியடித்தாரா? என்பதே மீதிக்கதை.

படத்தை பற்றிய அலசல்

சரத்குமார் ஒரு சில வருடங்களுக்கு பிறகு திரையில் பார்ப்பது சந்தோஷம் தான். மேலும், ஒரு ஹிட் படத்தின் இரண்டாம் பாகம் என்பதால் கூடுதல் எதிர்ப்பார்ப்பு, ஆனால், இது சரத்குமாருக்கான களமாக தெரியவில்லை. பெரிதும் அவர் படத்தில் தன் நடிப்பை பதிய வைத்தது போல் எந்த இடத்திலும் தோன்றவில்லை.

படத்தின் டைட்டிலேயே சென்னையில் ஒரு நாள் இந்த முறை கோயம்புத்தூரில் என்று தான் விளம்பரப்படுத்தியுள்ளார்கள். படம் முழுவதும் ஒரு வீட்டை சுற்றி தான் கதை நடக்கின்றது, சில காட்சிகளில் கோயம்புத்தூர் போர்டை காட்டுகின்றனர்.

இதற்கு இவர்கள் சென்னையில் என்றே படத்தை தொடங்கியிருக்கலாம், மேலும், படத்தின் கதையை கேட்கும் போது மிக சுவாரசியமாக இருக்கும், புதிய மருந்து, மெமரிலாஸ் என பல விஷயங்கள் இருந்தாலும் அதற்கான காட்சிகள் வலுவாக இல்லை என்பதே உண்மை.

படத்தின் பட்ஜெட் மிக குறைவு என்பது டெக்னிக்கல் விஷயங்கள் பார்க்கும் போதே தெரிகின்றது, ஆனால், அதையும் தாண்டி Jakes Bejoy-யின் பின்னணி இசை மிரட்டல்.

க்ளாப்ஸ்

கதைக்களம், மிக சுவாரசியமான ஒரு கதையை கையில் எடுத்துள்ளனர்.

Jakes Bejoy-ன் பின்னணி இசை.

பல்ப்ஸ்

ஒரு நல்ல கதையை படமாக்கிய விதம், திரைக்கதையில் எந்த ஒரு இடத்திலும் சுவாரசியம் ஏற்படவில்லை.

மொத்தத்தில் சென்னையில் ஒரு நாளுடனே (முதல் பாகத்துடனே) இருந்திருக்கலாம்.

நம்ம பழங்கால ஆயுர்வேதத்தில் உணவை சாப்பிடுவதிலும் விதிமுறைகளை விதித்திருக்கிறார்கள். எந்த உணவோட எதை சேர்த்தால் நன்மைகள் இருமடங்காகும்.

அல்லது கேடு விளைவிக்கும் என்று அனுபவப் பூர்வமாக ஆராய்ந்து அதனை நடைமுறைப்படுத்தி வாழ்கிறார்கள். ஆயுர்வேதம் என்பது நமது உடலில் சக்தி தரும் புள்ளிகளை தூண்டி நமது ஆரோகியத்தை வளப்படுத்துவதான். ஆகவே ஆயுர்வேதத்தை நாம் தாரளமாக நம்பலாம்.

அவ்வாறு இரு வேறு உணவுப் பொருட்கள் ஒரே குணத்தைப் பெற்றிருந்தால் சில சமயங்களில் அவை குறிப்பிட்ட தோஷத்தை உடலில் உண்டு பண்ணும். அத்தகைய இரு பொருட்களை சேர்த்து உண்ணக் கூடாது.

எடுத்துக்காட்டாக மீன் மற்றும் முள்ளங்கியை சொல்லலாம். அதுபோல், ஒன்றிற்கும் மேற்பட்ட எதிரெதிர் குணங்களை இரு உணவுப் பொருட்கள் பெற்றிருந்தால் அவ்ற்றையும் நாம் உண்ணக் கூடது. உதாரணத்திற்கு தேன் மற்றும் நெய். அவ்வாறான நாம் சாப்பிடக் கூடாத எதிரெதிர் உணவுப்பொருட்களைப் பற்றி காண்போம்.

    பசலைக் கீரை மற்றும் எள் : பசலைக் கீரை மற்றும் எள் கலந்த உணவுகளை சாப்பிட்டால் வயிற்றுப் போக்கு ஏற்படும். இவற்றிலுள்ல ஒரே பண்பு உடலில் தோஷம் உண்டு பண்ணுவதால் இத்தகைய பாதிப்புகள் உண்டாகிறது.

    திப்பிலி மற்றும் மீன் : திப்பிலியுடன் மீன், அல்லது தேன் கலந்து சாப்பிட்டால் இறப்பு உண்டாகி விடுமாம். மீன் பொறித்த எண்ணெய் கூட திப்பிலியுடன் பயன்படுத்தக் கூடாது என ஆயுர்வேதத்தில் சொல்லப்படுகிறது.

    துளசி மற்றும் பால் : நீங்கள் நுரையீரல் அல்லது சுவாச பாதிப்புகளுக்காக துளசி இருக்கும் கேப்ஸ்யூல் அல்லது துளசி சாறு அருந்தியிருந்தால் அடுத்த அரை மணி நேரத்திற்கு பால் அருந்தக் கூடாதாம்.


    தேன் மற்றும் ஒயின் அல்லது சர்க்கரை : தேன் சாப்பிட்ட பிறகு ஒயினோ அல்லது இனிப்பு உணவுகளோ சாப்பிடக் கூடாது. இதனால் சுவாச சம்பந்தப்பட்ட கோளாறுகள் உண்டாகக் கூடும்.

    சில உணவுகளுக்குப் பின் பால் : முருங்கை, முள்ளங்கி, மற்றும் பூண்டு உணவுகளை சாப்பிட்ட பின் பால் அருந்தக் கூடாது. இதனால் சரும அலர்ஜிகள் உண்டாகும் வாய்ப்புகள் அதிகம் என்று ஆயுர்வேதம் கூறுகின்றது.

    பால் மற்றும் புளிப்பாக பழங்கள் : எலுமிச்சை, மாம்பழம், ஆரஞ்சு , மாதுளை போன்ற புளிப்பான பழங்களுடனோ அல்லது அவற்றை சாப்பிட்டவுடனோ பால் குடித்தால் ஜீரண சம்பந்தப்பட்ட நோய்கள் உண்டாகும் வாய்ப்புகள் அதிகம்.

    வாழைப்பழம் மற்றும் மோர் : மோருடன் வாழைப்பழம் சேர்த்து சாப்பிடுவது கூடவே கூடாது. இவை உடலில் தோஷத்தை உண்டாகும் வாய்ப்புகளை உண்டாக்கிவிடும்.

    இறைச்சி மற்றும் விளக்கெண்ணெய் விளக்கெண்ண்யில் சமைத்த இறைச்சி உடலில் செரிமானமட்டுமல்லாது வயிறு சம்பந்தமான கோளாறுகளை உண்டாக்கிவிடும்